Namibiese film binnekort op Netflix
Yandi du Plessis – Die kortfilm Baxu and the Giants sal binnekort die eerste plaaslike film ooit wees wat op Netflix verskyn.
Die film is op 14 September verlede jaar uitgereik en het reeds verskeie internasionale toekennings ingeplam, insluitend die beste buitelandse narratief by die San Francisco Independent Short Film Festival en beste kinematografie by die Kanadese asook Europese Kinematografiese Toekennings.
Volgens die man wat die draaiboek neergepen en in die regisseurstoel gesit het, mnr. Florian Schott, het dié proses ’n groot aandeel in die film se bevordering gehad om op Netflix te verskyn.
“Met die film het ons na verskeie filmfeeste regoor die wêreld gereis waar ons talle regisseurs, verspreiders en agente teëgekom het. By die RapidLion International Film Festival in Johannesburg het my pad gekruis met dié van ’n Suid-Afrikaanse agent. Toe hulle hoor Netflix wil graag hul inhoud na kortfilms uitbrei, het hulle Baxu and the Giants voorgestel. Netflix het dadelik belangstelling in ons film getoon,” vertel Schott uit Duitsland.
“Hierdie dinge vat egter tyd en ons moes eers baie onderhandel. Daar is ook baie tegniese vereistes waaraan ’n film moet voldoen om Netflix se standaarde te haal.”
Volgens Schott is dié ’n wonderlike geleentheid vir die plaaslike bedryf, nie net vir filmmakers nie, maar ook vir die hele rolprentgemeenskap.
“Die feit dat ’n Namibiese film op Netflix verskyn, beteken ons het nou die potensiaal om meer plaaslike films op ’n internasonale vlak te versprei. Ons maak nie nou meer net films vir plaaslike gehore nie, maar moontlik vir gehore regoor die wêreld.”
Die verhaal fokus op die sosiale verandering wat in ’n moderne Namibiese landelike gemeenskap meegebring word deur renosterstropery, soos vertel uit die oogpunt van ’n negejarige meisie. Met dié narratief beoog Baxu and the Giants om bewustheid onder jong gehore, veral kinders en tieners, te skep oor omgewingskwessies soos renosterstropery en om die gesprek aan die gang te hou.
“Ons hoop vele jongmense sal dit te sien kry en dat hulle meer respek vir die natuur en die omgewing daaruit leer,” sê Schott.
Hy sê die spesifieke datum waarop die film op Netflix sal verskyn, is in dié stadium nog nie bekend nie, maar dit sal beslis binne die volgende paar weke wees.
Hy het sy dank uitgespreek aan al die individue en instansies wat die rolprent laat realiseer het. “Dankie aan almal wat deel was van dié mooi reis. Almal wat hul passie en talent gedeel het. Ons sou nie hier wees sonder julle nie.”
- [email protected]
Die film is op 14 September verlede jaar uitgereik en het reeds verskeie internasionale toekennings ingeplam, insluitend die beste buitelandse narratief by die San Francisco Independent Short Film Festival en beste kinematografie by die Kanadese asook Europese Kinematografiese Toekennings.
Volgens die man wat die draaiboek neergepen en in die regisseurstoel gesit het, mnr. Florian Schott, het dié proses ’n groot aandeel in die film se bevordering gehad om op Netflix te verskyn.
“Met die film het ons na verskeie filmfeeste regoor die wêreld gereis waar ons talle regisseurs, verspreiders en agente teëgekom het. By die RapidLion International Film Festival in Johannesburg het my pad gekruis met dié van ’n Suid-Afrikaanse agent. Toe hulle hoor Netflix wil graag hul inhoud na kortfilms uitbrei, het hulle Baxu and the Giants voorgestel. Netflix het dadelik belangstelling in ons film getoon,” vertel Schott uit Duitsland.
“Hierdie dinge vat egter tyd en ons moes eers baie onderhandel. Daar is ook baie tegniese vereistes waaraan ’n film moet voldoen om Netflix se standaarde te haal.”
Volgens Schott is dié ’n wonderlike geleentheid vir die plaaslike bedryf, nie net vir filmmakers nie, maar ook vir die hele rolprentgemeenskap.
“Die feit dat ’n Namibiese film op Netflix verskyn, beteken ons het nou die potensiaal om meer plaaslike films op ’n internasonale vlak te versprei. Ons maak nie nou meer net films vir plaaslike gehore nie, maar moontlik vir gehore regoor die wêreld.”
Die verhaal fokus op die sosiale verandering wat in ’n moderne Namibiese landelike gemeenskap meegebring word deur renosterstropery, soos vertel uit die oogpunt van ’n negejarige meisie. Met dié narratief beoog Baxu and the Giants om bewustheid onder jong gehore, veral kinders en tieners, te skep oor omgewingskwessies soos renosterstropery en om die gesprek aan die gang te hou.
“Ons hoop vele jongmense sal dit te sien kry en dat hulle meer respek vir die natuur en die omgewing daaruit leer,” sê Schott.
Hy sê die spesifieke datum waarop die film op Netflix sal verskyn, is in dié stadium nog nie bekend nie, maar dit sal beslis binne die volgende paar weke wees.
Hy het sy dank uitgespreek aan al die individue en instansies wat die rolprent laat realiseer het. “Dankie aan almal wat deel was van dié mooi reis. Almal wat hul passie en talent gedeel het. Ons sou nie hier wees sonder julle nie.”
- [email protected]
Kommentaar
Republikein
Geen kommentaar is op hierdie artikel gelaat nie