Moedige sewesspan se asem raak toe op
Sewesrugby
Andrew Poolman - Ná twee uitmergelende dae van sewesrugby het die Windhoek Draught Namibiese span gister in die agtste posisie uit 12 spanne by die Safari Sewestoernooi in Nairobi klaargemaak.
Spankaptein Aurelio Plato en sy maats kon uiteindelik net een van hul ses wedstryde wen, met beserings en skete wat dit op die tweede dag nogal 'n uitdaging gemaak het om die span op die veld volledig te hou.
Moontlik die Namibiërs se beste vertoning was Saterdagaand in die hoofwedstryd teen die verdedigende kampioenspan, Kenia se nasionale Shujaa-kombinasie.
Die Namibiërs het met mening ingeklim teen Kenia se kragtige hardlopers en het goed gevaar om die rustydtelling 12-12 te hou. Dit was danksy 'n onderskepdrie deur Chess Lawrence wat van sy eie doellyn af deurgenael het, asook Carlton Stevens wat 'n skoppie vir homself gejaag en toegeval het.
Met drie verdoelde drieë in die tweede helfte het die Keniane egter die eindtelling tot 33-12 laat aangroei, met Leonard Mugaisi wat drie van die wenspan se drieë gedruk het.
Opvallend was die geduld wat die Keniane tydens hul aanvalle gewys het wanneer die Namibiërs met tye stewig verdedig het.
ENKELE OORWINNING
Die Namibiërs het vroeër hul openingswedstryd met 5-28 teen die Engelse kombinasie Apache verloor, maar het daarna reggeruk en hul enigste oorwinning teen die Keniaanse klubspan Mwamba behaal.
Danksy drieë deur Léan Stoop en Nandivatu Karuuombe was die Namibiërs rustyd met 12-5 voor en het in die tweede helfte drieë deur Chess Lawrence en Paulus Hangula bygevoeg.
Die klipharde vertoning teen Kenia se nasionale span het egter heelwat van die Namibiese energie getap en daar was ook 'n paar beserings voor die begin van dag twee.
Die Kenia Morans (in wese die nasionale B-span) was gisteroggend met 38-5 baas, voordat Namibië teen die land se kampioenklub Homeboyz met 35-12 verloor het.
Léan Stoop het vir die eerste drie deur die middelveld gesny ná 'n vlak aangee van Carlton Stevens, met Nandivatu Karuuombe wat kort daarna in die linkerhoek gaan afrond het om met 12-0 voor te loop. Die Homeboyz het egter herstel om rustyd met 14-12 voor te wees en het nog drie drieë in die tweede helfte gaan druk, met die Namibiese verdedigers wat klaarblyklik uitgeput begin raak het.
Ter afsluiting het Namibië die uitspeelwedstryd vir die sewende plek met 43-7 teen die Britse kombinasie Red Wailers verloor. Hul enigste drie is deur Dirk de Meyer gedruk toe hulle reeds met 38-0 agter was.
In die geheel gesien het afrigter Les Bougard se manne in Nairobi vir heelwat langer periodes as in vorige toernooie kompeterende spel gelewer en nuwe spelers soos Peter Diergaardt en Paulus Hangula het goed ingeskakel. Die algemene vlak van kondisionering kan egter steeds verbeter om aan die eise van tweedaagse toernooie op topvlak te voldoen en om Namibië 'n krag in Afrika te maak.
Spankaptein Aurelio Plato en sy maats kon uiteindelik net een van hul ses wedstryde wen, met beserings en skete wat dit op die tweede dag nogal 'n uitdaging gemaak het om die span op die veld volledig te hou.
Moontlik die Namibiërs se beste vertoning was Saterdagaand in die hoofwedstryd teen die verdedigende kampioenspan, Kenia se nasionale Shujaa-kombinasie.
Die Namibiërs het met mening ingeklim teen Kenia se kragtige hardlopers en het goed gevaar om die rustydtelling 12-12 te hou. Dit was danksy 'n onderskepdrie deur Chess Lawrence wat van sy eie doellyn af deurgenael het, asook Carlton Stevens wat 'n skoppie vir homself gejaag en toegeval het.
Met drie verdoelde drieë in die tweede helfte het die Keniane egter die eindtelling tot 33-12 laat aangroei, met Leonard Mugaisi wat drie van die wenspan se drieë gedruk het.
Opvallend was die geduld wat die Keniane tydens hul aanvalle gewys het wanneer die Namibiërs met tye stewig verdedig het.
ENKELE OORWINNING
Die Namibiërs het vroeër hul openingswedstryd met 5-28 teen die Engelse kombinasie Apache verloor, maar het daarna reggeruk en hul enigste oorwinning teen die Keniaanse klubspan Mwamba behaal.
Danksy drieë deur Léan Stoop en Nandivatu Karuuombe was die Namibiërs rustyd met 12-5 voor en het in die tweede helfte drieë deur Chess Lawrence en Paulus Hangula bygevoeg.
Die klipharde vertoning teen Kenia se nasionale span het egter heelwat van die Namibiese energie getap en daar was ook 'n paar beserings voor die begin van dag twee.
Die Kenia Morans (in wese die nasionale B-span) was gisteroggend met 38-5 baas, voordat Namibië teen die land se kampioenklub Homeboyz met 35-12 verloor het.
Léan Stoop het vir die eerste drie deur die middelveld gesny ná 'n vlak aangee van Carlton Stevens, met Nandivatu Karuuombe wat kort daarna in die linkerhoek gaan afrond het om met 12-0 voor te loop. Die Homeboyz het egter herstel om rustyd met 14-12 voor te wees en het nog drie drieë in die tweede helfte gaan druk, met die Namibiese verdedigers wat klaarblyklik uitgeput begin raak het.
Ter afsluiting het Namibië die uitspeelwedstryd vir die sewende plek met 43-7 teen die Britse kombinasie Red Wailers verloor. Hul enigste drie is deur Dirk de Meyer gedruk toe hulle reeds met 38-0 agter was.
In die geheel gesien het afrigter Les Bougard se manne in Nairobi vir heelwat langer periodes as in vorige toernooie kompeterende spel gelewer en nuwe spelers soos Peter Diergaardt en Paulus Hangula het goed ingeskakel. Die algemene vlak van kondisionering kan egter steeds verbeter om aan die eise van tweedaagse toernooie op topvlak te voldoen en om Namibië 'n krag in Afrika te maak.
Kommentaar
Republikein
Geen kommentaar is op hierdie artikel gelaat nie