Leerlinge leer van bedreigde diere

Me. Maria Diekmann van Okonjima het onlangs die gr. 6-leerlinge van Edugate Academy besoek en hulle meer oor bedreigde spesies vertel. Sy het 'n uil en 'n ietermago saamgebring en interessanthede oor beide diere met hulle gedeel. Veral die skaars ietermago het die kinders vasgenael laat sit en nadat Diekmann gedemonstreer het hoe hy homself beskerm deur in 'n bol op te rol, het hulle ook geleentheid gekry om aan dié snaakse dier te vat. Daarna het die groot uil, wat eintlik 'n nagdier is en die klomp kinders voor hom nuuskierig betrag het, sy beurt gekry en kon hulle hoor waarom dit so belangrik is om uile te beskerm.