Moordbeskuldigde vry ná drie jaar in tronk
'n Man wat tereggestaan het op die moord van sy meisie en die ma van sy seun, is Vrydag in die Windhoekse hoërhof onskuldig bevind.
Kristien Kruger
Mnr. Gustav Pienaar (40) is Vrydag onskuldig bevind op onder meer die klag van moord op sy meisie, die 33-jarige Magde Christina Cloete.
Pienaar het ná die uitspraak die hoftolk, wat saam met hom in die beskuldigingsbank was, omhels en van blydskap op die vloer neergeval.
Hy was drie jaar in aanhouding en het tereggestaan op aanklagte van moord, regsverydeling en aanranding deur dreigemente.
Hy was die hoofverdagte in die moord wat drie jaar gelede in Windhoek plaasgevind het, waartydens Cloete met 'n mes in die nek gesteek is en op die toneel dood gebloei het.
Pienaar het aan die begin van sy verhoor onskuldig gepleit.
ONGELOOFWAARDIGE STAATSGETUIE
Hoërhofregter Christie Liebenberg het in sy uitspraak gesê die staat kon nie bo redelike twyfel bewys dat Pienaar skuldig is nie.
“Die hof kan iemand nie skuldig bevind op grond van waarskynlikheid nie,” het hy gesê.
Volgens Liebenberg se uitspraak was die staat se saak hoofsaaklik gebaseer op een getuie wat hy as ongeloofwaardig bevind het.
Liebenberg het gesê hy het die indruk gekry dat Cloete se vriendin en staatsgetuie, me. Dina Smith, se getuienis nie eerlik was nie.
Die staat het net een ander getuie, me. Joy Pienaar, geroep.
Smith was die enigste ooggetuie van die voorval. Pienaar het getuig dat dit Smith was wat Cloete met die mes gesteek het en nie hy nie.
Smith en Cloete was glo saam by 'n kroeg die aand van die voorval. Volgens Pienaar het hy Cloete by die kroeg gaan haal en saam met haar gewag vir iemand wat 'n mes by hom wou koop.
Volgens Pienaar se getuienis het Smith op hulle afgestorm met 'n klip in haar hand. Sy het die klip laat val, maar 'n gestoeiery het tussen die drie ontstaan. Smith het glo die mes by Pienaar afgevat en toe hy dit wou terugvat, het Smith vir Cloete met die mes gesteek.
Pienaar het ook getuig Smith het aan hom erken dat sy Cloete met die mes gesteek het.
Drie getuies het tydens die verhoor getuig dat Smith skuld aan hulle beken het terwyl sy by die polisiekantoor onder die invloed van drank was.
Die staat is deur mnr. Marthino Olivier verteenwoordig en Pienaar het tydens die verhoor grotendeels sy eie verweer behartig, nadat hy regshulp geweier het.
- [email protected]
Mnr. Gustav Pienaar (40) is Vrydag onskuldig bevind op onder meer die klag van moord op sy meisie, die 33-jarige Magde Christina Cloete.
Pienaar het ná die uitspraak die hoftolk, wat saam met hom in die beskuldigingsbank was, omhels en van blydskap op die vloer neergeval.
Hy was drie jaar in aanhouding en het tereggestaan op aanklagte van moord, regsverydeling en aanranding deur dreigemente.
Hy was die hoofverdagte in die moord wat drie jaar gelede in Windhoek plaasgevind het, waartydens Cloete met 'n mes in die nek gesteek is en op die toneel dood gebloei het.
Pienaar het aan die begin van sy verhoor onskuldig gepleit.
ONGELOOFWAARDIGE STAATSGETUIE
Hoërhofregter Christie Liebenberg het in sy uitspraak gesê die staat kon nie bo redelike twyfel bewys dat Pienaar skuldig is nie.
“Die hof kan iemand nie skuldig bevind op grond van waarskynlikheid nie,” het hy gesê.
Volgens Liebenberg se uitspraak was die staat se saak hoofsaaklik gebaseer op een getuie wat hy as ongeloofwaardig bevind het.
Liebenberg het gesê hy het die indruk gekry dat Cloete se vriendin en staatsgetuie, me. Dina Smith, se getuienis nie eerlik was nie.
Die staat het net een ander getuie, me. Joy Pienaar, geroep.
Smith was die enigste ooggetuie van die voorval. Pienaar het getuig dat dit Smith was wat Cloete met die mes gesteek het en nie hy nie.
Smith en Cloete was glo saam by 'n kroeg die aand van die voorval. Volgens Pienaar het hy Cloete by die kroeg gaan haal en saam met haar gewag vir iemand wat 'n mes by hom wou koop.
Volgens Pienaar se getuienis het Smith op hulle afgestorm met 'n klip in haar hand. Sy het die klip laat val, maar 'n gestoeiery het tussen die drie ontstaan. Smith het glo die mes by Pienaar afgevat en toe hy dit wou terugvat, het Smith vir Cloete met die mes gesteek.
Pienaar het ook getuig Smith het aan hom erken dat sy Cloete met die mes gesteek het.
Drie getuies het tydens die verhoor getuig dat Smith skuld aan hulle beken het terwyl sy by die polisiekantoor onder die invloed van drank was.
Die staat is deur mnr. Marthino Olivier verteenwoordig en Pienaar het tydens die verhoor grotendeels sy eie verweer behartig, nadat hy regshulp geweier het.
- [email protected]
Kommentaar
Republikein
Geen kommentaar is op hierdie artikel gelaat nie