Leerling pleeg selfmoord
'n Sestienjarige seun wat sedert verlede Woensdag as vermis aangemeld is, se lewe het tragies geëindig.
Francoise Steynberg
Die liggaam van 'n graad 9-leerling van die Sekondêre Skool Mweshipandeka op Ongwediva is Dinsdag omstreeks 12:00 deur 'n verbyganger in 'n boom gevind.
Volgens die Namibiese polisie se misdaadverslag is die 16-jarige oorledene, Amatsi Barnabas Nadipite, reeds verlede Woensdag as vermis aangemeld en hy kon nie opgespoor word nie.
Sy naasbestaandes is van sy dood ingelig.
Nog 'n selfmoord is Dinsdag op Kuisebmond aangemeld.
Mnr. Erich Reinhard Afrikaner (42) se meisie het om 13:00 op sy liggaam in hul woonstel in Goldstraat afgekom waar hy homself aan die plafon opgehang het met 'n elektriese kabel.
Afrikaner het 'n selfmoordnota gelos: “Ek het probleme wat ek nie weet hoe om te oorkom nie.”
Sy naasbestaandes is van sy dood ingelig.
Maandag, omstreeks 07:00 by die Okakundu-nedersetting naby Tsandi in die Omusatistreek, het 'n skoolkind op die liggaam van 'n man in 'n boom in 'n mahangu-veld afgekom. Wyle mnr. Titus Kaumangelwa (51) het geen selfmoordnota gelos nie.
Nóg 'n klag van verkragting van 'n minderjarige is op Rundu aanhangig gemaak.
“Die ma (39) van 'n sewejarige het agtergekom dat 'n 18-jarige familielid haar kind sedert April verlede jaar seksueel aanrand en het dit Dinsdag by die polisie gerapporteer,” sê die polisie.
Die verdagte is nog nie in hegtenis geneem nie.
GEWAPENDE ROOFTOG
Drie vermeende rowers is steeds voortvlugtend ná 'n gewapende rooftog Dinsdag by NamPost op Epukiro in die Omahekestreek.
Volgens die Namibiese polisie se misdaadverslag was NamPost se enigste werknemer daar besig om geld te tel toe drie mans by die klein poskantoorgebou inkom.
“Een man was met 'n pistool gewapen en het geld geëis. Die beampte het N$220 000 kontant aan die verdagtes oorhandig en hulle het op die vlug geslaan,” lui die misdaadverslag.
“Die slagoffer het die voorval 'n uur later aan die polisie gerapporteer. Die verdagtes is steeds op die vlug en geen geld is al teruggevind nie.”
Die polisie doen 'n beroep op enigiemand met inligting om die polisiekantoor op Gobabis te kontak of vir adj.komm. Kalimbula by 081 124 6131 te skakel.
Woensdag, omstreeks 01:37, is mnr. Jonas Johannes (20), 'n sekuriteitswag by Agro Marketing Ongwediva (AMTA), op Ongwediva glo deur sy kollega, wat van diens af was, met 'n mes in die bors gesteek.
“Die kollega het werk toe gegaan om kool te gaan haal wat hy glo gesteel het. 'n Stryery het tussen die twee mans ontstaan en Johannes is met 'n mes gesteek. Hy is in 'n Oshakati-staatshospitaal opgeneem en in 'n stabiele toestand. Die verdagtes is nog nie in hegtenis geneem nie.”
Die liggaam van 'n graad 9-leerling van die Sekondêre Skool Mweshipandeka op Ongwediva is Dinsdag omstreeks 12:00 deur 'n verbyganger in 'n boom gevind.
Volgens die Namibiese polisie se misdaadverslag is die 16-jarige oorledene, Amatsi Barnabas Nadipite, reeds verlede Woensdag as vermis aangemeld en hy kon nie opgespoor word nie.
Sy naasbestaandes is van sy dood ingelig.
Nog 'n selfmoord is Dinsdag op Kuisebmond aangemeld.
Mnr. Erich Reinhard Afrikaner (42) se meisie het om 13:00 op sy liggaam in hul woonstel in Goldstraat afgekom waar hy homself aan die plafon opgehang het met 'n elektriese kabel.
Afrikaner het 'n selfmoordnota gelos: “Ek het probleme wat ek nie weet hoe om te oorkom nie.”
Sy naasbestaandes is van sy dood ingelig.
Maandag, omstreeks 07:00 by die Okakundu-nedersetting naby Tsandi in die Omusatistreek, het 'n skoolkind op die liggaam van 'n man in 'n boom in 'n mahangu-veld afgekom. Wyle mnr. Titus Kaumangelwa (51) het geen selfmoordnota gelos nie.
Nóg 'n klag van verkragting van 'n minderjarige is op Rundu aanhangig gemaak.
“Die ma (39) van 'n sewejarige het agtergekom dat 'n 18-jarige familielid haar kind sedert April verlede jaar seksueel aanrand en het dit Dinsdag by die polisie gerapporteer,” sê die polisie.
Die verdagte is nog nie in hegtenis geneem nie.
GEWAPENDE ROOFTOG
Drie vermeende rowers is steeds voortvlugtend ná 'n gewapende rooftog Dinsdag by NamPost op Epukiro in die Omahekestreek.
Volgens die Namibiese polisie se misdaadverslag was NamPost se enigste werknemer daar besig om geld te tel toe drie mans by die klein poskantoorgebou inkom.
“Een man was met 'n pistool gewapen en het geld geëis. Die beampte het N$220 000 kontant aan die verdagtes oorhandig en hulle het op die vlug geslaan,” lui die misdaadverslag.
“Die slagoffer het die voorval 'n uur later aan die polisie gerapporteer. Die verdagtes is steeds op die vlug en geen geld is al teruggevind nie.”
Die polisie doen 'n beroep op enigiemand met inligting om die polisiekantoor op Gobabis te kontak of vir adj.komm. Kalimbula by 081 124 6131 te skakel.
Woensdag, omstreeks 01:37, is mnr. Jonas Johannes (20), 'n sekuriteitswag by Agro Marketing Ongwediva (AMTA), op Ongwediva glo deur sy kollega, wat van diens af was, met 'n mes in die bors gesteek.
“Die kollega het werk toe gegaan om kool te gaan haal wat hy glo gesteel het. 'n Stryery het tussen die twee mans ontstaan en Johannes is met 'n mes gesteek. Hy is in 'n Oshakati-staatshospitaal opgeneem en in 'n stabiele toestand. Die verdagtes is nog nie in hegtenis geneem nie.”
Kommentaar
Republikein
Geen kommentaar is op hierdie artikel gelaat nie