Leerskool vir veilige houtskoolaangebied
Terwyl houtskoolproduksie verlede jaar rekordhoogtes bereik het, het rolspelers hulself georganiseer vir opleiding, bedryfstandaarde en plaaslike toetsing vir produkte.
Elvira Hattingh – Minder as 'n week nadat die Namibië Houtskoolvereniging (NCA) se Charcoal Village amptelik geopen is, word dit reeds ingespan om houtskoolprodusente te leer van die nuutste produksietegnieke wat ook omgewingsvriendelik is.
Dit volg ná die houtskoolbedryf in Namibië die afgelope jare sterk groei getoon het, met plaaslike houtskoolproduksie wat van 84 000 ton in 2016 tot 140 000 ton in 2019 gegroei het.
Boonop het die NCA se ledetal in die tyd ook van 288 tot 1 148 opgeskiet.
“Dié syfers sal na verwagting vanjaar nog meer styg omdat talle nuwe lede by ons aangesluit het,” het die NCA-voorsitter, mnr. Isak Katali, tydens die openingsgeleentheid gesê.
“Verlede jaar het ons gesien dat 'n groot surplus houtskool vervaardig is nadat talle produsente daarmee begin het om die droogte te probeer oorleef. Ongelukkig het dit tot die produksie van swakker gehalte houtskool gelei.
“Dit is een van die redes waarom ons besluit het om die Charcoal Village te bou – sodat ons ons lede kan help om beter gehalte houtskool te produseer.
“Ons het nuwe brandtegnieke ontwikkel wat reeds suksesvol op enkele plase geïmplementeer is.
“Die sentrum by die Charcoal Village sal hoofsaaklik vir navorsing, ontwikkeling en demonstrasies gebruik word op ou en nuwe houtskooltegnologie, gekombineer met verbeterde verbrandingsprosesse,” het Katali gesê.
Die Charcoal Village buite Otjiwarongo is amptelik op 24 Junie geopen– met planne om voorts opleiding aan minstens 1 000 jeugdiges te bied, het die ministerie van handel en nywerheidsontwikkeling (MIT) se dr. Michael Humavindu tydens die openingsgeleentheid gesê.
Humavindu het die amptelike opening behartig.
“Terselfdertyd lei die ministerie die proses vir die opstel van Namibiese standaarde vir houtskoolproduksie in konsultasie met belangegroepe. Hulle sal binnekort meer inligting hieroor bekend maak,” het Humavindu gesê.
“Die ministerie sal verder die stigting van 'n toetsfasiliteit steun om seker te maak daar word aan internasionale standaarde voldoen en sodat produkte plaaslik, eerder as in Suid-Afrika getoets kan word,” sê Humavindu.
DIVERSIFISERING
Katali sê die NCA het intussen 'n program van stapel gestuur om te kyk hoe die houtskoolbedryf gediversifiseer kan word, veral nadat talle produsente nie al hul houtskool verlede jaar van die hand kon sit nie.
Katali het verduidelik dat byprodukte, soos houtteer en –suur ook met behulp van spesiale toerusting tydens houtskoolproduksie geoes kan word. “Dit is eintlik 'n eenvoudige proses wat aangepas kan word by die droogoonde wat reeds in boere se veld staan.
“Terselfdertyd verminder dit rook met minstens 60% of meer. Hierdie is ook die eerste stappe vir 'n skoner brandproses,” het Katali gesê.
Hy sê daar word in Suid-Afrika na markte vir dié produkte gekyk.
VENNOOTSKAP
Katali het gesê die Charcoal Village is die produk van 'n openbare-private-vennootskap (PPP) met onder meer GIZ, die Duitse DHG en mnr. Werner Berg en sal as satellietsentrum ingespan word om houtskoolwerkers en -prosesseerders se vaardighede uit te brei.
Terwyl die NCA se hoof PPP-sentrum later vanjaar in Otjiwarongo sal oopmaak, sal die NCA binnekort kursusse aanbied oor onder meer die semi-gemeganiseerde oes van bos, sweiswerk, hoe om jou eie droogoond te bou en hoe om houtskool te produseer. Spesifiek die laaste kursus sal by die Charcoal Village aangebied word, het Katali gesê.
Die vereniging sal ook binnekort veldopleiding deur sy nuut opgeleide houtskool-instrukteurs aanbied.
“Ons is oortuig dat die inisiatief sal bydra tot verbeterde houtskool vir ons markte en alle lede sal bevoordeel, insluitend toekomstige lede,” het Katali gesê.
Die NCA sê dit beplan reeds in Augustus 'n volgende geleentheid by die Charcoal Village vir die houtskoolbedryf, waartydens daar onder meer gedemonstreer gaan word hoe om biochar te produseer en waarvoor dit gebruik word.
- [email protected]
Dit volg ná die houtskoolbedryf in Namibië die afgelope jare sterk groei getoon het, met plaaslike houtskoolproduksie wat van 84 000 ton in 2016 tot 140 000 ton in 2019 gegroei het.
Boonop het die NCA se ledetal in die tyd ook van 288 tot 1 148 opgeskiet.
“Dié syfers sal na verwagting vanjaar nog meer styg omdat talle nuwe lede by ons aangesluit het,” het die NCA-voorsitter, mnr. Isak Katali, tydens die openingsgeleentheid gesê.
“Verlede jaar het ons gesien dat 'n groot surplus houtskool vervaardig is nadat talle produsente daarmee begin het om die droogte te probeer oorleef. Ongelukkig het dit tot die produksie van swakker gehalte houtskool gelei.
“Dit is een van die redes waarom ons besluit het om die Charcoal Village te bou – sodat ons ons lede kan help om beter gehalte houtskool te produseer.
“Ons het nuwe brandtegnieke ontwikkel wat reeds suksesvol op enkele plase geïmplementeer is.
“Die sentrum by die Charcoal Village sal hoofsaaklik vir navorsing, ontwikkeling en demonstrasies gebruik word op ou en nuwe houtskooltegnologie, gekombineer met verbeterde verbrandingsprosesse,” het Katali gesê.
Die Charcoal Village buite Otjiwarongo is amptelik op 24 Junie geopen– met planne om voorts opleiding aan minstens 1 000 jeugdiges te bied, het die ministerie van handel en nywerheidsontwikkeling (MIT) se dr. Michael Humavindu tydens die openingsgeleentheid gesê.
Humavindu het die amptelike opening behartig.
“Terselfdertyd lei die ministerie die proses vir die opstel van Namibiese standaarde vir houtskoolproduksie in konsultasie met belangegroepe. Hulle sal binnekort meer inligting hieroor bekend maak,” het Humavindu gesê.
“Die ministerie sal verder die stigting van 'n toetsfasiliteit steun om seker te maak daar word aan internasionale standaarde voldoen en sodat produkte plaaslik, eerder as in Suid-Afrika getoets kan word,” sê Humavindu.
DIVERSIFISERING
Katali sê die NCA het intussen 'n program van stapel gestuur om te kyk hoe die houtskoolbedryf gediversifiseer kan word, veral nadat talle produsente nie al hul houtskool verlede jaar van die hand kon sit nie.
Katali het verduidelik dat byprodukte, soos houtteer en –suur ook met behulp van spesiale toerusting tydens houtskoolproduksie geoes kan word. “Dit is eintlik 'n eenvoudige proses wat aangepas kan word by die droogoonde wat reeds in boere se veld staan.
“Terselfdertyd verminder dit rook met minstens 60% of meer. Hierdie is ook die eerste stappe vir 'n skoner brandproses,” het Katali gesê.
Hy sê daar word in Suid-Afrika na markte vir dié produkte gekyk.
VENNOOTSKAP
Katali het gesê die Charcoal Village is die produk van 'n openbare-private-vennootskap (PPP) met onder meer GIZ, die Duitse DHG en mnr. Werner Berg en sal as satellietsentrum ingespan word om houtskoolwerkers en -prosesseerders se vaardighede uit te brei.
Terwyl die NCA se hoof PPP-sentrum later vanjaar in Otjiwarongo sal oopmaak, sal die NCA binnekort kursusse aanbied oor onder meer die semi-gemeganiseerde oes van bos, sweiswerk, hoe om jou eie droogoond te bou en hoe om houtskool te produseer. Spesifiek die laaste kursus sal by die Charcoal Village aangebied word, het Katali gesê.
Die vereniging sal ook binnekort veldopleiding deur sy nuut opgeleide houtskool-instrukteurs aanbied.
“Ons is oortuig dat die inisiatief sal bydra tot verbeterde houtskool vir ons markte en alle lede sal bevoordeel, insluitend toekomstige lede,” het Katali gesê.
Die NCA sê dit beplan reeds in Augustus 'n volgende geleentheid by die Charcoal Village vir die houtskoolbedryf, waartydens daar onder meer gedemonstreer gaan word hoe om biochar te produseer en waarvoor dit gebruik word.
- [email protected]
Kommentaar
Republikein
Geen kommentaar is op hierdie artikel gelaat nie