Meranti is een van die sterkstes nog
Meer as 500 000 huise is sonder elektrisiteit en vyf mense is beseer toe die supertifoon Meranti Taiwan Woensdag getref het.
Die kategorie 5-storm is die sterkste sikloon, orkaan of tifoon tot dusver vanjaar en is een van die drie kragtigste tifone tog nog toe, het die Japannese meteorologiese agentskap gesê.
Alle binnelandse vlugte in Taiwan is opgeskort, terwyl skole en ondernemings hul deure moes sluit. Internasionale vlugte van die Kaohsioeng-lughawe is ook ontwrig.
Taiwan se sentrale weerburo het gewaarsku dat die storm verskeie suidelike en oostelike stede, insluitend Kaohsioeng en Hoealien, met sterk winde, swaar reën en oorstromings bedreig.
Meer as 1 500 inwoners in dié gebiede is na veiligheid gebring.
Sowat 4 000 polisie- en weermaglede is ontplooi vir ingeval nog mense na veiligheid gebring moet word. Meranti het sterker gewoed hoe nader dit aan Taiwan beweeg het en teen gisteroggend is windsnelhede van tot 216 kilometer per uur gemeet.
Die amptelike Chinese nuusdiens het gesê Meranti sal moontlik die ergste tifoon sedert 1969 wees.
Die tifoon Morakot het in 2009 die lewe van nagenoeg 700 mense geëis.
-Netwerk/Reuters/CNN
Die kategorie 5-storm is die sterkste sikloon, orkaan of tifoon tot dusver vanjaar en is een van die drie kragtigste tifone tog nog toe, het die Japannese meteorologiese agentskap gesê.
Alle binnelandse vlugte in Taiwan is opgeskort, terwyl skole en ondernemings hul deure moes sluit. Internasionale vlugte van die Kaohsioeng-lughawe is ook ontwrig.
Taiwan se sentrale weerburo het gewaarsku dat die storm verskeie suidelike en oostelike stede, insluitend Kaohsioeng en Hoealien, met sterk winde, swaar reën en oorstromings bedreig.
Meer as 1 500 inwoners in dié gebiede is na veiligheid gebring.
Sowat 4 000 polisie- en weermaglede is ontplooi vir ingeval nog mense na veiligheid gebring moet word. Meranti het sterker gewoed hoe nader dit aan Taiwan beweeg het en teen gisteroggend is windsnelhede van tot 216 kilometer per uur gemeet.
Die amptelike Chinese nuusdiens het gesê Meranti sal moontlik die ergste tifoon sedert 1969 wees.
Die tifoon Morakot het in 2009 die lewe van nagenoeg 700 mense geëis.
-Netwerk/Reuters/CNN
Kommentaar
Republikein
Geen kommentaar is op hierdie artikel gelaat nie