Namibiese fliek versit grense
Die bekroonde The White Line werp lig op apartheid-liefdesverhale wat deel is van Namibië soos ons dit vandag ken.
Die bekroonde Namibiese fliek The White Line is op 13 November in plaaslike teaters bekend gestel. Dié historiese liefdesverhaal speel in 1963 af, kort ná die Ou Lokasie-opstand in 1959.
The White Line word beskryf as 'n “verhaal van hoop en liefde wat blom onder verbode omstandighede”. Ná die Ou Lokasie-opstand wat Suidwes-Afrika geruk het, verander 'n swart huishulp se lewe vir ewig toe sy toevallig 'n Afrikaner-polisiebeampte ontmoet.
Hul onwettige liefde groei met verloop van tyd deur die briewe wat hulle aan mekaar skryf, en behalwe vir hul velkleur, verduur hul verhouding vele ander struikelblokke.
Sylvia Kamutjemo (Girley Charlene Jazama), 'n jong vrou wat as 'n huishulp werk, is swanger en geskei van die liefde van haar lewe deur 'n onsigbare wit lyn wat 'n reeds verdeelde land verder sal verdeel.
Pieter de Wet (Jan-Barend Scheepers) is in konflik gewikkel met sy werksplig, ras en die liefde van sy lewe.
Hulle word gedwing om moeilike keuses te maak wat in die toekoms 'n rimpel-effek sal hê vir hul ongebore kind, Godfried jr. Jare later moet Godfried die stukke van sy ma se verpletterde lewe optel. Hy soek na 'n pa wat hy nooit geken het nie met die hoop om sy ma 'n kans te gee om vrede met haar verlede te maak.
The White Line is 'n meesleurende liefdesverhaal tussen 'n man en vrou wat nie ras raaksien nie en onbewustelik in 'n stryd met die samelewing se standaarde is. Hulle vind vertroosting in liefde in 'n era waar liefde beperk is. Die outentieke Namibiese verhaal wys hoe apartheidswette onder die Suid-Afrikaanse administrasie Namibië voor onafhanklikheid beïnvloed het.
VEREER BY FILMFEESTE
Die fliek is deur Michael Pulse geskryf en Desiree Kahikopo-Meiffret het in die regisseurstoel gesit.
Girley Charlene Jazama, Jan-Barend Scheepers, Sunet van Wyk, Mervin Uahupirapi, Charl Botha, Muhindua Kaura, Vanessa Kamatoto, Joalette de Villiers, Hazel Hinda en Desmond Katamila vertolk die verskeie rolle.
The White Line het sy internasionale première op die 40ste Durbanse Internasionale Filmfees in Julie 2019 gehad en is daarna by verskeie internasionale filmfeeste vertoon, waaronder die Joburg Film Festival, Rwanda Film Festival, Hilton Arts Festival, Africa Venezuela Film Festival en New York African Diaspora International Film Festival, New African Film Festival in Washington DC en die negende Luxor African Film Festival in Egipte, waar dit spesiale erkenning vir die regie ontvang het.
In 2020 is die fliek vertoon tydens die Africlap African Film Festival in Toulouse, Frankryk, en het die Kilimanjaro-toekenning vir die beste rolprent gewen.
Die fliek het ook 'n uitnodiging van die Duits-Namibiese Vereniging in Frankfurt ontvang om tydens hul jaarlikse kultuurgeleentheid vertoon te word.
Die film het ook toekennings vir beste draaiboek, beste nuwe regisseur en die Audience Choice-toekenning by die 2019 Namibiese Teater- en Filmtoekennings ontvang.
Girley Jazama, wat die hoofrol vertolk, het die Golden Sotigui-toekenning by die 2020 Académie des Sotigui-toekennings, asook die toekenning vir die beste Suider-Afrikaanse aktrise ontvang.
Die fliek wys tans in die Ster-Kinekor-teaters in Maerua Mall en by die Atlanta Cinema op Swakopmund. Vanaf 20 November is The White Line ook op die skerms by die Ster-Kinekor-teater in die Grove Mall te sien.
The White Line word beskryf as 'n “verhaal van hoop en liefde wat blom onder verbode omstandighede”. Ná die Ou Lokasie-opstand wat Suidwes-Afrika geruk het, verander 'n swart huishulp se lewe vir ewig toe sy toevallig 'n Afrikaner-polisiebeampte ontmoet.
Hul onwettige liefde groei met verloop van tyd deur die briewe wat hulle aan mekaar skryf, en behalwe vir hul velkleur, verduur hul verhouding vele ander struikelblokke.
Sylvia Kamutjemo (Girley Charlene Jazama), 'n jong vrou wat as 'n huishulp werk, is swanger en geskei van die liefde van haar lewe deur 'n onsigbare wit lyn wat 'n reeds verdeelde land verder sal verdeel.
Pieter de Wet (Jan-Barend Scheepers) is in konflik gewikkel met sy werksplig, ras en die liefde van sy lewe.
Hulle word gedwing om moeilike keuses te maak wat in die toekoms 'n rimpel-effek sal hê vir hul ongebore kind, Godfried jr. Jare later moet Godfried die stukke van sy ma se verpletterde lewe optel. Hy soek na 'n pa wat hy nooit geken het nie met die hoop om sy ma 'n kans te gee om vrede met haar verlede te maak.
The White Line is 'n meesleurende liefdesverhaal tussen 'n man en vrou wat nie ras raaksien nie en onbewustelik in 'n stryd met die samelewing se standaarde is. Hulle vind vertroosting in liefde in 'n era waar liefde beperk is. Die outentieke Namibiese verhaal wys hoe apartheidswette onder die Suid-Afrikaanse administrasie Namibië voor onafhanklikheid beïnvloed het.
VEREER BY FILMFEESTE
Die fliek is deur Michael Pulse geskryf en Desiree Kahikopo-Meiffret het in die regisseurstoel gesit.
Girley Charlene Jazama, Jan-Barend Scheepers, Sunet van Wyk, Mervin Uahupirapi, Charl Botha, Muhindua Kaura, Vanessa Kamatoto, Joalette de Villiers, Hazel Hinda en Desmond Katamila vertolk die verskeie rolle.
The White Line het sy internasionale première op die 40ste Durbanse Internasionale Filmfees in Julie 2019 gehad en is daarna by verskeie internasionale filmfeeste vertoon, waaronder die Joburg Film Festival, Rwanda Film Festival, Hilton Arts Festival, Africa Venezuela Film Festival en New York African Diaspora International Film Festival, New African Film Festival in Washington DC en die negende Luxor African Film Festival in Egipte, waar dit spesiale erkenning vir die regie ontvang het.
In 2020 is die fliek vertoon tydens die Africlap African Film Festival in Toulouse, Frankryk, en het die Kilimanjaro-toekenning vir die beste rolprent gewen.
Die fliek het ook 'n uitnodiging van die Duits-Namibiese Vereniging in Frankfurt ontvang om tydens hul jaarlikse kultuurgeleentheid vertoon te word.
Die film het ook toekennings vir beste draaiboek, beste nuwe regisseur en die Audience Choice-toekenning by die 2019 Namibiese Teater- en Filmtoekennings ontvang.
Girley Jazama, wat die hoofrol vertolk, het die Golden Sotigui-toekenning by die 2020 Académie des Sotigui-toekennings, asook die toekenning vir die beste Suider-Afrikaanse aktrise ontvang.
Die fliek wys tans in die Ster-Kinekor-teaters in Maerua Mall en by die Atlanta Cinema op Swakopmund. Vanaf 20 November is The White Line ook op die skerms by die Ster-Kinekor-teater in die Grove Mall te sien.
Kommentaar
Republikein
Geen kommentaar is op hierdie artikel gelaat nie