Namibië nie onder topspanne in AUSC-spele
Die atletiekspan was die ligpunt van die multi-sport byeenkoms vir Suider-Afrika.
Namibië het in die agtste posisie met 29 medaljes geëindig na afloop van die 2018 Afrika-unie Sportraad (AUSC) se Streek 5 Jeugspele vir onder 20's wat van 6 tot 16 Desember in Gaborone, Botswana gehou is.
Die Namibiese span van 152 atlete het in sokker (mans en vroue), atletiek, atletiek vir siggestremdes, boks, basketbal, netbal, swem, judo, vlugbal (mans en vroue) en tennis teen nege ander lande in Suider-Afrika meegeding.
Die span se drie goue medaljes, tien silwer en 16 brons word as 'n ietwat teleurstellende oes bestempel.
Suid-Afrika was die algehele wenner met 145 medaljes waarvan 70 goud was, gevolg deur Angola met 47 medaljes (16 goud), Botswana derde met 69 medaljes (12 goud); Zambië vierde met 26 medaljes (12 goud) en Zimbabwe vyfde met 51 medaljes (nege goud).
Mosambiek was sesde met 22 medaljes (agt goud); Lesotho sewende met 13 medaljes (vier goud); Malawi negende met ses (geen goud) en Swaziland 10de met een bronsmedalje.
Namibiese gestremde atlete het met vyf medaljes (twee goud, een silwer, twee brons) teruggekeer. Immanuel (The Bullet) Bernardo (T11-klas) se twee goue medaljes was in die 100 en 200 m.
SWEM
Namibië het twee silwer- en vyf bronsmedaljes ingepalm. Die vroueswemmers Heleni Stergiadis, Tiana Esslinger, Ju-Ane Oberholzer en Zune Weber het die twee silwermedaljes in die 4x100m vryslag en wisselslagaflos gewen.
BOKS
Namibië se boksers kon min hond haaraf maak.
Net een bokser kon een geveg wen om 'n halfeindronde te haal. Nog twee was outomaties in die semifinaal vanweë die klein getalle. Namibië se oes is drie bronsmedaljes danksy dié drie wat in die semifinaal verloor het.
BASKETBAL
Namibië kon geen wedstryd wen nie. Die kompetisie was taai en veral Angola en Suid-Afrika was gans te sterk. Goeie balbeheer teen Botswana was die enigste ligpunt.
ATLETIEK
Namibië se meeste medaljes is hier gewen. Die veelsydige Natalie Louw beklink goud in die verspring en silwer in die hoogspring.
Chantell du Toit en Sandro Diergaardt wen silwermedaljes in hul verspringitems. Warren Goreb voeg 'n silwer in die 400 hekkies by en Zurial April behaal 'n tweede plek in die 100 hekkies.
In die spiesgooi behaal Bernhardt Wessels en Wilmé Els elkeen 'n silwermedalje.
Afgesien van die een goud en sewe silwers het die atletiekspan ook vier bronsmedaljes ingeoes om die totaal op 12 te staan te bring.
SOKKER
Die nasionale o.20-vroue eindig vierde toe hulle die uitspeelwedstryd vir 'n medalje teen Zimbabwe verloor. Die vroue kon in die finaal betrokke gewees het, maar swak doelwagterwerk het hulle in die steek gelaat toe Botswana verspot maklike doele van die halflyn af behaal het.
• Die mans sokkerspan was pynlik om te aanskou. In drie wedstryde kon hulle geen doel aanteken nie en het sewe afgestaan. Die span wat ten tyde van die Nasionale Jeugspele gekies is, het sedertdien geen voorbereiding vir die AUSC-spele gedoen nie.
JUDO
Dit was Namibië se eerste deelname met 'n judo-span. Juan Johnson wen Namibië se eerste bronsmedalje in die 91 kg-plus manskategorie.
VLUGBAL
Die vlugbalspan het ook sy debuut by dié spele gemaak. Die mans wen 'n bronsmedalje en eindig ná Botswana (wenners) en Suid-Afrika.
Die vrouespan eindig vierde, maar toon baie belofte en karakter. In sekere opsigte het vlugbal 'n goeie voorbeeld vir ander kodes gestel.
NETBAL
Namibië eindig vyfde in 'n groep van sewe spanne. Suid-Afrika beklink die goud, Malawi vat silwer en Zimbabwe brons. Zambië eindig vierde, Lesotho sesde en die gasheer Botswana sewende.
TENNIS
Die tennisspan kon nie medaljes in die enkelspel óf dubbelspel beklink nie.
• Die volgende AUSC Jeugspele is toegeken om in 2020 in Lesotho aangebied te word. - Nampa
Die Namibiese span van 152 atlete het in sokker (mans en vroue), atletiek, atletiek vir siggestremdes, boks, basketbal, netbal, swem, judo, vlugbal (mans en vroue) en tennis teen nege ander lande in Suider-Afrika meegeding.
Die span se drie goue medaljes, tien silwer en 16 brons word as 'n ietwat teleurstellende oes bestempel.
Suid-Afrika was die algehele wenner met 145 medaljes waarvan 70 goud was, gevolg deur Angola met 47 medaljes (16 goud), Botswana derde met 69 medaljes (12 goud); Zambië vierde met 26 medaljes (12 goud) en Zimbabwe vyfde met 51 medaljes (nege goud).
Mosambiek was sesde met 22 medaljes (agt goud); Lesotho sewende met 13 medaljes (vier goud); Malawi negende met ses (geen goud) en Swaziland 10de met een bronsmedalje.
Namibiese gestremde atlete het met vyf medaljes (twee goud, een silwer, twee brons) teruggekeer. Immanuel (The Bullet) Bernardo (T11-klas) se twee goue medaljes was in die 100 en 200 m.
SWEM
Namibië het twee silwer- en vyf bronsmedaljes ingepalm. Die vroueswemmers Heleni Stergiadis, Tiana Esslinger, Ju-Ane Oberholzer en Zune Weber het die twee silwermedaljes in die 4x100m vryslag en wisselslagaflos gewen.
BOKS
Namibië se boksers kon min hond haaraf maak.
Net een bokser kon een geveg wen om 'n halfeindronde te haal. Nog twee was outomaties in die semifinaal vanweë die klein getalle. Namibië se oes is drie bronsmedaljes danksy dié drie wat in die semifinaal verloor het.
BASKETBAL
Namibië kon geen wedstryd wen nie. Die kompetisie was taai en veral Angola en Suid-Afrika was gans te sterk. Goeie balbeheer teen Botswana was die enigste ligpunt.
ATLETIEK
Namibië se meeste medaljes is hier gewen. Die veelsydige Natalie Louw beklink goud in die verspring en silwer in die hoogspring.
Chantell du Toit en Sandro Diergaardt wen silwermedaljes in hul verspringitems. Warren Goreb voeg 'n silwer in die 400 hekkies by en Zurial April behaal 'n tweede plek in die 100 hekkies.
In die spiesgooi behaal Bernhardt Wessels en Wilmé Els elkeen 'n silwermedalje.
Afgesien van die een goud en sewe silwers het die atletiekspan ook vier bronsmedaljes ingeoes om die totaal op 12 te staan te bring.
SOKKER
Die nasionale o.20-vroue eindig vierde toe hulle die uitspeelwedstryd vir 'n medalje teen Zimbabwe verloor. Die vroue kon in die finaal betrokke gewees het, maar swak doelwagterwerk het hulle in die steek gelaat toe Botswana verspot maklike doele van die halflyn af behaal het.
• Die mans sokkerspan was pynlik om te aanskou. In drie wedstryde kon hulle geen doel aanteken nie en het sewe afgestaan. Die span wat ten tyde van die Nasionale Jeugspele gekies is, het sedertdien geen voorbereiding vir die AUSC-spele gedoen nie.
JUDO
Dit was Namibië se eerste deelname met 'n judo-span. Juan Johnson wen Namibië se eerste bronsmedalje in die 91 kg-plus manskategorie.
VLUGBAL
Die vlugbalspan het ook sy debuut by dié spele gemaak. Die mans wen 'n bronsmedalje en eindig ná Botswana (wenners) en Suid-Afrika.
Die vrouespan eindig vierde, maar toon baie belofte en karakter. In sekere opsigte het vlugbal 'n goeie voorbeeld vir ander kodes gestel.
NETBAL
Namibië eindig vyfde in 'n groep van sewe spanne. Suid-Afrika beklink die goud, Malawi vat silwer en Zimbabwe brons. Zambië eindig vierde, Lesotho sesde en die gasheer Botswana sewende.
TENNIS
Die tennisspan kon nie medaljes in die enkelspel óf dubbelspel beklink nie.
• Die volgende AUSC Jeugspele is toegeken om in 2020 in Lesotho aangebied te word. - Nampa
Kommentaar
Republikein
Geen kommentaar is op hierdie artikel gelaat nie