MTC reageer op omstrede video
Die mobiele telekommunikasiereus sê die gedrag van die man op beeldmateriaal – oënskynlik in gesprek met vroue van die nag – strook nie met hul waardes nie.
Denver Kisting – ’n Storm het om die kop van ’n MTC-werknemer losgebars ná ’n video met hom en oënskynlike vroue van die nag soos ’n veldbrand versprei het.
In die beeldmateriaal, wat gister nog wyd op sosialemediaplatforms die ronde gedoen het, kry die man stry met die twee vroue omdat hulle na bewering nie vir dienste betaal is nie wat volgens hulle gelewer is.
Boonop voer een van die vroue in die video aan die man is by onwettige dwelms betrokke.
Sy sê onder meer: “Ons het vier keer dwelms gaan koop. Terwyl ons op ons geld wag, het ons vier keer dwelms gaan koop. Jy weet mos.”
Die man, wat in die video by ’n MTC-ampsmotor staan, sê dan hy sal glo na ’n OTM gaan om “te gaan sien”.
MTC het sedertdien in ’n verklaring by monde van sy hoofbeampte: menslike kapitaal, mnr. Tim Ekandjo, skerp te velde getrek teen die voorval.
“Van vandag, Woensdag 11 November 2020, is ’n videoplasing onder MTC se aandag gebring – wat soos ’n veldbrand op sosialemediaplatforms versprei – waarin ’n MTC-ambassadeur met ’n MTC-voertuig gesien word hom op ’n manier gedra wat nie strook met die waardes van ons handelsmerk nie.”
Luidens die bondige verklaring is die man in die beeldmateriaal wel in diens van MTC. ’n Ondersoek is van stapel gestuur om “die feite rakende die voorval vas te stel”, lui die verklaring voorts.
STAPPE OP PAD
MTC sê die maatskappy wil die publiek en al hul kliënte verseker “dat die voorval nie die waardes weerspieël wat ons van al ons ambassadeurs verwag nie, en hiermee wil ons om verskoning vra vir die ongemak wat die video veroorsaak het en aanhou om te veroorsaak. MTC sal die gepaste stappe doen wat in ooreenstemming is met ons dissiplinêre kode.” - [email protected]
In die beeldmateriaal, wat gister nog wyd op sosialemediaplatforms die ronde gedoen het, kry die man stry met die twee vroue omdat hulle na bewering nie vir dienste betaal is nie wat volgens hulle gelewer is.
Boonop voer een van die vroue in die video aan die man is by onwettige dwelms betrokke.
Sy sê onder meer: “Ons het vier keer dwelms gaan koop. Terwyl ons op ons geld wag, het ons vier keer dwelms gaan koop. Jy weet mos.”
Die man, wat in die video by ’n MTC-ampsmotor staan, sê dan hy sal glo na ’n OTM gaan om “te gaan sien”.
MTC het sedertdien in ’n verklaring by monde van sy hoofbeampte: menslike kapitaal, mnr. Tim Ekandjo, skerp te velde getrek teen die voorval.
“Van vandag, Woensdag 11 November 2020, is ’n videoplasing onder MTC se aandag gebring – wat soos ’n veldbrand op sosialemediaplatforms versprei – waarin ’n MTC-ambassadeur met ’n MTC-voertuig gesien word hom op ’n manier gedra wat nie strook met die waardes van ons handelsmerk nie.”
Luidens die bondige verklaring is die man in die beeldmateriaal wel in diens van MTC. ’n Ondersoek is van stapel gestuur om “die feite rakende die voorval vas te stel”, lui die verklaring voorts.
STAPPE OP PAD
MTC sê die maatskappy wil die publiek en al hul kliënte verseker “dat die voorval nie die waardes weerspieël wat ons van al ons ambassadeurs verwag nie, en hiermee wil ons om verskoning vra vir die ongemak wat die video veroorsaak het en aanhou om te veroorsaak. MTC sal die gepaste stappe doen wat in ooreenstemming is met ons dissiplinêre kode.” - [email protected]
Kommentaar
Republikein
Geen kommentaar is op hierdie artikel gelaat nie