Meer as 100 seekoeie gestrand
Amptenare van die ministerie van die omgewing en toerisme gaan die naweek die Zambezistreek besoek om die situasie van die gestrande seekoeie in die Linyantirivier van naderby te bekyk.
Die direkteur van wildlewe en parke, mnr. Colgar Sikopo, het gesê hy en die ministerie se streekdienste, lede van die Bamunu kommunale bewaringsgebied by die Chinchimani-nedersetting in die Linyanti-kiesafdeling, gaan Sondag die Sampisirivierkanaal besoek.
Sikopo het gesê helikopters gaan ingespan word om vanuit die lug te sien hoe die kwessie opgelos kan word. Meer as 100 seekoeie is op land gestrand omdat die kanaal waar hulle lewe, weens die swak reënval in die streek die afgelope vier jaar vinnig besig is om op te droog.
Sikopo sê spoedige optrede is nodig, want vyf seekoeikalfies het al reeds in die afgelope paar weke daar gevrek.
“Hierdie diere is gebiedsgebonde met die groot bulle wat die kalfies maklik aanval. Ons sal die situasie opsom en sien watter opsies die beste gaan wees om vinnig vir die diere water te kry,” het Sikopo gesê.
Hy sê van die opsies volgens navorsing is om ten minste twee boorgate vir ondergrondse water te sink om twee van die kanale aan te vul.
“Dit is ’n goedkoop opsie. Die ander opsie is om te probeer om die seekoeie weg te jaag in die hoop dat hulle in die rigting van die groot Linyantirivier sal hardloop. Dit sal baie duur vir die ministerie wees om die seekoeie te verdoof en te verskuif,” meen Sikopo.
Hy vertel dat dieselfde situasie in 2003 in dieselfde gebied voorgekom het en die seekoeie moes na die naaste rivier gejaag word.
Die goewerneur van die Zambezistreek, mnr. Lawrence Sampofu, het ook gesê dit is ’n krisis. Hy is bekommerd dat die seekoeie wat nou so te sê op droë grond lewe, gevaar loop om deur mense wat naby die rivier woon, gejag te word.
Die goewerneur het gesê die rivier is op sy laagste, so erg dat die plaaslike mense Botswana te voet kan berei.
Die seekoeie kan nie na die Choberivier verskuif word nie, want op sekere plekke droog dit plek-plek op wat ’n invloed op honderde seekoeie en krokodille daar sal hê. Die vloedwater in die streek het nie die Lyambezimeer bereik om na die Linyanti-Kwando-rivier te vloei nie.– Nampa
Die direkteur van wildlewe en parke, mnr. Colgar Sikopo, het gesê hy en die ministerie se streekdienste, lede van die Bamunu kommunale bewaringsgebied by die Chinchimani-nedersetting in die Linyanti-kiesafdeling, gaan Sondag die Sampisirivierkanaal besoek.
Sikopo het gesê helikopters gaan ingespan word om vanuit die lug te sien hoe die kwessie opgelos kan word. Meer as 100 seekoeie is op land gestrand omdat die kanaal waar hulle lewe, weens die swak reënval in die streek die afgelope vier jaar vinnig besig is om op te droog.
Sikopo sê spoedige optrede is nodig, want vyf seekoeikalfies het al reeds in die afgelope paar weke daar gevrek.
“Hierdie diere is gebiedsgebonde met die groot bulle wat die kalfies maklik aanval. Ons sal die situasie opsom en sien watter opsies die beste gaan wees om vinnig vir die diere water te kry,” het Sikopo gesê.
Hy sê van die opsies volgens navorsing is om ten minste twee boorgate vir ondergrondse water te sink om twee van die kanale aan te vul.
“Dit is ’n goedkoop opsie. Die ander opsie is om te probeer om die seekoeie weg te jaag in die hoop dat hulle in die rigting van die groot Linyantirivier sal hardloop. Dit sal baie duur vir die ministerie wees om die seekoeie te verdoof en te verskuif,” meen Sikopo.
Hy vertel dat dieselfde situasie in 2003 in dieselfde gebied voorgekom het en die seekoeie moes na die naaste rivier gejaag word.
Die goewerneur van die Zambezistreek, mnr. Lawrence Sampofu, het ook gesê dit is ’n krisis. Hy is bekommerd dat die seekoeie wat nou so te sê op droë grond lewe, gevaar loop om deur mense wat naby die rivier woon, gejag te word.
Die goewerneur het gesê die rivier is op sy laagste, so erg dat die plaaslike mense Botswana te voet kan berei.
Die seekoeie kan nie na die Choberivier verskuif word nie, want op sekere plekke droog dit plek-plek op wat ’n invloed op honderde seekoeie en krokodille daar sal hê. Die vloedwater in die streek het nie die Lyambezimeer bereik om na die Linyanti-Kwando-rivier te vloei nie.– Nampa
Kommentaar
Republikein
Geen kommentaar is op hierdie artikel gelaat nie