Mens en dier

ETTEBAB skryf:Ekskuus my, kommentaarleweraar, maar deesdae kan jy nie eens jou huis en besigheid beskerm as iemand inbreek nie – die inbreker is nog voor jou by die polisiestasie om ‘n klag teen jou te lê! Met al die kommentaar teen en vir die luiperd:Weereens wys die mens dat hy een van die mees selfsugtige, arrogante en wreedaardige wesens op aarde is.• Jammer, alle mense, maar die inheemse diere was eerste hier, dit is hulle habitat – die mens (boer) is die indringer met diere waaruit die mens geld maak. Boere weet wat die risiko''s is.• Jy gee nie werklik om vir die diere nie solank jy net geld in jou sak kry: jagters op jou plaas, trofeejagters en jou plaasdiere slagpale toe, dis alles okay, solank jy geld in jou sak sit.• Wilde diere maak nie soos die mens vir die plesier en ego diere dood nie - hulle eet omdat hulle honger is. Daarenteen is die jagters daar nie omdat hulle honger is nie – dis vir lekkerte.• Roofdiere is so geskape om vleis te eet. As jy diere aanhou wat weerloos is teen ‘n dier wat geskep is om deel van die orde van die aarde te wees, het jy dit willens en wetens gedoen.As die wat so teen die luiperd se natuur is, wil klippe gooi en net algemene pyne wil wees; gaan kyk op die voorblad van Republikein van 2 November 2016 na die artikel en foto van die koeie wat grusaam geslag is en die kalfies middeldeur gesny is. As julle wil kla oor verlies, ensovoorts, kla en skryf hieroor.En moet asseblief nie vir my sê dit is honger en armoede wat so maak nie, dis niks anders as selfsug en wreedaardigheid nie.Die ordentlike ding wat gedoen kon gewees het, sou gewees het dat Van Rensburg met Rudi van Vuuren kontak moes maak en hom vra om die luiperd te verwyder. As hy “per ongeluk” die luiperd geskiet het, omdat die nekband kwansuis nie sigbaar was nie, hoekom het hy dan nie met Van Vuuren kontak gemaak nie?Dit sou verhoudinge bou , maar nie die uitdagende houding ondersteun van “ek sal voortgaan om luiperds te skiet en as hulle nekbande het, sal ek dit vernietig” soos berig nie.Nou wonder ‘n mens net: • As daar stropers op ''n plaas lostrek en beeste en wild so gemors het, soos in die berig op die op die voorblad van Republikein, sal ''n boer hulle dan ook skiet en dan soos die een persoon, wat ek aan die begin aangehaal het, sê “maar ‘n boer mag sy boerdery beskerm”. Kyk maar wat het gebeur omdat iemand syne wou beskerm, waar sit hy vandag nog?• Wat sê die wet oor diere wat met krae gemerk word? Het iemand die reg om so ‘n “datadier” sommer te skiet? Kan iemand hier help met die nodige inligting.• Is hierdie dier nie dalk as ‘n trofee geskiet nie en nou moet daar by die feit dat dit ‘n “datadier” was, verbygekom word?Baie van die kommetaar het net weer gewys hoe min die mens in werlikheid omgee vir die natuur en diere.Die mens moet een baie eenvoudige konsep verstaan: jy besit nie die aarde nie, jy leef daarop en of jy nou wil of nie, volgens die reëls van die aarde. Die aarde draai nie om jou nie.Ghandi het gesê: "Society is known by the way it treats animals."Diere het anatomies alles wat mense het, maar net omdat die dier nie lyk soos jy nie, praat soos jy nie, ensovoorts, beteken dit nie dit is ‘n lewende wese wat ‘n “niks” is nie. Diere voel pyn, diere voel angs, ensovoorts. Hoe tragies is dit dat ‘n dier die mens moet ervaar as die selfsugtige wreedaard, wat nie eens sy eie soort oorsien nie.Dankie tog vir die wat wel omgee, soos in die kommentaar in Replublikein van 3 November 2016.

Mens en dier

Kommentaar

Republikein 2024-11-25

Meld asseblief aan om kommentaar te lewer

Mens en dier

Kommentaar

Republikein 2024-11-25

Meld asseblief aan om kommentaar te lewer

MELD AAN

Advertensie