Libiese kuswag onderskep migrante
Verskerpte optrede deur die Libiese kuswag het daartoe gelei dat heelwat onwettige migrante onderweg na Europa onderskep word.
Die Libiese kuswag het 299 migrante van lande in Afrika suid van die Sahara op twee rubberbote oos van Tripoli onderskep.
Hulle is naby die dorp Zliten onderskep deur een van verskeie kuswagvaartuie wat deur Italië herstel en vroeër vanjaar aan Libië gelewer is.
Libië se westelike kuslyn is die hoofvertrekpunt vir migrante wat probeer om Europa per boot te bereik.
Die aantal mense wat die Middellandse See probeer oorsteek, het sedert Julie skerp afgeneem toe 'n gewapende groep in die smokkelnes van Sabratha begin het om vertrek te verhinder.
Onder druk van Italië en ander Europese state het die Libiese kuswag toenemend aktief geword en patrolleer nou oor 'n wyer gebied om migrante te onderskep voordat hulle internasionale reddingsvaartuie bereik.
Tot en met 24 Oktober is meer as 18 800 reeds vanjaar onderskep, sê die Internasionale Organisasie vir Migrasie. Meer as 111 000 het Italië bereik, van wie die grootste meerderheid uit Libië was.
Die groep wat Dinsdag aangekeer is, is terug na Tripoli geneem en na 'n aanhoudingsentrum in die Tajoura-woonbuurt van die stad oorgeplaas. Die groep sluit 15 kinders en 25 vroue in, het die kuswag gesê.
– Nampa/Reuters
Hulle is naby die dorp Zliten onderskep deur een van verskeie kuswagvaartuie wat deur Italië herstel en vroeër vanjaar aan Libië gelewer is.
Libië se westelike kuslyn is die hoofvertrekpunt vir migrante wat probeer om Europa per boot te bereik.
Die aantal mense wat die Middellandse See probeer oorsteek, het sedert Julie skerp afgeneem toe 'n gewapende groep in die smokkelnes van Sabratha begin het om vertrek te verhinder.
Onder druk van Italië en ander Europese state het die Libiese kuswag toenemend aktief geword en patrolleer nou oor 'n wyer gebied om migrante te onderskep voordat hulle internasionale reddingsvaartuie bereik.
Tot en met 24 Oktober is meer as 18 800 reeds vanjaar onderskep, sê die Internasionale Organisasie vir Migrasie. Meer as 111 000 het Italië bereik, van wie die grootste meerderheid uit Libië was.
Die groep wat Dinsdag aangekeer is, is terug na Tripoli geneem en na 'n aanhoudingsentrum in die Tajoura-woonbuurt van die stad oorgeplaas. Die groep sluit 15 kinders en 25 vroue in, het die kuswag gesê.
– Nampa/Reuters
Kommentaar
Republikein
Geen kommentaar is op hierdie artikel gelaat nie