’n Walvis in die Goreangab?
Die Bank Windhoek Kunstefees en die Nasionale Teater van Namibië (NTN) bied die musiekproduksie A Whale in the Goreangab aan wat op kwessies soos korrupsie, armoede en besoedeling fokus.
Dit sal elke dag van 2 tot 5 September om 19:00 by die NTN opgevoer word.
Teksskrywer en regisseur prof. Aldo Behrens sê die produksie dien as ’n “gelykenis”, soortgelyk aan dié van die Bybel. Hy het die teks gebaseer op die digwerk van Keamogetsi Joseph Molapong (Mola), soos dit in sy onlangse boek, The Scars On My Skin, gepubliseer is.
Tydens die perskonferensie het Behrens verwys na die Bybelgelykenis waar die wyse koning Salamo deur twee vroue gekonfronteer word wat oor ’n baba stry. “Dit kom daarop neer dat hy sê, gee die babas vir die moeders wat omgee. Gee dus ook die grond vir die wat liefhet.”
Bekende akteurs soos David Ndjavera, Mola, Jean-Louis Knouwdts, Michelle Namases, Amy Hammond, en Anke Nel vertolk die rolle van karakters soos onder andere Lucifer, die Doodsengel, die Aartsengel, Ope Deur, Vals Geld, Hou-hulle-dop, Parlement-bestormer en Verlore Geleenthede. Die drama ontvou rondom die fiktiewe Goreangab-sentrum vir Haweloses, waar die inwoners klagte van korrupsie voor ’n tribunaal lê nadat ’n regeringsinstansie hulle wil onteien. Die tribunaal bestaan uit verteenwoordiges van goed en kwaad.
“Die titel A Whale in The Goreangab is ’n metafoor vir onvanpastheid. Dit is onvanpas om ’n seedier in ’n mensgemaakte, besoedelde dam te plaas – so onvanpas soos korrupsie,” het Behrens gesê.
“Stef Bos sing byvoorbeeld ook van ’n walvis in die Limpopo – die onvanpastheid is bykans lasterlik. Dit is so lasterlik soos die besoedeling van varswaterbronne, regeringsamptenare wat belasting as persoonlike OTM’e beskou en demokrate wat ’n blinde oog op die verrotting van armoede draai.”
In die produksie beskuldig “Goed” vir “Kwaad” van korrupsie. Die eindresultaat is ’n ontnugtering. Kaartjies vir die toneelstuk is by Computicket te koop.
Dit sal elke dag van 2 tot 5 September om 19:00 by die NTN opgevoer word.
Teksskrywer en regisseur prof. Aldo Behrens sê die produksie dien as ’n “gelykenis”, soortgelyk aan dié van die Bybel. Hy het die teks gebaseer op die digwerk van Keamogetsi Joseph Molapong (Mola), soos dit in sy onlangse boek, The Scars On My Skin, gepubliseer is.
Tydens die perskonferensie het Behrens verwys na die Bybelgelykenis waar die wyse koning Salamo deur twee vroue gekonfronteer word wat oor ’n baba stry. “Dit kom daarop neer dat hy sê, gee die babas vir die moeders wat omgee. Gee dus ook die grond vir die wat liefhet.”
Bekende akteurs soos David Ndjavera, Mola, Jean-Louis Knouwdts, Michelle Namases, Amy Hammond, en Anke Nel vertolk die rolle van karakters soos onder andere Lucifer, die Doodsengel, die Aartsengel, Ope Deur, Vals Geld, Hou-hulle-dop, Parlement-bestormer en Verlore Geleenthede. Die drama ontvou rondom die fiktiewe Goreangab-sentrum vir Haweloses, waar die inwoners klagte van korrupsie voor ’n tribunaal lê nadat ’n regeringsinstansie hulle wil onteien. Die tribunaal bestaan uit verteenwoordiges van goed en kwaad.
“Die titel A Whale in The Goreangab is ’n metafoor vir onvanpastheid. Dit is onvanpas om ’n seedier in ’n mensgemaakte, besoedelde dam te plaas – so onvanpas soos korrupsie,” het Behrens gesê.
“Stef Bos sing byvoorbeeld ook van ’n walvis in die Limpopo – die onvanpastheid is bykans lasterlik. Dit is so lasterlik soos die besoedeling van varswaterbronne, regeringsamptenare wat belasting as persoonlike OTM’e beskou en demokrate wat ’n blinde oog op die verrotting van armoede draai.”
In die produksie beskuldig “Goed” vir “Kwaad” van korrupsie. Die eindresultaat is ’n ontnugtering. Kaartjies vir die toneelstuk is by Computicket te koop.
Kommentaar
Republikein
Geen kommentaar is op hierdie artikel gelaat nie