Lig vir staat se veeartse
Uitstaande rekeninge binnekort betaal
Die "donker" lot van talle staatsveeartskantore in die land wat vir maande sonder elektrisiteit moes funksioneer, sal glo binnekort iets van die verlede wees.
Elvira Hattingh - Die uitstaande rekeninge vir munisipale dienste en telefone by staatsveeartskantore sal binne dae vereffen word, het die ministerie van landbou, water en bosbou se permanente sekretaris gister aan Republikein gesê.
Volgens mnr. Percy Misika beloop dié rekening sowat N$8,6 miljoen en is geld vir die vereffening daarvan onlangs eers uit die staatskas beskikbaar gestel. Die betalings word tans verwerk.
Volgens hom sou betalings aan onder meer Nored en Cenored vir elektrisiteitsrekeninge reeds gister of vandag afgehandel word.
Dit volg ná mediaberigte dat staatsveeartskantore op onder meer Outjo, Otavi, Kamanjab, Okahandja en Karibib maande lank reeds sonder elektrisiteit moet werk aangesien die kragrekeninge nie betaal word nie. Dit het glo daartoe gelei dat die kantore nie hul werk na behore kon uitvoer nie en probleme ondervind het om byvoorbeeld sekere medisyne koud te hou. Dit was ook nie moontlik om veepermitte uit te reik.
Misika het gister gesê die uitstaande skuld sluit in rekeninge vir elektrisiteit, water asook telefoondienste. Hy kon nie bevestig presies hoeveel staatsveeartskantore sonder dié basiese dienste is nie, maar het gesê dit is “talle”.
Hy kon ook nie sê hoe lank die rekeninge agterstallig is nie, maar bygevoeg sekere kantore is reeds vanaf Mei sonder krag.
“Die geraakte kantore sal binnekort weer die dienste hê. Die situasie van onbetaalde rekeninge is ‘n probleem vir die regering en ons as ‘n ministerie doen ons beste om dit te betaal soos ons geld uit die staatskas ontvang,” het hy gesê.
Elvira Hattingh - Die uitstaande rekeninge vir munisipale dienste en telefone by staatsveeartskantore sal binne dae vereffen word, het die ministerie van landbou, water en bosbou se permanente sekretaris gister aan Republikein gesê.
Volgens mnr. Percy Misika beloop dié rekening sowat N$8,6 miljoen en is geld vir die vereffening daarvan onlangs eers uit die staatskas beskikbaar gestel. Die betalings word tans verwerk.
Volgens hom sou betalings aan onder meer Nored en Cenored vir elektrisiteitsrekeninge reeds gister of vandag afgehandel word.
Dit volg ná mediaberigte dat staatsveeartskantore op onder meer Outjo, Otavi, Kamanjab, Okahandja en Karibib maande lank reeds sonder elektrisiteit moet werk aangesien die kragrekeninge nie betaal word nie. Dit het glo daartoe gelei dat die kantore nie hul werk na behore kon uitvoer nie en probleme ondervind het om byvoorbeeld sekere medisyne koud te hou. Dit was ook nie moontlik om veepermitte uit te reik.
Misika het gister gesê die uitstaande skuld sluit in rekeninge vir elektrisiteit, water asook telefoondienste. Hy kon nie bevestig presies hoeveel staatsveeartskantore sonder dié basiese dienste is nie, maar het gesê dit is “talle”.
Hy kon ook nie sê hoe lank die rekeninge agterstallig is nie, maar bygevoeg sekere kantore is reeds vanaf Mei sonder krag.
“Die geraakte kantore sal binnekort weer die dienste hê. Die situasie van onbetaalde rekeninge is ‘n probleem vir die regering en ons as ‘n ministerie doen ons beste om dit te betaal soos ons geld uit die staatskas ontvang,” het hy gesê.
Kommentaar
Republikein
Geen kommentaar is op hierdie artikel gelaat nie