Ministerie minag hofbevel

Henriette LamprechtVier vroue wat sonder hul toestemming in staatshospitale in Namibië gesteriliseer is, wag steeds op die ministerie van gesondheid en maatskaplike dienste om hul skadevergoedingseise (MoHSS) uit te betaal.Die vroue moet elk N$250 000 ontvang en het die ministerie nou weer voor die hof gedaag om hul eise uit te betaal.Die ministerie is nou deur regter Harald Geier in die hoërhof beveel om teen 2 Mei die skadevergoeding aan die vroue te vereffen. Hulle is ook toestemming gegee om vir verstekvonnisse aansoek te doen wat teen die regering toegestaan kan word. Bedrag plus renteDie ministerie het in Februarie verlede jaar ingestem om die eise van N$250 000 elk uit te betaal.In 'n onverwante saak van mediese nalatigheid moes 'n vrou vir langer as 'n jaar op die uitbetaling van háár skadevergoedingseis van N$400 000 wag. Dít volgens 'n skikkingsooreenkoms op 28 September en 'n hofbevel op 3 Oktober 2016. Die geld moes binne 'n tydperk van 120 dae ná die ondertekening op die laatste teen 31 Januarie 2017 aan die klaagster betaal word.In terme van dié hofbevel is die ministerie opdrag gegee om bogenoemde bedrag plus rente, bereken teen 'n koers van 20% per jaar, aan die klaagster te betaal.Teen September verlede jaar en ná verskeie skrywes aan die staat se regsverteenwoordiger het die permanente sekretaris (PS) in die ministerie tydens nog 'n hofaansoek deur die klaagster verduidelik hoekom die uitbetaling per hofbevel toe al 11 maande later nog nie uitbetaal is nie.Volgens sy getuienis het die ministerie van finansies gesê daar is nie fondse beskikbaar om die uitbetaling te doen nie. Hy is vervolgens opdrag gegee om 'n begrotingspos te identifiseer waaruit die betaling gemaak kan word. Hy het voorts getuig weens die regering se “bedenklike finansiële posisie” het die ministerie van finansies die tradisionele benadering oorboord gegooi om die hele bedrag begroot vir 'n finansiële jaar aan 'n ministerie oor te betaal. In stede hiervan is geld op 'n maandelikse basis vrygestel en is dit nie die totale bedrag deur die ministerie versoek nie en hang dit ook van die “kontantvloeisituasie” af.Volgens hofstukke sal die geld wat deur die ministerie van finansies vrygestel word “skaars voldoende wees om die ministerie (van gesondheid) se bedryfskoste te dra”. Die ministerie sal dus, ten spyte van sy bereidwilligheid om die klaagster te betaal, “altyd 'n tekort aan fondse hê om sy finansiële verpligtinge na te kom”.In die lig hiervan het die PS onderneem om geld te herlei uit fondse wat hy in November verlede jaar sou ontvang, om aan die hofbevel van 3 Oktober 2016 te voldoen. Hy het voorts onderneem dat die ministerie van gesondheid teen einde November verlede jaar die N$400 000 sou betaal. Hy is voorts opdrag gegee om rente teen die koers van 20% per jaar op die N$400 000 te betaal, en wat vanaf 28 Januarie 2017 bereken moet word, teen 31 Desember verlede jaar te vereffen. In 'n hofuitspraak op 23 Maart vanjaar het regter Shafimana Ueitele gesê die saak is 'n goeie voorbeeld van die grondwetlike krisis wat bestaan wanneer hofbevele nie deur staatsinstellings gehoorsaam word nie. In die lig hiervan het hy 'n ernstige beroep op die ministerie van finansies gedoen om maniere te ondersoek waarop die staat se verpligting om monetêre toekennings wat voortspruit uit hofbevele gefinansier kan word uit bronne buiten ministeries se bedryfsbegrotings. Die kapitaalbedrag van N$400 000 is intussen vereffen, terwyl die rente egter nog uitstaande is.

Ministerie minag hofbevel

Kommentaar

Republikein 2025-04-07

Meld asseblief aan om kommentaar te lewer

Ministerie minag hofbevel

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie