Noag se ark?

PEET VENTER (SNR) SKRYF:Dit is al meer as ses maande vandat Covid-19 sy doodsmantel soos 'n donker skaduwee oor die aarde begin sleep het.Oor berg en dal, woestyn en oseaan – niks keer dit nie.Ons is almal onverhoeds betrap. Sy wat gebukkend 'n pot mahangu-pap op die vuur omroer, of jý wat met jou poon oor die ysige vlaktes van Tibet gallop – of dalk jý met net 'n deurtrekker aan, wat in 'n Chinese nagklub 'n paaldans voor mans se lustige oë uitvoer. Makisaki. Almal lééf; ons ook. Totdat . . .'n Kalêmitti is 'n calamity, veral as dit so erg globaal raak soos nou. Net hier skuins agtertoe lê tsoenamies en bosbrande en knaende drôgtês in Namaland. Al hierdie treurige negatiewe gebeurtenisse word met angs, hulpeloosheid en baie trane begroet. Altyd so onverwags – sonder waarskuwing.Nou behoort Christene hul gedagtes terug te dwing tot by die Noag-sage. (Julle ouens met voosgeleesde Bybels kan gerus gaan loer in die boek van Matous 24:36-44.) Dit is nóú rêrig meer dringend as ooit tevore. Toe het die mense net gejôl en gejôl - soos nou in 2020. Daar was gewika en geküska en geprosit tot in die laatnagure.Noag se arkbouery, waarskuwings en teregwysings het op dowe ore geval en was in die media afgemaak as fopnuus. Op toentertyd se Watse Apies is baie grappies oor die Arkmannetjie gemaak, wat sy grôôt skuit op sy plaas in die Khomas Hochland aan't boue was.En toe, heel onverwags, kom die groot sjôr vir veertig dae en veertig nagte. Dit was 'n anderster reën; verder as net tot by Aroab in die Suide en tot doer oor die Knersvlakte van Namakwaland. Selfs Na'ankusé se Save the Rhino Trust het Noag gehelp dat twee reuse stoothorings en twee slurpiediere ook akkommodasie in die skuit kon kry.Maar die regering van toet kon die hemele en fonteine nie lôkdown nie – net reën en nog reën. Soos nóú, het die hele mensdom begin pênniek. Maar oplaas het die hele Skepping tot versype en drywe gekom.Nou vir eers alle grappies op 'n stokkie.Een woordjie in die Bybel, net die een, laat my regop sit. Dit pla my, maar tog kom steek die woordjie bekeer brandend in my gemoed vas.God van die Bybel, help tog asseblief! Dit is 'n rooivlagwoordjie, want dit word meer as 140 keer in die Bybel genoem. Dit is deur die eeue duidelik dat God ontevrede was/is met Sy kinders se leefstyl van goddeloosheid. Bekeer jou – ja, jý-jý-jý!Hou op! Kry end! Stop dit! Draai om!Dit is 'n sterk, persoonlike opdrag van God aan iedere Christen om elkeen sy/haar eie lewe in orde te kry.Meer as Covid-19 wag vir ons almal.

Noag se ark?

Kommentaar

Republikein 2025-04-18

Meld asseblief aan om kommentaar te lewer

Noag se ark?

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie