Namises nog nie amptelik ingehuldig
Volgens die Damara-koningsraad moet die raad 'n verkiesingsverslag eers bestudeer voor goedkeuring aan die proses verleen kan word.
Maria Eiseb
Me. Rosa Namises, wat onlangs by die Daan Viljoen-wildtuin tot leier van die |Khomanin-groep verkies is, is nog nie amptelik ingehuldig nie.
Volgens mnr. Abner Xoagub, sekretaris-generaal en woordvoerder van die Damara-koningsraad, was die raad na die verkiesing genooi, maar nie om aan die verkiesing deel te neem nie.
“Ons was net daar om die proses waar te neem,” het Xoagub gesê.
Volgens hom moet 'n formele uitnodiging aan die raad uitgereik word wat 'n verslag oor die verkiesing insluit, wat uiteensit wie genomineer is en hoe die proses gaan verloop. Die raad moet die verslag dan bestudeer, en indien hulle daarmee tevrede is, sal hulle die proses goedkeur, het hy gesê.
Namises het gesê sy het die leierskapsposisie aanvaar omdat sy die eerste leier sal wees wat deur die |Khomanin-groep self verkies is.
In die verlede het die groep nie die geleentheid gehad om hul eie leier te kies nie, het sy gesê.
INHEEMSE REG
“Hulle moet die verantwoordelikheid hê en om self te besluit wie hulle wil hê,” het sy gesê.
Volgens inheemse reg wat in 1999 opgestel is, moet 'n opvolger binne 21 dae verwkies word ná die vorige leier die posisie vakant gelaat het.
'n Bloedlynaanstelling is hiervolgens nie aanvaarbaar nie, het sy bygevoeg.
Mnr. Hannes Jacobs, lid van die |Khomanin-groep, het gesê Namises se aanstelling is die eerste keer dat hulle hul leier self kies.
Jacobs het gesê Namises is volgens die |Khomanin-groep se inheemse reg verkies en hulle is bewus daarvan dat bloedlynaanstellings nie gedoen mag word nie.
“Namises weet wat die volk van haar verwag en sy verstaan wat haar mandaat as opperhoof is. 'n Leier kan nie die volk in verwarring lei nie,” het hy gesê.
“Dit is nie 'n politieke saak nie, maar 'n tradisionele saak,” het hy gesê.
“Ons is vol lof vir haar en hoop die nuwe leier sal ons van armoede en die grondkwessie red,” het Jacobs gesê.
Me. Claudia Thanises, |Khomanin-lid, het bevestig die aanstelling was nie 'n familie- of bloedlynaanstelling nie, maar “die volk het hierdie keer self hul leier gekies”.
Namises sê sy is gereed vir die taak wat voorlê en verstaan wat die groep van haar verwag.
“Ek wil die vroue ook oplei om vir hul regte te veg,” het sy gesê.
Sy het gevra kritici moet die |Khomanin-groep die geleentheid gee om deur 'n selfverkose leier gelei te word. Volgens Xoagub sal die nuwe leier amptelik ingehuldig word sodra bevind is dié leier voldoen aan die raad se vereistes.
Me. Rosa Namises, wat onlangs by die Daan Viljoen-wildtuin tot leier van die |Khomanin-groep verkies is, is nog nie amptelik ingehuldig nie.
Volgens mnr. Abner Xoagub, sekretaris-generaal en woordvoerder van die Damara-koningsraad, was die raad na die verkiesing genooi, maar nie om aan die verkiesing deel te neem nie.
“Ons was net daar om die proses waar te neem,” het Xoagub gesê.
Volgens hom moet 'n formele uitnodiging aan die raad uitgereik word wat 'n verslag oor die verkiesing insluit, wat uiteensit wie genomineer is en hoe die proses gaan verloop. Die raad moet die verslag dan bestudeer, en indien hulle daarmee tevrede is, sal hulle die proses goedkeur, het hy gesê.
Namises het gesê sy het die leierskapsposisie aanvaar omdat sy die eerste leier sal wees wat deur die |Khomanin-groep self verkies is.
In die verlede het die groep nie die geleentheid gehad om hul eie leier te kies nie, het sy gesê.
INHEEMSE REG
“Hulle moet die verantwoordelikheid hê en om self te besluit wie hulle wil hê,” het sy gesê.
Volgens inheemse reg wat in 1999 opgestel is, moet 'n opvolger binne 21 dae verwkies word ná die vorige leier die posisie vakant gelaat het.
'n Bloedlynaanstelling is hiervolgens nie aanvaarbaar nie, het sy bygevoeg.
Mnr. Hannes Jacobs, lid van die |Khomanin-groep, het gesê Namises se aanstelling is die eerste keer dat hulle hul leier self kies.
Jacobs het gesê Namises is volgens die |Khomanin-groep se inheemse reg verkies en hulle is bewus daarvan dat bloedlynaanstellings nie gedoen mag word nie.
“Namises weet wat die volk van haar verwag en sy verstaan wat haar mandaat as opperhoof is. 'n Leier kan nie die volk in verwarring lei nie,” het hy gesê.
“Dit is nie 'n politieke saak nie, maar 'n tradisionele saak,” het hy gesê.
“Ons is vol lof vir haar en hoop die nuwe leier sal ons van armoede en die grondkwessie red,” het Jacobs gesê.
Me. Claudia Thanises, |Khomanin-lid, het bevestig die aanstelling was nie 'n familie- of bloedlynaanstelling nie, maar “die volk het hierdie keer self hul leier gekies”.
Namises sê sy is gereed vir die taak wat voorlê en verstaan wat die groep van haar verwag.
“Ek wil die vroue ook oplei om vir hul regte te veg,” het sy gesê.
Sy het gevra kritici moet die |Khomanin-groep die geleentheid gee om deur 'n selfverkose leier gelei te word. Volgens Xoagub sal die nuwe leier amptelik ingehuldig word sodra bevind is dié leier voldoen aan die raad se vereistes.
Kommentaar
Republikein
Geen kommentaar is op hierdie artikel gelaat nie