Mexiko-aardbewing: Dodetal styg
Die dodetal nadat ’n aardbewing met ’n sterkte van 7.1 Sentraal-Mexiko Dinsdag getref het, het teen druktyd op 226 gestaan.
Geboue het ineengestort in die digbevolkte hoofstad, Mexikostad, en reddingswerkers is in 'n stryd teen tyd gewikkel om oorlewendes onder die puin te vind.
Duisende paniekbevange mense het die strate ingevaar en miljoene inwoners sit sonder krag nadat die aardbewing die gebied teen middagete (plaaslike tyd) getref het.
Angel Mancera, burgemeester van Mexikostad, sê 44 geboue is erg beskadig of vernietig. Verskeie gaslekkasies en brande het ontstaan. Die ramp het plaasgevind op die 32ste herdenking van ’n aardbewing in 1985 waarin duisende mense in die stad dood is. Baie inwoners het juis, soos gebruiklik op 19 September, Dinsdag aan ontruimingsoefeninge deelgeneem. ’n Kragtige aardbewing het die land skaars twee weke gelede getref. Toe is 98 mense dood.
* Intussen was daar Woensdagoggend ’n aardbewing suid van Nieu-Seeland, luidens die Amerikaanse Geologiese Opname (USGS). Dit was op ’n diepte van 10 km, 211 km wes van Nieu-Seeland se Suideiland.
Geen tsunami-waarskuwing is nog uitgereik nie. – Netwerk24/Reuters
Geboue het ineengestort in die digbevolkte hoofstad, Mexikostad, en reddingswerkers is in 'n stryd teen tyd gewikkel om oorlewendes onder die puin te vind.
Duisende paniekbevange mense het die strate ingevaar en miljoene inwoners sit sonder krag nadat die aardbewing die gebied teen middagete (plaaslike tyd) getref het.
Angel Mancera, burgemeester van Mexikostad, sê 44 geboue is erg beskadig of vernietig. Verskeie gaslekkasies en brande het ontstaan. Die ramp het plaasgevind op die 32ste herdenking van ’n aardbewing in 1985 waarin duisende mense in die stad dood is. Baie inwoners het juis, soos gebruiklik op 19 September, Dinsdag aan ontruimingsoefeninge deelgeneem. ’n Kragtige aardbewing het die land skaars twee weke gelede getref. Toe is 98 mense dood.
* Intussen was daar Woensdagoggend ’n aardbewing suid van Nieu-Seeland, luidens die Amerikaanse Geologiese Opname (USGS). Dit was op ’n diepte van 10 km, 211 km wes van Nieu-Seeland se Suideiland.
Geen tsunami-waarskuwing is nog uitgereik nie. – Netwerk24/Reuters
Kommentaar
Republikein
Geen kommentaar is op hierdie artikel gelaat nie