Met die maan gepla

Die wêreld en sy broer was Woensdag met die maan gepla toe aardlinge vir die eerste keer in meer as 150 jaar 'n drie-in-een maanervaring gehad het: 'n Super-, blou- én bloedmaan. 'n Belewing van die verduistering en gevolglike rooi gloed op die maan, was nie vir Namibiërs beskore nie. Republikein het lesers gevra om hul maanfoto's in te stuur en dié een is van Hennie Viljoen ontvang. Hy het die foto Woensdagaand in Windhoek van die parkeerarea by Laerskool Pionierspark af geneem.