Namibiese span reg vir Hongkong
Vir die spelers is hierdie 'n kans om 'n betekenisvolle geldelike deurbraak vir die plaaslike sport te bewerkstellig.
Jessica Botes - Die twaalf spelers wat vir Namibië 'n plek in die Wêreldreeks moet gaan oopspeel, het Sondag na Hongkong vertrek.
In die laaste week het die groep hul finale oefenkamp op Swakopmund afgesluit en het opnuut baie hard gewerk aan alle aspekte – spesiaal die verdediging.
Saterdagaand is die spelersgroep se nasionale uitrusting amptelik aan hulle oorhandig. Corné Powell, oudkaptein van die nasionale sewesspan en deesdae uitvoerende lid van die Namibië Rugby-unie, het die oorhandiging waargeneem.
Powell het die span voorspoed toegewens, ondanks die erkenning dat plaaslike sewesrugby nie dieselfde ondersteuning kry waarop die suksesvolle lande kan reken nie.
“Dit is bietjie van 'n hoender of eier situasie – die vraag of die geldelike steun of die sukses op die veld eerste moet gebeur. Dit is nou in julle hande om die resultate te behaal sodat borge julle nie meer kan miskyk nie.”
Die span se afrigter, Jurie Booysen, het voor die naweek op 'n nuuskonferensie by die Dome in Swakopmund gesê die span het 'n beter kans om nou goed te vaar as wat hulle 'n jaar gelede gehad het.
“Ons het die afgelope drie maande baie tyd aan die ontwikkeling van ons spelers bestee. Hul fiksheid is nou op wêreldstandaard,” het Booysen gesê.
Namibië is een van twaalf spanne wat in die kwalifiserende toernooi meeding om 'n enkele plek vir een land wat bevorder word om by die grotes in die HSBC Wêreldreeks vir 2017-'18 aan te sluit.
Kaptein Nandivatu Karuuombe en sy manne open hul toernooi Vrydag eers teen die gasheerspan, Hongkong, en daarna Chili.
Die volgende oggend wag die laaste groepwedstryd teen Sri Lanka. Dié uitslae sal bepaal in watter uitspeelwedstryde hulle later die dag, asook Sondag betrokke sal wees.
Volgens Booysen staan sy span 'n goeie kans om die knoop deur te haak, omdat rugby anders as in sommige ander lande, so 'n ingebore deel van die land se sport is.
“Namibiërs begin vanaf 'n vroeë ouderdom rugby speel en ons spelers het 'n natuurlike ingesteldheid op rugby van kleins af.
“Ons grootste uitdaging is egter dat daar nie genoeg geldelike ondersteuning is om die spelers op toernooie te stuur nie.
“Dus sal dit ideaal wees as ons 'n plek in die Wêreldreeks kan kry, want dan kan ons spelers voltyds speel en hulle sal dan ook betaal word daarvoor,” het die afrigter gesê.
Op die langer termyn beoog die span om elke jaar aan verskeie toernooie deel te neem en sodoende ook 'n plek in die 2020 Olimpiese Spele oop te speel.
“Hoe meer ons spelers aan toernooie deelneem, hoe meer ondervinding tel hulle op en dit dra uiteindelik daartoe by dat hulle die nodige kennis het om die regte besluite tydens 'n wedstryd te maak,” het Booysen gesê.
Een van die spelers, die 28-jarige Martin Cronjé, het op die nuuskonferensie gesê hul deelname aan die sewesrugbytoernooi beteken baie vir die span. Hongkong is tradisioneel een van die toernooie op die wêreldreeks wat die meeste aandag trek.
“Dit sal die eerste keer wees dat verskeie van ons voor 'n skare van 20 000 mense of meer sal speel.
“Ons sal professionele spelers van ander lande ontmoet, kyk hoe hulle speel en tyd saam met hulle bestee. Ons het nou die geleentheid om ons toekoms te herskryf,” het Cronjé gesê.
Die spelersgroep vir die Hongkong Sewes is Handré Bezuidenhout, Martin Cronjé, Janry du Toit, Ricardo Swartz, Jean (JR) Jacobs, Lloyd Jacobs, Nandivatu Karuuombe (toerkaptein), Helarius (TC) Kisting, Cliven Loubser, Georg Niehaus, Léan Stoop en Shareave Titus.
In die laaste week het die groep hul finale oefenkamp op Swakopmund afgesluit en het opnuut baie hard gewerk aan alle aspekte – spesiaal die verdediging.
Saterdagaand is die spelersgroep se nasionale uitrusting amptelik aan hulle oorhandig. Corné Powell, oudkaptein van die nasionale sewesspan en deesdae uitvoerende lid van die Namibië Rugby-unie, het die oorhandiging waargeneem.
Powell het die span voorspoed toegewens, ondanks die erkenning dat plaaslike sewesrugby nie dieselfde ondersteuning kry waarop die suksesvolle lande kan reken nie.
“Dit is bietjie van 'n hoender of eier situasie – die vraag of die geldelike steun of die sukses op die veld eerste moet gebeur. Dit is nou in julle hande om die resultate te behaal sodat borge julle nie meer kan miskyk nie.”
Die span se afrigter, Jurie Booysen, het voor die naweek op 'n nuuskonferensie by die Dome in Swakopmund gesê die span het 'n beter kans om nou goed te vaar as wat hulle 'n jaar gelede gehad het.
“Ons het die afgelope drie maande baie tyd aan die ontwikkeling van ons spelers bestee. Hul fiksheid is nou op wêreldstandaard,” het Booysen gesê.
Namibië is een van twaalf spanne wat in die kwalifiserende toernooi meeding om 'n enkele plek vir een land wat bevorder word om by die grotes in die HSBC Wêreldreeks vir 2017-'18 aan te sluit.
Kaptein Nandivatu Karuuombe en sy manne open hul toernooi Vrydag eers teen die gasheerspan, Hongkong, en daarna Chili.
Die volgende oggend wag die laaste groepwedstryd teen Sri Lanka. Dié uitslae sal bepaal in watter uitspeelwedstryde hulle later die dag, asook Sondag betrokke sal wees.
Volgens Booysen staan sy span 'n goeie kans om die knoop deur te haak, omdat rugby anders as in sommige ander lande, so 'n ingebore deel van die land se sport is.
“Namibiërs begin vanaf 'n vroeë ouderdom rugby speel en ons spelers het 'n natuurlike ingesteldheid op rugby van kleins af.
“Ons grootste uitdaging is egter dat daar nie genoeg geldelike ondersteuning is om die spelers op toernooie te stuur nie.
“Dus sal dit ideaal wees as ons 'n plek in die Wêreldreeks kan kry, want dan kan ons spelers voltyds speel en hulle sal dan ook betaal word daarvoor,” het die afrigter gesê.
Op die langer termyn beoog die span om elke jaar aan verskeie toernooie deel te neem en sodoende ook 'n plek in die 2020 Olimpiese Spele oop te speel.
“Hoe meer ons spelers aan toernooie deelneem, hoe meer ondervinding tel hulle op en dit dra uiteindelik daartoe by dat hulle die nodige kennis het om die regte besluite tydens 'n wedstryd te maak,” het Booysen gesê.
Een van die spelers, die 28-jarige Martin Cronjé, het op die nuuskonferensie gesê hul deelname aan die sewesrugbytoernooi beteken baie vir die span. Hongkong is tradisioneel een van die toernooie op die wêreldreeks wat die meeste aandag trek.
“Dit sal die eerste keer wees dat verskeie van ons voor 'n skare van 20 000 mense of meer sal speel.
“Ons sal professionele spelers van ander lande ontmoet, kyk hoe hulle speel en tyd saam met hulle bestee. Ons het nou die geleentheid om ons toekoms te herskryf,” het Cronjé gesê.
Die spelersgroep vir die Hongkong Sewes is Handré Bezuidenhout, Martin Cronjé, Janry du Toit, Ricardo Swartz, Jean (JR) Jacobs, Lloyd Jacobs, Nandivatu Karuuombe (toerkaptein), Helarius (TC) Kisting, Cliven Loubser, Georg Niehaus, Léan Stoop en Shareave Titus.
Kommentaar
Republikein
Geen kommentaar is op hierdie artikel gelaat nie