Nam vroue skitter in Suid-Afrika
’n Tienboulbeurttoernooi in die buurland was net die regte medisyne vir die Namibiërs.
Tielman van Lill – Drie van Namibië se senior vroue-Eagles het die afgelope naweek op uitnodiging in Johannesburg aan Wanderers-krieketklub se gesogte T10-vrouetoernooi deelgeneem.
Die jaarlikse instelling is met 133 spelers in twaalf spanne, verdeel in twee groepe, aangebied waar heelwat van Suid-Afrika se room hul talente uitgestal het.
Die Khan-susters, Reehana en Yasmeen, is deur die Afrika-krieketakademie se span betrek, terwyl Suné Wittmann soos in 2020 weer deur die Jaguars genooi is. Dié toernooi was weens inperkingsmaatreëls nie verlede jaar aangebied nie.
Sharne Mayers, ’n nasionale speler van Zimbabwe, is met 1 407 punte die topspeler van die toernooi op die ranglys. Susan Benade, ’n oud-Proteaspeler van Suid-Afrika, is tweede met 1 353, terwyl Yasmeen Khan (1 263, derde) die Namibiese vlag hoog laat wapper het. Yasmeen het ook die algehele derde meeste lopies behaal.
OPGEWEEG
Die Namibiërs is teen die beste van Suid-Afrika en Zimbabwe opgeweeg en het met vlieënde vaandels geslaag.
Yasmeen se punte vir haar vertonings het byvoorbeeld vir Palesa Mapoo (SA Emerging), Kirstie Thomson (Proteas, Gauteng), Robyn Searle (SA Emerging, Gauteng) en Kgomotso Rapoo (SA Emerging, Gauteng) verreweg uitgestof. Wittmann (9de) en Reehana Khan (38ste) se plasing op die ranglys is ook ’n ware getuigskrif van hul talent.
Yasmeen het behoorlik met die kolf gekook en is drie keer as speler van die wedstryd aangewys.
In haar ses kolfbeurte het sy onderskeidelik 9 nie uit nie (6 balle), 37 (17 b), 98 (34 b), 73 (25 b), 25 (11 b), 60* (31 b) aangeteken. Dit kom neer op 302 lopies van net 124 aflewerings teen ’n kolftempo van 243,5 persent. Haar lopies sluit 43 viere en 13 sesse in.
Wittmann het in vyf wedstryde drie vyftigtalle gelewer. Haar totaal van 203 (19x4, 16x6) kom van 74 balle teen 274 persent wat soos volg behaal is: 56 (15 b), 1 (2 b), 62 (27 b), 16 (4 b) en 68 (26 b).
Reehana het as ’n laerordekolwer minder kolfkans gekry, maar het steeds in vyf kolfbeurte op 76 lopies (8x4, 1x6) van 57 balle teen ’n treftempo van 133% geëindig.
In die wedstryde waar sy wel op nommer drie ingestap het, het sy 25* (13), 31* (25 b) en 15 (10 b) op die telbord geplaas.
Die Afrika-krieketakademiespan het vier van hul wedstryde in groep A gewen, maar in die kwarteindstryd teen die Giant Slayers met 41 lopies vasgeval.
Yasmeen sê: “Ek het ’n fantastiese tyd by die Wanderers Ladies T10- toernooi gehad. Ek is regtig bevoorreg om deel van die wonderlike kompetisie te kon wees wat vrouekrieket bevorder. Ek kan nie wag vir die volgende een nie!”
Reehana vertel: “Dis ’n toernooi wat lank in my geheue sal bly, omdat ek dit besonders geniet het en myself op die veld kon uitleef. Ek kon daarin slaag om ’n hele paar grenshoue te slaan en het ook my boulwerk geniet. Dit was ’n groot hupstoot vir my selfvertroue.”
Graham McMillan van Wanderers (tevore uitvoerende hoof van Krieket Namibië) het aan Republikein gesê: “Dit was die vierde jaar wat ons die kompetisie aangebied het om vrouekrieket in ’n korter weergawe te bevorder. Weens inperkings kon ons dit nie laasjaar hou nie.
“Die fokus was om die kolwers aan te moedig om vrylik te speel en groot sesse te slaan. Ons het van die begin af die kompetisie met 12 spanne in twee groepe aangebied en die vroue het regtig die geleentheid aangegryp.
“Vanjaar se weergawe het die drie Namibiërs, ’n Zimbabwiër asook twee oud-Protea en hope opkomende Suid- Afrikaanse spelers ingesluit wat tans provinsiale krieket reg oor die land speel.
“Die byeenkoms was opnuut ’n reusesukses. Ons is bevoorreg en geëerd om dit vir die dames te kon hou.”
DIE T20-REEKS IN SYFERS
Wedstryde 67 / Lopies 6 588 / Aflewerings 4 094 / Paaltjies 173 / Viere 748 / Sesse 254 / Vyftigtalle 32 / Vangskote 73 / Nulletjies 18.
FOTO’s verskaf
Reehana Khan op die aanval.
Suné Wittmann in 'n ligte luim.
Yasmeen Khan speel 'n kaphou die afgelope naweek by die Wanderers in Johannesburg, Suid-Afrika. Sy het die derde meeste lopies van die toernooi geslaan.
Die jaarlikse instelling is met 133 spelers in twaalf spanne, verdeel in twee groepe, aangebied waar heelwat van Suid-Afrika se room hul talente uitgestal het.
Die Khan-susters, Reehana en Yasmeen, is deur die Afrika-krieketakademie se span betrek, terwyl Suné Wittmann soos in 2020 weer deur die Jaguars genooi is. Dié toernooi was weens inperkingsmaatreëls nie verlede jaar aangebied nie.
Sharne Mayers, ’n nasionale speler van Zimbabwe, is met 1 407 punte die topspeler van die toernooi op die ranglys. Susan Benade, ’n oud-Proteaspeler van Suid-Afrika, is tweede met 1 353, terwyl Yasmeen Khan (1 263, derde) die Namibiese vlag hoog laat wapper het. Yasmeen het ook die algehele derde meeste lopies behaal.
OPGEWEEG
Die Namibiërs is teen die beste van Suid-Afrika en Zimbabwe opgeweeg en het met vlieënde vaandels geslaag.
Yasmeen se punte vir haar vertonings het byvoorbeeld vir Palesa Mapoo (SA Emerging), Kirstie Thomson (Proteas, Gauteng), Robyn Searle (SA Emerging, Gauteng) en Kgomotso Rapoo (SA Emerging, Gauteng) verreweg uitgestof. Wittmann (9de) en Reehana Khan (38ste) se plasing op die ranglys is ook ’n ware getuigskrif van hul talent.
Yasmeen het behoorlik met die kolf gekook en is drie keer as speler van die wedstryd aangewys.
In haar ses kolfbeurte het sy onderskeidelik 9 nie uit nie (6 balle), 37 (17 b), 98 (34 b), 73 (25 b), 25 (11 b), 60* (31 b) aangeteken. Dit kom neer op 302 lopies van net 124 aflewerings teen ’n kolftempo van 243,5 persent. Haar lopies sluit 43 viere en 13 sesse in.
Wittmann het in vyf wedstryde drie vyftigtalle gelewer. Haar totaal van 203 (19x4, 16x6) kom van 74 balle teen 274 persent wat soos volg behaal is: 56 (15 b), 1 (2 b), 62 (27 b), 16 (4 b) en 68 (26 b).
Reehana het as ’n laerordekolwer minder kolfkans gekry, maar het steeds in vyf kolfbeurte op 76 lopies (8x4, 1x6) van 57 balle teen ’n treftempo van 133% geëindig.
In die wedstryde waar sy wel op nommer drie ingestap het, het sy 25* (13), 31* (25 b) en 15 (10 b) op die telbord geplaas.
Die Afrika-krieketakademiespan het vier van hul wedstryde in groep A gewen, maar in die kwarteindstryd teen die Giant Slayers met 41 lopies vasgeval.
Yasmeen sê: “Ek het ’n fantastiese tyd by die Wanderers Ladies T10- toernooi gehad. Ek is regtig bevoorreg om deel van die wonderlike kompetisie te kon wees wat vrouekrieket bevorder. Ek kan nie wag vir die volgende een nie!”
Reehana vertel: “Dis ’n toernooi wat lank in my geheue sal bly, omdat ek dit besonders geniet het en myself op die veld kon uitleef. Ek kon daarin slaag om ’n hele paar grenshoue te slaan en het ook my boulwerk geniet. Dit was ’n groot hupstoot vir my selfvertroue.”
Graham McMillan van Wanderers (tevore uitvoerende hoof van Krieket Namibië) het aan Republikein gesê: “Dit was die vierde jaar wat ons die kompetisie aangebied het om vrouekrieket in ’n korter weergawe te bevorder. Weens inperkings kon ons dit nie laasjaar hou nie.
“Die fokus was om die kolwers aan te moedig om vrylik te speel en groot sesse te slaan. Ons het van die begin af die kompetisie met 12 spanne in twee groepe aangebied en die vroue het regtig die geleentheid aangegryp.
“Vanjaar se weergawe het die drie Namibiërs, ’n Zimbabwiër asook twee oud-Protea en hope opkomende Suid- Afrikaanse spelers ingesluit wat tans provinsiale krieket reg oor die land speel.
“Die byeenkoms was opnuut ’n reusesukses. Ons is bevoorreg en geëerd om dit vir die dames te kon hou.”
DIE T20-REEKS IN SYFERS
Wedstryde 67 / Lopies 6 588 / Aflewerings 4 094 / Paaltjies 173 / Viere 748 / Sesse 254 / Vyftigtalle 32 / Vangskote 73 / Nulletjies 18.
FOTO’s verskaf
Reehana Khan op die aanval.
Suné Wittmann in 'n ligte luim.
Yasmeen Khan speel 'n kaphou die afgelope naweek by die Wanderers in Johannesburg, Suid-Afrika. Sy het die derde meeste lopies van die toernooi geslaan.
Kommentaar
Republikein
Geen kommentaar is op hierdie artikel gelaat nie