‘n Róói jaar vir Nam verwag

Jo-Maré Duddy – Weens beperkte monetêre- en fiskale ruimte is Namibië nou meer weerloos teen eksterne skokke as enigetyd tydens die wêreldwye finansiële krisis in 2008, sê IJG Securities.In die halfjaarhersiening van hul ekonomiese vooruitsigte vir vanjaar sê IJG hulle verskil van die Namibië Statistiekagentskap (NSA) dat die ekonomie verlede jaar met 1,1% gegroei het. Dit is hoogs waarskynlik dat die land se reële BBP-groei in werklikheid negatief was, meen IJG.IJG verwag Namibië sal vanjaar steeds in ‘n resessie vasgevang bly. Waar dié ontleders aan die begin van 2017 groei van 2,1% vir vanjaar verwag het, voorspel hulle nou -0,6%.Pieke en ebbe in die sakesiklus is normaal en so ook resessies, sê IJG. “Die feit dat Namibië nou ‘n resessie ervaar is nie uniek nie, maar dit is ook nie iets om te ignoreer nie.”Die Namibiese ekonomie sal herstel, maar dit sal waarskynlik ‘n paar jaar neem, sê IJG. Die regering se pro-sikliese begrotingsbeleid, waartydens miljarde bestee is voor finansminister Calle Schlettwein weens die bultende skuldlas verlede jaar verplig was om hokaai te roep, het tot die “oorverhitting” van die ekonomie bygedra. Dieselfde beleid kan nou veroorsaak dat die ekonomie vir ‘n lang tyd in ‘n omgewing van lae groei kwyn, sê IJG.Myne, konstruksieBleker vooruitsigte vir veral konstruksie, uraan- en diamantproduksie, asook die finansiële- en eiendomsektor het IJG genoop om hul jongste verwagte ekonomiese groeisyfer vir vanjaar in rooi aan te dui.Vertragings in die produksieproses en aanleguitdagings by Husab het IJG oortuig om hul verwagte groei vir die uraansektor van 104,6% vroeër tot 26,2% tans te verlaag. Die ontleders verwag nou Husab sal eers in 2019 volle produksie bereik. Produksiesyfers tot dusver vanjaar het IJG ook hul verwagte groei vir die diamantmynbedryf van 24% tot 18% laat verminder.Aan die begin van 2017 was IJG se groeiverwagtinge vir die konstruksiesektor -8%. Inligting uit die bedryf dui egter nou op ‘n groter afname in konstruksiebedrywighede as aangeneem, sê IJG. Voorts is die regering se agterstallige rekeninge aan die bedryf onderskat en lei projekvertagings tot bykomende koste. IJG verwag nou groei van -10% in konstruksie vanjaar.Kredietgroei aan die private sektor wat steeds taan, beteken die finansiële sektor kan vanjaar met een persent inkrimp, sê IJG. “Banke is versigtiger om lenings toe te staan, veral aan individue en sommige besigheidsektore,” sê IJG. Vroeër vanjaar was die ontleders se groeiverwagting vir die bedryf 5%.Eiendomspryse wat stagneer of daal, kan vanjaar tot groei van -1,7% in dié sektor lei, meen IJG. Aan die begin van 2017 was hul groeivooruitsig 3%.IJG sê die faktore wat die heersende eb meegebring het, moet “herken en getakel” word sodat die situasie homself nie in die toekoms herhaal nie.“Die balansering van strukturele hervorming tydens begrotingskonsolidering gaan uitdagend wees, maar is nodig.”

‘n Róói jaar vir Nam verwag

Kommentaar

Republikein 2025-04-21

Meld asseblief aan om kommentaar te lewer

‘n Róói jaar vir Nam verwag

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie