Nam 3de mees ekologies bedreigde land
Vyf ekologiese bedreigings staar Namibië in die gesig, volgens die Ekologiese Bedreigingsregister van 2020.
Francoise Steynberg – Namibië is in die topdrie lande wat ekologies die meeste ter wêreld bedreig word.
Die Ekologiese Bedreigingsregister 2020 (ETR) is pas as lywige nooiensverslag van 90 bladsye deur die Instituut vir Ekonomie en Vrede (IEP) uitgereik met Afghanistan, Mosambiek en Namibië wat as die topdrie lande gelys is wat die ergste deur ekologiese bedreigings geraak is.
Die ander mees geraakte lande in die toptien is Namibië se oostelike buurland, Botswana, gevolg deur Tsjad, Ethiopië, Indië, Iran, Irak en Kenia.
Volgens die verslag is navorsing in 157 lande gedoen.
Volgens hul bevindings staar vyf ekologiese bedreigings Namibië in die gesig, naamlik voedselonsekerheid, droogte, waterskaarste, hulpbronne-vermindering en temperatuurstygings.
Die goeie nuus is dat Namibië as 'n vreedsame land die kapasiteit het om die impak van ekologiese bedreigings te kan verminder. Ander lande wat ook in hierdie kategorie val, is Australië, Botswana, Georgië, Israel, die Nederlande, Tunisië en die VSA.
Afrika suid van die Sahara is die streek met die hoogste risiko vir klimaatsverandering met al die lande in die streek wat ten minste een ekologiese bedreiging ervaar. Die meerderheid van die lande – 33 uit 43 – het medium tot hoë ekologiese bedreigings. In die streek het Mosambiek en Namibië risikotellings van vyf ekologiese bedreigings.
Wêreldwyd is 141 lande blootgestel aan ekologiese bedreigings met 19 lande wat meer as vier ekologiese bedreigings in die gesig staar.
Sowat 6,4 miljard mense bly in lande wat blootgestel is aan medium tot hoë ekologiese bedreigings.
Uit die 157 lande wat nagevors is, sal 34% katastrofiese waterstres teen 2050 ervaar en 22% katastrofiese voedselsekuriteit.
“'n Katastrofiese bedreiging sal tot aansienlike ontworteling van mense of 'n aansienlike styging in hongersnood lei,” lui die verslag.
“Meer as 'n miljard mense kan teen 2050 weens ekologiese bedreigings en gewapende konflik ontwortel wees.”
Tien uit die 19 lande wat die hoogste blootstelling aan ekologiese bedreigings het, is tussen die top-40 konfliklande op die Globale Vredesindeks.
Vloede is een van die mees algemene ekologiese bedreigings wat 60% van die lande raak, gevolg deur waternood wat 'n impak op 43% van die lande teen 2040 sal hê.
“Die vooruitskattings is dat die situasie oor die volgende twee dekades sal vererger.”
NATUURRAMPE
Wêreldwyd het die voorkoms van natuurrampe sedert 1960 tienvoudig toegeneem – vanaf 39 voorvalle in 1960 tot 396 in 2019. Vloede en storms verteenwoordig 71% van natuurrampe tussen 1990 en 2019.
Natuurrampe het verlede jaar 25 miljoen mense ontwortel – drie keer hoër as die 8,6 miljoen mense wat weens gewapende konflik ontwortel is.
Amerika het sedert 1990 altesaam 704 natuurrampe gehad – die meeste van enige land wêreldwyd.
China het onder die tweede meeste natuurrampe deurgeloop – altesaam 560 voorvalle.
Stygende seevlakke van 2,1 meter sal volgens die verslag grondoppervakte permanent dek wat tans die tuiste van 200 miljoen mense in die wêreld is.
Die afgelope vyf jaar was ook die warmste op rekord.
PANDEMIE
Die verslag sê die coronavirus sal hierdie ekologiese bedreigings vererger.
“Die Covid-19-pandemie is die grootste skok van die wêreldwye sosioëkonomiese stelsel tot dusver in die 21ste eeu. Soveel lande het nie die geskikte vlakte van sosioëkonomiese weerstandigheid om die skokke te bowe te kom nie.”
– [email protected]
Die Ekologiese Bedreigingsregister 2020 (ETR) is pas as lywige nooiensverslag van 90 bladsye deur die Instituut vir Ekonomie en Vrede (IEP) uitgereik met Afghanistan, Mosambiek en Namibië wat as die topdrie lande gelys is wat die ergste deur ekologiese bedreigings geraak is.
Die ander mees geraakte lande in die toptien is Namibië se oostelike buurland, Botswana, gevolg deur Tsjad, Ethiopië, Indië, Iran, Irak en Kenia.
Volgens die verslag is navorsing in 157 lande gedoen.
Volgens hul bevindings staar vyf ekologiese bedreigings Namibië in die gesig, naamlik voedselonsekerheid, droogte, waterskaarste, hulpbronne-vermindering en temperatuurstygings.
Die goeie nuus is dat Namibië as 'n vreedsame land die kapasiteit het om die impak van ekologiese bedreigings te kan verminder. Ander lande wat ook in hierdie kategorie val, is Australië, Botswana, Georgië, Israel, die Nederlande, Tunisië en die VSA.
Afrika suid van die Sahara is die streek met die hoogste risiko vir klimaatsverandering met al die lande in die streek wat ten minste een ekologiese bedreiging ervaar. Die meerderheid van die lande – 33 uit 43 – het medium tot hoë ekologiese bedreigings. In die streek het Mosambiek en Namibië risikotellings van vyf ekologiese bedreigings.
Wêreldwyd is 141 lande blootgestel aan ekologiese bedreigings met 19 lande wat meer as vier ekologiese bedreigings in die gesig staar.
Sowat 6,4 miljard mense bly in lande wat blootgestel is aan medium tot hoë ekologiese bedreigings.
Uit die 157 lande wat nagevors is, sal 34% katastrofiese waterstres teen 2050 ervaar en 22% katastrofiese voedselsekuriteit.
“'n Katastrofiese bedreiging sal tot aansienlike ontworteling van mense of 'n aansienlike styging in hongersnood lei,” lui die verslag.
“Meer as 'n miljard mense kan teen 2050 weens ekologiese bedreigings en gewapende konflik ontwortel wees.”
Tien uit die 19 lande wat die hoogste blootstelling aan ekologiese bedreigings het, is tussen die top-40 konfliklande op die Globale Vredesindeks.
Vloede is een van die mees algemene ekologiese bedreigings wat 60% van die lande raak, gevolg deur waternood wat 'n impak op 43% van die lande teen 2040 sal hê.
“Die vooruitskattings is dat die situasie oor die volgende twee dekades sal vererger.”
NATUURRAMPE
Wêreldwyd het die voorkoms van natuurrampe sedert 1960 tienvoudig toegeneem – vanaf 39 voorvalle in 1960 tot 396 in 2019. Vloede en storms verteenwoordig 71% van natuurrampe tussen 1990 en 2019.
Natuurrampe het verlede jaar 25 miljoen mense ontwortel – drie keer hoër as die 8,6 miljoen mense wat weens gewapende konflik ontwortel is.
Amerika het sedert 1990 altesaam 704 natuurrampe gehad – die meeste van enige land wêreldwyd.
China het onder die tweede meeste natuurrampe deurgeloop – altesaam 560 voorvalle.
Stygende seevlakke van 2,1 meter sal volgens die verslag grondoppervakte permanent dek wat tans die tuiste van 200 miljoen mense in die wêreld is.
Die afgelope vyf jaar was ook die warmste op rekord.
PANDEMIE
Die verslag sê die coronavirus sal hierdie ekologiese bedreigings vererger.
“Die Covid-19-pandemie is die grootste skok van die wêreldwye sosioëkonomiese stelsel tot dusver in die 21ste eeu. Soveel lande het nie die geskikte vlakte van sosioëkonomiese weerstandigheid om die skokke te bowe te kom nie.”
– [email protected]
Kommentaar
Republikein
Geen kommentaar is op hierdie artikel gelaat nie