Meatco gaan tientalle aflê, onder wie topkundiges

Groot kommer heers in die vleisbedryf nadat dit bekend geword het Meatco gaan meer as 80 werknemers aflê, onder wie die uitvoerende bestuurders wat 55 jaar en ouer is.
Dié besluit is deur me. Rosa Hamukwaya-Tobias, bestuurder van korporatiewe aangeleenthede by Meatco, bevestig.
Die topbestuurslede wat deur die besluit geraak word, is mnre. Jannie Breytenbach, operasionele hoof, André Mouton, hoof van bemarking en verkope en George Kotze, hoof van lewendehawe-produksie en waardetoevoeging.
"Meatco se internasionale mededigingendheid kan hierdeur geraak word," meen mnr. Paul Strydom, hoofbestuurder van die Vleisraad.
Mnr. Thinus Pretorius, voorsitter van die Lewendehaweprodusente-organisasie (LPO), se reaksie was: "Ek sukkel nog om tot verhaal te kom. Die LPO sal vandag amptelik reageer."