Namibiese 'trolle' ontstel Indongo
Die bokser sê die jeug kyk met aandag hoe die land se sporthelde behandel word.
Veilig terug op eie bodem het die Namibiese bokser Julius Indongo gisteroggend gesê hy is vasberade om hom weer in die topgeselskap te vestig, ná sy teleurstellende nederlaag teen Terence Craford laas naweek in die Amerikaner se tuiswerf Lincoln, Nebraska.
Indongo het erken dat hy geraak is deur die beledigende trant wat hy op sosiale media ondervind het in die kommentaar op die uitklophou waarmee Crawford die geveg in die derde ronde beëindig het.
Crawford het daarmee die eerste onbetwiste wêreldkampioen in meer as 'n dekade in enige gewigsklas geword as houer van al vier die groot beheerliggame se gordels.
Talle ondersteuners van die Namibiër, wat sy WBA- en IBF-titels verloor het, fokus egter op hul man se swak punte wat so wreed ontbloot is, eerder as om aan die Amerikaner krediet as een van die pond-vir-pond beste boksers op die planeet is.
“Ons moet mekaar ondersteun en opbou en nie mekaar afbreek nie. Hoe moedig ons ontluikende jong Namibiese atlete aan as ons hul rolmodelle só op sosiale media verguis?” het Indongo gesê. Hy het gesê hy krap kop om te verstaan hoekom sy eie mense hom so slegsê.
Die Namibiër se promotor Nestor Tobias sê: “Indongo se twee-en-twintig oorwinnings op 'n streep is skielik vergete en dit is nie reg nie. Hy het teen 'n beter vegter verloor, wat met 'n uitstekende lyfhou vorendag gekom het wat Indongo geskud het. Só 'n hou gebeur nie aldag nie.”
Volgens Tobias sal nou herbesin word oor die bokser se volgende skuif in die beroepsarena.
“Indongo is steeds hoog aangeskryf en sal weer vorentoe goeie kanse kan kry. Hy het ons land op die wêreldkaart geplaas by mense wat nie eens weet ons bestaan, of dat ons wêreldkampioen boksers kan oplewer nie.”
Een van die wêreld se ware elite boksers, die Oekraïne se Vasyl Lomachenko, het ná die geveg getwiet: “Duime op vir Indongo, wat nie bang was om 'n ware wêreldkampioen op eie bodem te takel het – nie soos die gordelhouers in my gewigsklas wat wye draaie om my loop nie.” - Nampa
Indongo het erken dat hy geraak is deur die beledigende trant wat hy op sosiale media ondervind het in die kommentaar op die uitklophou waarmee Crawford die geveg in die derde ronde beëindig het.
Crawford het daarmee die eerste onbetwiste wêreldkampioen in meer as 'n dekade in enige gewigsklas geword as houer van al vier die groot beheerliggame se gordels.
Talle ondersteuners van die Namibiër, wat sy WBA- en IBF-titels verloor het, fokus egter op hul man se swak punte wat so wreed ontbloot is, eerder as om aan die Amerikaner krediet as een van die pond-vir-pond beste boksers op die planeet is.
“Ons moet mekaar ondersteun en opbou en nie mekaar afbreek nie. Hoe moedig ons ontluikende jong Namibiese atlete aan as ons hul rolmodelle só op sosiale media verguis?” het Indongo gesê. Hy het gesê hy krap kop om te verstaan hoekom sy eie mense hom so slegsê.
Die Namibiër se promotor Nestor Tobias sê: “Indongo se twee-en-twintig oorwinnings op 'n streep is skielik vergete en dit is nie reg nie. Hy het teen 'n beter vegter verloor, wat met 'n uitstekende lyfhou vorendag gekom het wat Indongo geskud het. Só 'n hou gebeur nie aldag nie.”
Volgens Tobias sal nou herbesin word oor die bokser se volgende skuif in die beroepsarena.
“Indongo is steeds hoog aangeskryf en sal weer vorentoe goeie kanse kan kry. Hy het ons land op die wêreldkaart geplaas by mense wat nie eens weet ons bestaan, of dat ons wêreldkampioen boksers kan oplewer nie.”
Een van die wêreld se ware elite boksers, die Oekraïne se Vasyl Lomachenko, het ná die geveg getwiet: “Duime op vir Indongo, wat nie bang was om 'n ware wêreldkampioen op eie bodem te takel het – nie soos die gordelhouers in my gewigsklas wat wye draaie om my loop nie.” - Nampa
Kommentaar
Republikein
Geen kommentaar is op hierdie artikel gelaat nie