‘n ‘Magnifico’ plaashuis!

Die Farmhouse Deli op Swakopmund laat mens vir ‘n oomblik dink jy kuier by jou ouma en oupa op die plaas. Maar dis ‘n anderster plaas dié – ‘n plaas wat nuwe lewe aan bekende smake, reuke en geure gee.Die Strand Hotel draai die konvensionele op sy kop en bied jou ‘n topklas ervaring.Die Farmhouse Deli is ‘n goeie voorbeeld hiervan. Dis ’n goeie mengsel van tradisionele en moderde elemente.Dié deli is boonop in die hartjie van die kusdorp, in die wêreldberoemde Mole by die Strand Hotel.Met Mediterreense invloede, veral van Italië en ander Europese lande, sorg hierdie restaurant vir ‘n heerlike eet- en kuierervaring. Gaste lek reeds lippe met die intrapslag af.Van ingevoerde olywe tot by tuisgemaakte songedroogde tamaties word uitgestal. In die middel van die restaurant is die gewilde buffet-area. Dit dien as opskeparea vir ontbyt, slaai en soetighede. Gaste kry die geleentheid om hier te kies en keur uit ‘n wye verskeidenheid disse. Wat die restaurant baie aards maak, is die oop kombuis. Gaste loop verby die kombuis waar die kos voorberei en bedien word. ‘n Skoon en netjies kombuis sorg vir heerlike, gesonde en aantreklike kos. Alle gebak, van die brood tot by die koek, word daagliks op die perseel gebak.Of dit nou ‘n tramezzini, pasta, omelet, slaai, quiche, ontbyt of steak is, hul oog vir die fyner besonderhede is uniek. Elke bord kos lyk soos iets wat van ‘n tydskrifvoorblad afgeklim het. Jy kry hoendervleis van al die mooi. Nog ‘n faset van hierdie wêreldklas restaurant is hul reeks pastas – van die bekendes tot by dié met ‘n Namibiese twist. Al die pastas is tuisgemaak en word vars bedien. Die personeel se vriendelikheid staan bo alles uit. Om spesiale diens te ontvang, bly maar ‘n wenner. Die dekor is ‘n kombinasie van plaassjarme met ‘n Italiaanse geur – stylvol en warm.Die porsies is ruim en jy sal nie honger huis toe gaan nie. Sluit jou kuier met ‘n beker regte java af, en pak die dag lag-lag.Die Farmhouse Deli is sewe dae ‘n week van 06:00 tot 21:00 oop. Besprekings kan by www.asdfas.com gedoen word.

‘n ‘Magnifico’ plaashuis!

Kommentaar

Republikein 2025-04-04

Meld asseblief aan om kommentaar te lewer

‘n ‘Magnifico’ plaashuis!

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie