My hond het ook spoorloos verdwyn

GLYNNIS BEZUIDENHOUT SKRYF:

Ek het die artikel in die koerant gelees oor die hondediefstal.

My hond is ook Donderdag weg van die huis. Ek vermoed dat sy gesteel is. Ek het nou al by die SPCA, Facebook en Find my lost dog opgegee.

Dit wil voorkom asof die sindikaat ook in Windhoek is. Hoe meer ek navraag doen, kom ek agter al hoe meer mense se honde verdwyn spoorloos.

Ek wil graag verneem of julle dalk weer enige publikasie gaan doen rondom die diefstal. Ek sal dit hoog waardeer as julle moontlik melding kan maak van my geval.

Ek heg ‘n foto aan van Kylie wat verlede jaar op die lesersfotoblad verskyn het. Sy is ‘n swart Daschhund (worshond), ouderdom 4 jaar, het in Sekretarstraat, Hochlandpark verdwyn.

Sy kry epileptiese aanvalle. Ek soek nou al vanaf Dinsdag die 5de Maart 2019 na haar, maar geen spoor.

Ek glo ook julle by die koerant deel ‘n passie vir diere en sal verstaan hoekom ek jul raad vra om my te help om haar op te spoor.

Dit breek ‘n mens se hart om nie te weet wat van jou dier geword het nie, veral na afloop van die huidige gebeure.