Mexiko: Reddingspogings duur voort

Reddingswerkers in Mexiko fynkam steeds die puin vir oorlewendes nadat die sentrale deel van die land deur ’n aardbewing met ’n sterkte van 7.1 getref is. Meer as 230 mense is dood. Die aangrypende reddingspoging om ’n 12-jarige meisie by die Enrique Rebsamen-skool in Mexikostad te red, is op televisie uitgesaai. Die ure lange operasie, terwyl haar familie angstig toekyk, kom nadat reddingswerkers haar hand sien beweeg het. Hulle het haar water deur ’n tuinslang laat drink. Minstens 21 kinders en vier volwassenes is by die skool dood. Honderde geboue is in die aardbewing vernietig. Foto Nampa/Reuters