Leier van Kenia se opposisie 'ingehuldig'
Die opposisie in Kenia het Dinsdag hul misnoë met die tweede termyn van pres. Uhuru Kenyatta te kenne gegee.
In 'n seremonie wat Kenia se regering gewaarsku het as hoofverraad beskou kon word, is die opposisieleier, Raila Odinga, Dinsdag as “die president van die volk ingehuldig”.
Dit was uit protes teen pres. Uhuru Kenyatta se tweede termyn, enkele maande nadat dodelike verkiesingsgeweld in die land uitgebreek het.
Die regering het regstreekse uitsendings deur die land se topdrie- TV-kanale afgesny, terwyl duisende mense in 'n park in Nairobi vir die geleentheid byeengekom het.
Kenyatta het gedreig om die uitsaailisensies terug te trek van enige mediahuis wat die gebeurtenis regstreeks uitsaai, en die instansies te sluit, het Kenia se redakeursgilde in 'n verklaring gesê.
Die 73-jarige Odinga het die eed afgelê terwyl hy 'n Bybel in die lug gehou het.
Die opposisieleier sê die seremonie is 'n stap in die rigting om 'n funksionele demokrasie in Kenia tot stand te bring.
Verlede week het die opposisie “outentieke” verkiesingsuitslae bekend gestel, wat daarop dui Odinga het die verkiesing in Augustus gewen.
Hulle het egter geweier om te sê hoe die inligting van die verkiesingskommissie se rekenaarbedieners verkry is. Die kommissie het dit as “fopnuus” afgemaak.
Volgens Kenia se nasionale kommissie vir menseregte is minstens 92 mense dood en dosyne ander seksueel aangerand in die nadraai van die omstrede verkiesings. Die meeste van hulle was opposisie-ondersteuners.
Menseregte-aktiviste het die Kenyatta-administrasie daarvan beskuldig dat hulle grondwetlik gewaarborgde regte van vryhede skend, waaronder die reg op vreedsame byeenkomste en vryheid van spraak. – Nampa/AP
Dit was uit protes teen pres. Uhuru Kenyatta se tweede termyn, enkele maande nadat dodelike verkiesingsgeweld in die land uitgebreek het.
Die regering het regstreekse uitsendings deur die land se topdrie- TV-kanale afgesny, terwyl duisende mense in 'n park in Nairobi vir die geleentheid byeengekom het.
Kenyatta het gedreig om die uitsaailisensies terug te trek van enige mediahuis wat die gebeurtenis regstreeks uitsaai, en die instansies te sluit, het Kenia se redakeursgilde in 'n verklaring gesê.
Die 73-jarige Odinga het die eed afgelê terwyl hy 'n Bybel in die lug gehou het.
Die opposisieleier sê die seremonie is 'n stap in die rigting om 'n funksionele demokrasie in Kenia tot stand te bring.
Verlede week het die opposisie “outentieke” verkiesingsuitslae bekend gestel, wat daarop dui Odinga het die verkiesing in Augustus gewen.
Hulle het egter geweier om te sê hoe die inligting van die verkiesingskommissie se rekenaarbedieners verkry is. Die kommissie het dit as “fopnuus” afgemaak.
Volgens Kenia se nasionale kommissie vir menseregte is minstens 92 mense dood en dosyne ander seksueel aangerand in die nadraai van die omstrede verkiesings. Die meeste van hulle was opposisie-ondersteuners.
Menseregte-aktiviste het die Kenyatta-administrasie daarvan beskuldig dat hulle grondwetlik gewaarborgde regte van vryhede skend, waaronder die reg op vreedsame byeenkomste en vryheid van spraak. – Nampa/AP
Kommentaar
Republikein
Geen kommentaar is op hierdie artikel gelaat nie