Nege sterftes, 164 nuwe gevalle

Die Covid-sterftes styg met nege tot 3 755. Een van die gevalle was ten volle met die Johnson & Johnson-entstof ingeënt. Gister is 164 nuwe aangemeld, 'n positiwiteitskoers van 16,5%. Die meeste gevalle is in die Omusatistreek aangeteken (55), gevolg deur Khomas met 29. Die nuwe gevalle sluit 18 leerlinge, twee studente en een onderwyser in. Volgens die minister van gesondheid en maatskaplike ontwikkeling is 74,4% van die gevalle nie ingeënt nie. Tans is daar 10 777 aktiewe gevalle waarvan 407 in die hospitaal en 29 in die ICU is. Vier in die hospitaal het een dosis entstof ontvang, 35 is ten volle ingeënt, terwyl 90,4% (368) van die gevalle nie ingeënt is nie. Uit die 29 gevalle in die ICU het een geval een dosis entstof ontvang, twee is ten volle ingeënt en 89,7% (26) is nie ingeënt nie.
Tot op hede het 410 426 mense in die land een dosis entstof ontvang, terwyl 347 450 ten volle ingeënt is.