Namibiese dansers in Los Angeles
Octavia Tsibes - Twee jong danseressse het nie net hul skool nie, maar ook hul land trots gemaak.
Shené la Cock, 'n graad 6-leerling, en Elizmi Fourie, 'n graad 10-leerling, het aan die Wêreldkampioenskap van die Uitvoerende Kunste (WCOPA) in Los Angeles in die Verenigde State van Amerika (VSA) deelgeneem. Hulle is beide leerlinge van Windhoek Afrikaanse Privaatskool (WAP).
Dit is baie duur om die geleentheid by te woon, maar Elizmi en Shené het vroegtydig hul planne begin maak. Jare se harde werk was boonop nodig.
"Ek het amper 'n jaar lank vir hierdie kompetisie voorberei en dit het vrugte afgewerp," het Shené gesê. Sy het die WCOPA die afgelope vier jaar bygewoon.
Elizmi dans al vir die afgelope 10 jaar en kon elke keer na Amerika reis, maar dit was haar eerste keer om aan die kampioenskap deel te neem. "Ek het besluit om in die ouderdomsgroep van 16 tot 17 jaar mee te ding omdat dit 'n goeie ouderdomsgroep is om jou talent te toets," het Elizmi verduidelik.
Shené se dansonderwyser by die Anchen Wille Dance Academy het haar die heel eerste keer ingeskryf. "Dit is 'n groot voorreg vir my om nie net my dansskool nie, maar ook my skool te verteenwoordig. Ek het die reis geniet en dit was werklik 'n wonderlike ervaring, "het sy vertel.
Die twee leerlinge het individueel in hul ouderdomsgroepe meegeding, maar moes saam met Suid-Afrika se dansers span in die produksie-item.
Elizmi het twee goue medaljes, 'n brons medalje en die bedryfsmedalje ontvang. Sy het ook die algehele wêreldtrofeetoekenning ingepalm vir spraakmodellering.
Elizmi het 'n twee jaar lange beurs ontvang om die New York Konservatorium vir Dramatiese Kunste by te woon, asook 'n beurs van die Shelley Sondagh CMS Words and Music Publishing House.
Shené het in die moderne dans-afdeling deelgeneem.
Die twee dogters was deel van 'n dansproduksie wat tot in die eindstryd gevorder het. Hiervoor het beide 'n silwer medalje ontvang.
Shené la Cock, 'n graad 6-leerling, en Elizmi Fourie, 'n graad 10-leerling, het aan die Wêreldkampioenskap van die Uitvoerende Kunste (WCOPA) in Los Angeles in die Verenigde State van Amerika (VSA) deelgeneem. Hulle is beide leerlinge van Windhoek Afrikaanse Privaatskool (WAP).
Dit is baie duur om die geleentheid by te woon, maar Elizmi en Shené het vroegtydig hul planne begin maak. Jare se harde werk was boonop nodig.
"Ek het amper 'n jaar lank vir hierdie kompetisie voorberei en dit het vrugte afgewerp," het Shené gesê. Sy het die WCOPA die afgelope vier jaar bygewoon.
Elizmi dans al vir die afgelope 10 jaar en kon elke keer na Amerika reis, maar dit was haar eerste keer om aan die kampioenskap deel te neem. "Ek het besluit om in die ouderdomsgroep van 16 tot 17 jaar mee te ding omdat dit 'n goeie ouderdomsgroep is om jou talent te toets," het Elizmi verduidelik.
Shené se dansonderwyser by die Anchen Wille Dance Academy het haar die heel eerste keer ingeskryf. "Dit is 'n groot voorreg vir my om nie net my dansskool nie, maar ook my skool te verteenwoordig. Ek het die reis geniet en dit was werklik 'n wonderlike ervaring, "het sy vertel.
Die twee leerlinge het individueel in hul ouderdomsgroepe meegeding, maar moes saam met Suid-Afrika se dansers span in die produksie-item.
Elizmi het twee goue medaljes, 'n brons medalje en die bedryfsmedalje ontvang. Sy het ook die algehele wêreldtrofeetoekenning ingepalm vir spraakmodellering.
Elizmi het 'n twee jaar lange beurs ontvang om die New York Konservatorium vir Dramatiese Kunste by te woon, asook 'n beurs van die Shelley Sondagh CMS Words and Music Publishing House.
Shené het in die moderne dans-afdeling deelgeneem.
Die twee dogters was deel van 'n dansproduksie wat tot in die eindstryd gevorder het. Hiervoor het beide 'n silwer medalje ontvang.
Kommentaar
Republikein
Geen kommentaar is op hierdie artikel gelaat nie