Nauyoma uit op borgtog van N$500

Die Regstellende Herposisioneringsbeweging (AR) se aktivis mnr. Dimbulu­keni Nauyoma, wat Vrydag met die Windhoekse stadspolisie in ­Okuryangava slaags geraak het oor beweerde onwettige uitsettings, is gister op borgtog van N$500 vrygelaat. Hy het laat gistermiddag in die Windhoekse landdroshof in ­Katutura verskyn en is vrygelaat op voorwaarde dat hy nie met die polisie­ondersoek ­inmeng nie. Nauyoma, wat inwendige beserings soos gebreekte ­ribbes ná sy inhegtenisneming opgedoen het, het ná sy hofverskyning na 'n plaaslike hospitaal teruggekeer. Op die foto is AR-leiers mnre. Job Amupanda (regs) en George Kambala (middel), saam met Nauyoma se regsverteenwoordiger, mnr. ­Kadhila ­Amoomo. FOTO JEMIMA BEUKES