Minister, polisiehoof gedagvaar
'n Swakopmunder vra die hof om die polisiehoof en veiligheidsminister aan minagting skuldig te bevind.
Denver Kisting – Die minister van veiligheid en sekuriteit, genl.maj.(afgetree) Charles Namoloh, moet eersdaags verduidelik hoekom hy glo ’n hofbevel verontagsaam.
Die hoërhof word voorts gevra om Namoloh en die inspekteur-generaal van die polisie, lt.genl. Sebastian Ndeitunga, aan minagting van die hof skuldig te bevind.
Dít kom nadat die regering hom glo reeds die afgelope maand afvee aan ’n streekshofbevel ingevolge waarvan bykans N$650 000 aan ’n Swakopmunder terugbetaal moet word.
Naas Namoloh en Ndeitunga dagvaar mnr. Ahmed Mohamed Rashed die aanklaer-generaal, me. Martha Imalwa, en die Bank of Namibia (BoN).
Rashed, ’n inwoner van Tamariskia in Swakopmund, sê in ’n beëdigde verklaring hy soek niks van die BoN en Imalwa nie.
Hy lys hulle egter as aanvullende partye tot die geding vir enige belang wat hulle dalk in die saak mag hê.
Rashed vra in die dringende aansoek dat die hoërhof Ndeitunga en Namoloh moet verplig om aan ’n streekshofuitspraak gehoor te gee.
Ingevolge dié uitspraak van streekslanddros Ileni Velikoshi van 28 Maart moet die polisie N$642 580 terugbetaal, waarop meer as vier jaar gelede beslag gelê is.
Rashed vra ook dat al vier die respondente pa moet staan vir die koste van die hoërhofgeding.
Agtergrond
Hy sê hy is op 6 Desember 2013 by die Internasionale Lughawe Hosea Kutako aangekeer en aangekla ingevolge die Wet op die Voorkoming van Georganiseerde Misdaad en regulasies wat met die beheer op buitelandse valuta verband hou.
Luidens hofstukke het Rashed die geld op hom gedra toe hy ’n vlug na Egipte via Suid-Afrika wou haal.
Nadat polisiebeamptes hom gevra het of hy geld in sy besit het, het hy erken hy het kontant in sy besit, is tydens sy verhoor getuig.
Hy het ’n week in aanhouding deurgebring voor borgtog aan hom toegestaan is.
Volgens hom het hy deurgaans volgehou hy is onskuldig – ’n standpunt wat verlede maand deur die streekshof bekragtig is. “Ek het die uitspraak verwelkom, nie net omdat ek vrygespreek is nie, maar omdat die hof ook gelas het die geld wat van my gekonfiskeer is, moet aan my terugbesorg word.”
Streekslanddros Velikoshi het bevind die staat kon nie bewys Rashed het die geld uit onwettige bedrywighede gemaak nie.
Rashed het uit die staanspoor gesê hy verdien sy brood deur onder meer vloermatte, komberse, gordyne en eetgerei te verkoop.
Rashed sê hy het in 2008 na Namibië verhuis. “Dit is ’n besluit waaroor ek nie spyt is nie. Namibië is ’n vredeliewende land en was tot dusver ’n goeie tuiste vir my en my gesin. Ek is al vir nege jaar gelukkig getroud met ’n Namibiër en ons was gelukkig om met twee pragtige kinders geseën te word.”
Die dringende aansoek sal Maandag 14 Mei voor regter Thomas Masuku dien nadat vroeër vandeesweek uitgestel is.
Rashed sê in hofstukke die dringendheid is geskoei op die voortslepende minagting deur staatsamptenare. “’n Voortdurende onwettigheid of minagting van die hof, meer spesifiek verontagsaming van ’n uitspraak, is volgens my regsadvies voldoende gronde vir dringendheid.”
Hiernaas sê hy in sy beëdigde verklaring, wat op 23 April in Swakopmund afgelê is, die gedrag van die regering sal waarskynlik die administrasie van geregtigheid in gedrang bring.
Voorts sê hy dit was toe reeds 24 kalenderdae sedert die streekshofuitspraak en verskeie pogings om sy geld van die regering te kry, het tot dusver misluk.
Namoloh, Ndeitunga en Imalwa het intussen aangedui hulle gaan die aansoek teenstaan.
’n Regeringsprokureur is aangestel om hulle te verteenwoordig.
Die hoërhof word voorts gevra om Namoloh en die inspekteur-generaal van die polisie, lt.genl. Sebastian Ndeitunga, aan minagting van die hof skuldig te bevind.
Dít kom nadat die regering hom glo reeds die afgelope maand afvee aan ’n streekshofbevel ingevolge waarvan bykans N$650 000 aan ’n Swakopmunder terugbetaal moet word.
Naas Namoloh en Ndeitunga dagvaar mnr. Ahmed Mohamed Rashed die aanklaer-generaal, me. Martha Imalwa, en die Bank of Namibia (BoN).
Rashed, ’n inwoner van Tamariskia in Swakopmund, sê in ’n beëdigde verklaring hy soek niks van die BoN en Imalwa nie.
Hy lys hulle egter as aanvullende partye tot die geding vir enige belang wat hulle dalk in die saak mag hê.
Rashed vra in die dringende aansoek dat die hoërhof Ndeitunga en Namoloh moet verplig om aan ’n streekshofuitspraak gehoor te gee.
Ingevolge dié uitspraak van streekslanddros Ileni Velikoshi van 28 Maart moet die polisie N$642 580 terugbetaal, waarop meer as vier jaar gelede beslag gelê is.
Rashed vra ook dat al vier die respondente pa moet staan vir die koste van die hoërhofgeding.
Agtergrond
Hy sê hy is op 6 Desember 2013 by die Internasionale Lughawe Hosea Kutako aangekeer en aangekla ingevolge die Wet op die Voorkoming van Georganiseerde Misdaad en regulasies wat met die beheer op buitelandse valuta verband hou.
Luidens hofstukke het Rashed die geld op hom gedra toe hy ’n vlug na Egipte via Suid-Afrika wou haal.
Nadat polisiebeamptes hom gevra het of hy geld in sy besit het, het hy erken hy het kontant in sy besit, is tydens sy verhoor getuig.
Hy het ’n week in aanhouding deurgebring voor borgtog aan hom toegestaan is.
Volgens hom het hy deurgaans volgehou hy is onskuldig – ’n standpunt wat verlede maand deur die streekshof bekragtig is. “Ek het die uitspraak verwelkom, nie net omdat ek vrygespreek is nie, maar omdat die hof ook gelas het die geld wat van my gekonfiskeer is, moet aan my terugbesorg word.”
Streekslanddros Velikoshi het bevind die staat kon nie bewys Rashed het die geld uit onwettige bedrywighede gemaak nie.
Rashed het uit die staanspoor gesê hy verdien sy brood deur onder meer vloermatte, komberse, gordyne en eetgerei te verkoop.
Rashed sê hy het in 2008 na Namibië verhuis. “Dit is ’n besluit waaroor ek nie spyt is nie. Namibië is ’n vredeliewende land en was tot dusver ’n goeie tuiste vir my en my gesin. Ek is al vir nege jaar gelukkig getroud met ’n Namibiër en ons was gelukkig om met twee pragtige kinders geseën te word.”
Die dringende aansoek sal Maandag 14 Mei voor regter Thomas Masuku dien nadat vroeër vandeesweek uitgestel is.
Rashed sê in hofstukke die dringendheid is geskoei op die voortslepende minagting deur staatsamptenare. “’n Voortdurende onwettigheid of minagting van die hof, meer spesifiek verontagsaming van ’n uitspraak, is volgens my regsadvies voldoende gronde vir dringendheid.”
Hiernaas sê hy in sy beëdigde verklaring, wat op 23 April in Swakopmund afgelê is, die gedrag van die regering sal waarskynlik die administrasie van geregtigheid in gedrang bring.
Voorts sê hy dit was toe reeds 24 kalenderdae sedert die streekshofuitspraak en verskeie pogings om sy geld van die regering te kry, het tot dusver misluk.
Namoloh, Ndeitunga en Imalwa het intussen aangedui hulle gaan die aansoek teenstaan.
’n Regeringsprokureur is aangestel om hulle te verteenwoordig.
Kommentaar
Republikein
Geen kommentaar is op hierdie artikel gelaat nie