Motorhandelaar loop sy rieme styf
Die man wat na bewering minstens 60 motors verkoop en nooit die geld aan die eienaars betaal het nie, sal vandag in die hof verskyn.
Kristien Kruger
Die eienaar van Market Motors in Windhoek, wat vir ’n week deur die polisie gesoek is in verband met mense se motors wat hy glo verkoop en die opbrengs daarvan glo in sy sak gesteek het, het hom gister aan die polisie oorgegee.
Volgens die ondersoekbeampte, sersant Ricky Garoëb, het mnr. Wiid de Wet hom in die teenwoordigheid van sy prokureur omstreeks 16:00 by die Windhoek polisiekantoor oorgegee en sal hy vandag in die Windhoekse landdroshof verskyn.
Volgens die senior privaatspeurder Michael Nieuwoudt van Namibia Investigation Services (NIS) word beraam dat De Wet minstens 60 motors verkoop het waarvan hy die geld gehou het en dis net die gevalle waarvan hul tans bewus is.
Die motors was volgens hom meestal tussen N$250 000 en N$400 000 in waarde.
“De Wet het vermoedelik vyf jaar gelede op klein skaal begin motors verkoop, maar het in 2019 sy bedrywighede begin optel,” het Nieuwoudt aan Republikein gesê.
Volgens hom is hulle ook deur individue in Suid-Afrika gekontak wat hul karre deur De Wet wou verkoop en nooit hul geld ontvang het nie.
“Suid-Afrikaanse beleggers het ons ook in kennis gestel dat De Wet by hulle geld geleen het wat hy nie terugbetaal het nie.”
De Wet staan gevolglik tereg op siviele en strafregtelike aanklagte van bedrog, diefstal onder valse voorwendsels en motordiefstal.
Volgens Garoëb was daar gister, toe hy hom amptelik aangekla het, 21 sake teen De Wet aanhangig gemaak.
– [email protected]
Die eienaar van Market Motors in Windhoek, wat vir ’n week deur die polisie gesoek is in verband met mense se motors wat hy glo verkoop en die opbrengs daarvan glo in sy sak gesteek het, het hom gister aan die polisie oorgegee.
Volgens die ondersoekbeampte, sersant Ricky Garoëb, het mnr. Wiid de Wet hom in die teenwoordigheid van sy prokureur omstreeks 16:00 by die Windhoek polisiekantoor oorgegee en sal hy vandag in die Windhoekse landdroshof verskyn.
Volgens die senior privaatspeurder Michael Nieuwoudt van Namibia Investigation Services (NIS) word beraam dat De Wet minstens 60 motors verkoop het waarvan hy die geld gehou het en dis net die gevalle waarvan hul tans bewus is.
Die motors was volgens hom meestal tussen N$250 000 en N$400 000 in waarde.
“De Wet het vermoedelik vyf jaar gelede op klein skaal begin motors verkoop, maar het in 2019 sy bedrywighede begin optel,” het Nieuwoudt aan Republikein gesê.
Volgens hom is hulle ook deur individue in Suid-Afrika gekontak wat hul karre deur De Wet wou verkoop en nooit hul geld ontvang het nie.
“Suid-Afrikaanse beleggers het ons ook in kennis gestel dat De Wet by hulle geld geleen het wat hy nie terugbetaal het nie.”
De Wet staan gevolglik tereg op siviele en strafregtelike aanklagte van bedrog, diefstal onder valse voorwendsels en motordiefstal.
Volgens Garoëb was daar gister, toe hy hom amptelik aangekla het, 21 sake teen De Wet aanhangig gemaak.
– [email protected]
Kommentaar
Republikein
Geen kommentaar is op hierdie artikel gelaat nie