Man pleit onskuldig op dubbele moord
Die man wat daarvan beskuldig word dat hy die twee vroue vermoor het wie se oorskot by ’n stortingsterrein gevind is, het weer in die hof verskyn.
Jacqueline Louw – Lukas Nepela Nicodemus wat op 7 Januarie vanjaar in hegtenis geneem is in verband met die dood van twee vroue, Johanie Naruses (29) and Clemensia de Wee (23), wie se lyke op dieselfde dag by ’n stortingsterrein wes van Pionierspark in Windhoek gevind is, het Vrydag in die Windhoek-landdroshof verskyn.
Nicodemus, wat vroeër vanjaar ná ’n sielkundige evaluering geskik bevind is om verhoor te word, staan tereg op twee klagte van moord en ’n klag van dwarsboming van die reg omdat hy na bewering die vroue se liggame aan die brand gesteek het om die bewys van die moorde te verdoesel.
Nicodemus se regsverteenwoordiger, mnr. Milton Engelbrecht, het die hof meegedeel dat sy kliënt onskuldig op al drie klagte pleit en besluit het om geen pleitverduideliking in hierdie stadium te gee nie.
Die saak is tot 28 April uitgestel. Nikodemus bly in aanhouding in die Windhoek-gevangenis.
Nicodemus, wat vroeër vanjaar ná ’n sielkundige evaluering geskik bevind is om verhoor te word, staan tereg op twee klagte van moord en ’n klag van dwarsboming van die reg omdat hy na bewering die vroue se liggame aan die brand gesteek het om die bewys van die moorde te verdoesel.
Nicodemus se regsverteenwoordiger, mnr. Milton Engelbrecht, het die hof meegedeel dat sy kliënt onskuldig op al drie klagte pleit en besluit het om geen pleitverduideliking in hierdie stadium te gee nie.
Die saak is tot 28 April uitgestel. Nikodemus bly in aanhouding in die Windhoek-gevangenis.
Kommentaar
Republikein
Geen kommentaar is op hierdie artikel gelaat nie