Namibiër spring vir musiekvideo

Jezelle, die oud-Namibiër en musikant wat bekend is vir haar treffers soos “Suidwes” en “Vir ons mense”, was onlangs weer in Namibië. Dié keer om uit 'n vliegtuig te spring as deel van 'n opname vir haar nuwe musiekvideo genaamd “Lig jou voete op”. In die video sing sy terwyl sy valskerm spring. Jezelle het tydens haar besoek aan Swakopmund die afgelope naweek haar sprong van 'n hoogte van 12 000 voet af regstreeks op Facebook uitgesaai. Sy het ook onlangs 'n nuwe enkelsnit getiteld “Plekkie in die son” vrygestel. FOTO FACEBOOK