Namibiër is Mej. Duitsland

’n Namibiese plaasmeisie, Leonie von Hase, is Saterdagaand in Europa Park as Mej. Duitsland gekroon. Boonop is sy op 35-jarige ouderdom die oudste skoonheid wat al ooit die Mej. Duitsland-kroon dra. Leonie is in Windhoek gebore en het op die plaas Jena naby Uhlenhorst grootgeword. Sy het as Mej. Schleswig-Holstein stof in die oë van 15 ander Duitse deelnemers geskop en is die jongste dogter van Raimar en Heidi von Hase. Raimar is welbekend in die Swakara-pelsbedryf en Heidi vir haar betrokkenheid by die bemagtigingsinisiatief Anin Embroidery by Hoachanas. Foto dpa