Modelagentskap vier 5 goue jare

ACE Models is 'n franchise met 15 takke oraloor Suid-Afrika en twee in Namibië.

ACE Models Namibia het in 2014 hul deure oopgemaak met Daphné Voigts as direkteur.

"Modelwerk bestaan uit baie meer as net op en af loop, en heeltyd mooi lyk," sê Daphné.

"Dit begin by jouself, om in jouself te glo en jou selfbeeld te bou," sê sy.

Die agentskap bied opleiding in onder meer loopplank-ontwikkeling, skoonheidskompetisies, afrondingskursusse, fotosessies en modevertonings.

"Ons missie is om professionele modelle en suksesvolle jong individue op te lei, en selfrespek en die belangrikheid daarvan onder seuns en dogters te ontwikkel. My visie is om elke liewe kind wat hier inloop selfvertroue te leer. Om jou kop op te tel, iemand in die oë te kyk en trots te wees op wie en wat jy is. "

Die agentskap se plaaslike tak spog met verskeie plaaslike en internasionale pryse.

ACE Models International werk saam met een van Suid-Afrika se beste modelagentskappe, naamlik ICE Models Cape Town.

Daphné het haar dankbaarheid teenoor modelle en hul ouers vir hul harde werk in 2018 uitgespreek.

Registrasies vir 2019 is reeds oop.

Vir meer inligting, e-pos [email protected].