Net gewone griep, sê minister
Die H1N1-stam is deel van seisoenale entstowwe teen griep wat in Namibië beskikbaar is.
Namibië ervaar tans nié 'n uitbreking van die H1N1-griepvirus nie.
Volgens die minister van gesondheid en maatskaplike dienste, dr. Bernard Haufiku, word ook nie meer na dié stam as varkgriep verwys nie.
“A(H1N1)pdm09 is nou 'n seisoenale griepvirus wat die afgelope nege jaar wêreldwyd, suidelike Afrika ingesluit, sirkuleer. Daar word nie meer daarna as varkgriep verwys nie, maar wel as A(H1N1)pdm09,” het hy tydens 'n mediakonferensie in Windhoek gesê.
Volgens Haufiku sirkuleer en verander griepverwante virusse met tyd. Wanneer nuwe stamme na vore kom, is daar volgens hom die waarskynlikheid van uitbrekings en pandemies.
“Wanneer die stamme oor 'n tydperk deel van die sirkulerende seisoenale griepvirusse raak, veroorsaak dit normaalweg nie meer uitbrekings en pandemies nie,” het hy verduidelik.
Die A(H1N1)pdm09-griepvirus het oorspronklik in 2009 as 'n opkomende stam na vore gekom en 'n pandemie veroorsaak, wat gevalle in Namibië ingesluit het.
Volgens Haufiku is dié stam ingesluit in die seisoenale griepentstof wat in Namibië beskikbaar is. Tot dusver is 16 laboratoriumbevestigde gevalle van H1N1 in die land aangeteken en het dit twee lewens geëis.
“Gevalle bereik tydens die winterseisoen 'n hoogtepunt en die verwagting is nóg mense sal griep weens dié spesifieke stam kry.”
Simptome sluit 'n koors hoër as 38oC, hoes, keelseer, 'n loop- of toe neus, lyfseer, kopseer, moegheid en diarree in.
Volgens Haufiku word H1N1 hoofsaaklik deur hoes en nies of direkte kontak met 'n oppervlakte oorgedra wat in aanraking met besmette druppels was.
Hoërisikogroepe sluit kinders onder die ouderdom van vyf jaar, bejaardes ouer as 65, swanger vroue, sowel as mense met 'n verswakte immuunstelsel, soos MIV-lyers en TB-pasiënte, in.
Voorkomingsmaatreëls sluit in immunisering teen griep, die gereelde was van hande en om kontak met jou oë, neus en mond te vermy.
“Omdat ons in die griepseisoen is, sal daar na verwagting meer griepgevalle wees. Die siekte is ook selfbeperkend, wat beteken dit woed self uit.”
Met verwysing na hepatitis E het die minister gesê die eerste uitbreking is op 14 Desember verlede jaar in Windhoek verklaar.
Sedertdien is sporadiese gevalle oraloor die land aangeteken, met die mees onlangse gevalle in die Omusati- en Erongostreek.
Volgens Haufiku word die uitgebreide verspreiding van die siekte na ander dele van die land veroorsaak deur gevalle uit die episentrum (Havana- en Goreangab- informele nedersetting in Windhoek) wat na ander dele van die land reis en die besmetting na hoërisikobevolkings versprei.
Die grootste bydraende faktore tot die verspreiding van die siekte sluit volgens die minister swak sanitasie en higiëne in, sowel as inwoners wat in die veld ontlas.
Volgens Haufiku is die verniel en steel van waterpunte en toilette egter reusestruikelblokke wat die doeltreffende inperking van die siekte in die hoofstad kniehalter.
Die hoogste voorkoms van die siekte is steeds in die Khomasstreek met 1 695 gevalle wat tot dusver aangemeld is. Vyftien mense is in dié streek aan die siekte dood.
In Omusati is 85 gevalle aangeteken en het twee mense aan die siekte gesterf.
In die Erongostreek staan die syfer op 73, in Otjozondjupa op vyf, in Ohangwena op drie, in Oshana en Hardap onderskeidelik op twee elk en een geval in die Oshikoto- en ||Kharasstreek elk.
Vir die hele land is die totaal 1 867 gevalle en 17 sterftes.
Weerlose groepe vir hepatitis E sluit swanger vroue en inwoners met 'n verswakte immuunstelsel in.
Haufiku het inwoners gemaan om persoonlike higiëne toe te pas, drinkwater te kook en hul omgewing skoon te hou.
Hy het voorts 'n beroep op inwoners in geraakte gemeenskappe gedoen om hulle van die vandalisme van water- en toiletgeriewe te weerhou en diegene te rapporteer wat hulle daaraan skuldig maak.
Volgens die minister van gesondheid en maatskaplike dienste, dr. Bernard Haufiku, word ook nie meer na dié stam as varkgriep verwys nie.
“A(H1N1)pdm09 is nou 'n seisoenale griepvirus wat die afgelope nege jaar wêreldwyd, suidelike Afrika ingesluit, sirkuleer. Daar word nie meer daarna as varkgriep verwys nie, maar wel as A(H1N1)pdm09,” het hy tydens 'n mediakonferensie in Windhoek gesê.
Volgens Haufiku sirkuleer en verander griepverwante virusse met tyd. Wanneer nuwe stamme na vore kom, is daar volgens hom die waarskynlikheid van uitbrekings en pandemies.
“Wanneer die stamme oor 'n tydperk deel van die sirkulerende seisoenale griepvirusse raak, veroorsaak dit normaalweg nie meer uitbrekings en pandemies nie,” het hy verduidelik.
Die A(H1N1)pdm09-griepvirus het oorspronklik in 2009 as 'n opkomende stam na vore gekom en 'n pandemie veroorsaak, wat gevalle in Namibië ingesluit het.
Volgens Haufiku is dié stam ingesluit in die seisoenale griepentstof wat in Namibië beskikbaar is. Tot dusver is 16 laboratoriumbevestigde gevalle van H1N1 in die land aangeteken en het dit twee lewens geëis.
“Gevalle bereik tydens die winterseisoen 'n hoogtepunt en die verwagting is nóg mense sal griep weens dié spesifieke stam kry.”
Simptome sluit 'n koors hoër as 38oC, hoes, keelseer, 'n loop- of toe neus, lyfseer, kopseer, moegheid en diarree in.
Volgens Haufiku word H1N1 hoofsaaklik deur hoes en nies of direkte kontak met 'n oppervlakte oorgedra wat in aanraking met besmette druppels was.
Hoërisikogroepe sluit kinders onder die ouderdom van vyf jaar, bejaardes ouer as 65, swanger vroue, sowel as mense met 'n verswakte immuunstelsel, soos MIV-lyers en TB-pasiënte, in.
Voorkomingsmaatreëls sluit in immunisering teen griep, die gereelde was van hande en om kontak met jou oë, neus en mond te vermy.
“Omdat ons in die griepseisoen is, sal daar na verwagting meer griepgevalle wees. Die siekte is ook selfbeperkend, wat beteken dit woed self uit.”
Met verwysing na hepatitis E het die minister gesê die eerste uitbreking is op 14 Desember verlede jaar in Windhoek verklaar.
Sedertdien is sporadiese gevalle oraloor die land aangeteken, met die mees onlangse gevalle in die Omusati- en Erongostreek.
Volgens Haufiku word die uitgebreide verspreiding van die siekte na ander dele van die land veroorsaak deur gevalle uit die episentrum (Havana- en Goreangab- informele nedersetting in Windhoek) wat na ander dele van die land reis en die besmetting na hoërisikobevolkings versprei.
Die grootste bydraende faktore tot die verspreiding van die siekte sluit volgens die minister swak sanitasie en higiëne in, sowel as inwoners wat in die veld ontlas.
Volgens Haufiku is die verniel en steel van waterpunte en toilette egter reusestruikelblokke wat die doeltreffende inperking van die siekte in die hoofstad kniehalter.
Die hoogste voorkoms van die siekte is steeds in die Khomasstreek met 1 695 gevalle wat tot dusver aangemeld is. Vyftien mense is in dié streek aan die siekte dood.
In Omusati is 85 gevalle aangeteken en het twee mense aan die siekte gesterf.
In die Erongostreek staan die syfer op 73, in Otjozondjupa op vyf, in Ohangwena op drie, in Oshana en Hardap onderskeidelik op twee elk en een geval in die Oshikoto- en ||Kharasstreek elk.
Vir die hele land is die totaal 1 867 gevalle en 17 sterftes.
Weerlose groepe vir hepatitis E sluit swanger vroue en inwoners met 'n verswakte immuunstelsel in.
Haufiku het inwoners gemaan om persoonlike higiëne toe te pas, drinkwater te kook en hul omgewing skoon te hou.
Hy het voorts 'n beroep op inwoners in geraakte gemeenskappe gedoen om hulle van die vandalisme van water- en toiletgeriewe te weerhou en diegene te rapporteer wat hulle daaraan skuldig maak.
Kommentaar
Republikein
Geen kommentaar is op hierdie artikel gelaat nie