Noodsein
Riglyne is saamgestel om wêreldlugvervoer op ’n veilige en volhoubare wyse weer aan die gang te kry.
Ronelle Rademeyer - Foto’s en video’s in die hoofstroom- en sosiale media van verlate internasionale lughawens en rye en rye vliegtuig op pad na nêrens, verbeeld selfs méér nog as die verlate hoofstrate van wêreldstede die impak van die Covid-19-pandemie.
Die ekonomiese turbulensie waarin die wêreld se lugrederye weens inperkingsmaatreëls en die verbod op internasionale vlugte gedompel is, lei tot daaglikse verlies van US$230 miljoen vir dié bedryf.
Wêreldlugverkeer het in April feitlik geheel en al tot stilstand gekom, met net 5 persent van die normale aantal vlugte wat onderneem is.
Die Internasionale Lugvervoervereniging (IATA) sê in ’n verklaring die inkomsteverlies van die lugvervoerbedryf sal in 2020 na raming US$84,3 miljard beloop.
Rederye se inkomste sal met 50% val van US$838 miljard in 2019, tot US$419 miljard in 2020. Dit is 3,2% méér as tydens die wêreldwye finansiële krisis in 2007-’08, sê Iata.
Daarbenewens sal passasiersgetalle met sowat 50% daal tot 2,25 miljard in 2020.
Die werksverliese wat daaruit voortspruit, sal eweneens enorm wees en die verwagting is dat 25 miljoen werksgeleenthede in gedrang is.
Nagenoeg 65,5 miljoen mense steun op wêreldlugvaart vir ’n inkomste. Dit sluit mense in die reis- en toerismebedryf in, wat vir die grootste deel van hulle inkomste op buitelandse toerisme staatmaak, sê IATA.
Mnr. Alexandre de Juniac, direkteur-generaal en uitvoerende hoof van IATA, sê 2020 sal opgeteken staan as die donkerste jaar ooit in die geskiedenis van lugvaart.
Hy sê omdat 2,2 miljard minder passasiers vanjaar van lugvervoer gebruik sal maak, en die verlies per passasier op US$37,34 bereken word, kán rederye nie sonder finansiële hulp van regerings oorleef nie.
Een ligpunt, sê hy, is die inkomste uit vragvervoer wat na verwagting sal styg van US$102,4 miljard in 2019, tot US$110,8 miljard in 2020.
“Die ergste is waarskynlik agter ons, mits daar nie ’n tweede en meer verwoestende golf van Covid-19-gevalle aangemeld word nie. Die sleutel vir ons herstel is die universele implementering van die hervattingsriglyne vir lugvaart wat deur die Internasionale Burgerlugvaartorganisasie (ICAO) vir die veiligheid van passasiers en bemanningslede ontwikkel is,” sê De Juniac.
Hy sê met die hulp van doeltreffende kontakopsporing, behoort hierdie maatreëls vir regerings die gemoedsrus te gee om grense oop te stel sonder om reisigers onder kwarantyn te plaas.
Volgens De Juniac is dit belangrik vir ekonomiese herstel aangesien 10% van die wêreld se bruto binnelandse produk (BBP) van toerisme afkomstig is. Voor internasionale lugvervoer nie ongehinderd kan plaasvind nie, sal mense nie reise na ander lande onderneem nie.
“Om mense weer veilig te laat vlieg, sal ’n kragtige ekonomiese inspuiting bewerkstellig,” meen hy.
TAAKSPAN SE RIGLYNE
Die riglyne vir hoe te werk gegaan moet word om passasiers en bemanningslede te beskerm as grense vir lugreise oopgestel word, is deur ’n lugvaartherstel-taakspan van ICAO ontwikkel.
Dit is gedoen ná konsultasies met die Wêreldgesondheidsorganisasie (WHO), die lugvaartbedryf en ander belanghebbendes.
Volgens die voorsitter van die taakspan, mnr. Philippe Bertoux, is die doel daarvan om die nasionale-, streek- en bedryfspesifieke Covid-19-herstelplanne aan te vul en nie om dit te vervang nie.
“Dit is daarop gemik om wêreldlugvervoer op ’n veilige en volhoubare wyse weer aan die gang te kry,” sê hy.
“Om suksesvol te wees, moet ons ’n veelvoudige en veral risikogebaseerde benadering volg. Maatreëls sal bygevoeg of verwyder word gegrond op die talle mediese en ander faktore wat ’n rol speel.”
Die riglyne word uitgestippel met inagneming van die vyf fases van lugvervoer – van die minimum aantal internasionale passasiersgetalle tans tot by die punt tot waar “spesifieke en doeltreffende farmaseutiese ingrypings” geredelik in die meeste lande beskikbaar is.
Verder gee die riglyne aandag aan die situasie by lughawens, hoe passasiers aan boord gaan en die reis in die vliegtuig self.
Wanneer passasiers aan boord gaan, sal dit so geskied dat hulle nie dig teen mekaar beweeg of aan mekaar raak nie. Indien vliegtuie nie vol is nie, sal sitplekke tussen passasiers oopgelaat word.
Beweging tydens die vlug sal ook beperk word deurdat passasiers met so min as moontlik kajuitbagasie moet reis, voor hulle plaas neem boeke, tydskrifte en koerante uit hul bagasie te haal en ’n afskaling van belastingvrye verkope op vlugte.
Op kort vlugte sal die bediening van kos en drankies gestaak of beperk word, of dit sal in geseëlde houers bedien word.
Verder word ook voorgestel een toilet moet vir die gebruik van bemanningslede gereserveer word, terwyl passasiers die ander toilet(te) gebruik om die beweging van passasiers tydens die vlug minder te maak.
De Juniac het intussen gesê Iata steun op regerings om hierdie aanbevelings so vining as moontlik te implementeer, “want die wêreld wil weer reis en het lugrederye nodig om ’n sleutelrol in die ekonomiese herstel te vertolk”.
“Hierdie maatreëls behoort passasiers en bemanningslede die vertroue te gee om weer te vlieg. Ons is verbind daartoe om saam met ons vennote te werk om voortdurend maatreëls te verbeter soos die mediese wetenskap, tegnologie en die pandemie vorder,” sê De Juniac.
Die liggaam wat lughawens verteenwoordig, ACI World, het ook die riglyne verwelkom.
“ACI World besef daar is tans nie een enkele maatreël wat al die risiko’s verbonde aan die hervatting van lugverkeer uitskakel nie, en stem saam die harmonisering van die prosesse en prosedures bied die mees doeltreffende wyse waarop die risiko’s met die noodsaaklikheid daarvan om ekonomieë te ontsluit, in balans gebring kan word,” het dié liggaam in ’n verklaring gesê.
Een ding is duidelik: Buitelandse reise sal ingewikkelder word. En om aan te meld en aan boord te gaan, sal meer tyd in beslag neem.
Die rye by immigrasie sal langer word omdat mense aan intensiewe gesondheidskontrole voor vlugte onderwerp sal word, wat selfs kitstoetse vir Covid-19 kan insluit.
Die Midde-Oosterse lugredery Emirates het dit reeds by sy basis in Dubai ingestel. ’n Soort immuniteitsertifikaat sal dalk ’n vereiste vir sowel uitwaartse as inwaartse reis word. Dit sal aan ’n indringende nasporingstelsel in digitale formaat gekoppel moet word, het Finweek onlangs berig.
Die nuwe normaal gaan reis meer stresvol maak, maar sonder lugvervoer en toerisme sal ekonomieë nie kan herstel nie, sê die lugvaartbedryf.
Die ekonomiese turbulensie waarin die wêreld se lugrederye weens inperkingsmaatreëls en die verbod op internasionale vlugte gedompel is, lei tot daaglikse verlies van US$230 miljoen vir dié bedryf.
Wêreldlugverkeer het in April feitlik geheel en al tot stilstand gekom, met net 5 persent van die normale aantal vlugte wat onderneem is.
Die Internasionale Lugvervoervereniging (IATA) sê in ’n verklaring die inkomsteverlies van die lugvervoerbedryf sal in 2020 na raming US$84,3 miljard beloop.
Rederye se inkomste sal met 50% val van US$838 miljard in 2019, tot US$419 miljard in 2020. Dit is 3,2% méér as tydens die wêreldwye finansiële krisis in 2007-’08, sê Iata.
Daarbenewens sal passasiersgetalle met sowat 50% daal tot 2,25 miljard in 2020.
Die werksverliese wat daaruit voortspruit, sal eweneens enorm wees en die verwagting is dat 25 miljoen werksgeleenthede in gedrang is.
Nagenoeg 65,5 miljoen mense steun op wêreldlugvaart vir ’n inkomste. Dit sluit mense in die reis- en toerismebedryf in, wat vir die grootste deel van hulle inkomste op buitelandse toerisme staatmaak, sê IATA.
Mnr. Alexandre de Juniac, direkteur-generaal en uitvoerende hoof van IATA, sê 2020 sal opgeteken staan as die donkerste jaar ooit in die geskiedenis van lugvaart.
Hy sê omdat 2,2 miljard minder passasiers vanjaar van lugvervoer gebruik sal maak, en die verlies per passasier op US$37,34 bereken word, kán rederye nie sonder finansiële hulp van regerings oorleef nie.
Een ligpunt, sê hy, is die inkomste uit vragvervoer wat na verwagting sal styg van US$102,4 miljard in 2019, tot US$110,8 miljard in 2020.
“Die ergste is waarskynlik agter ons, mits daar nie ’n tweede en meer verwoestende golf van Covid-19-gevalle aangemeld word nie. Die sleutel vir ons herstel is die universele implementering van die hervattingsriglyne vir lugvaart wat deur die Internasionale Burgerlugvaartorganisasie (ICAO) vir die veiligheid van passasiers en bemanningslede ontwikkel is,” sê De Juniac.
Hy sê met die hulp van doeltreffende kontakopsporing, behoort hierdie maatreëls vir regerings die gemoedsrus te gee om grense oop te stel sonder om reisigers onder kwarantyn te plaas.
Volgens De Juniac is dit belangrik vir ekonomiese herstel aangesien 10% van die wêreld se bruto binnelandse produk (BBP) van toerisme afkomstig is. Voor internasionale lugvervoer nie ongehinderd kan plaasvind nie, sal mense nie reise na ander lande onderneem nie.
“Om mense weer veilig te laat vlieg, sal ’n kragtige ekonomiese inspuiting bewerkstellig,” meen hy.
TAAKSPAN SE RIGLYNE
Die riglyne vir hoe te werk gegaan moet word om passasiers en bemanningslede te beskerm as grense vir lugreise oopgestel word, is deur ’n lugvaartherstel-taakspan van ICAO ontwikkel.
Dit is gedoen ná konsultasies met die Wêreldgesondheidsorganisasie (WHO), die lugvaartbedryf en ander belanghebbendes.
Volgens die voorsitter van die taakspan, mnr. Philippe Bertoux, is die doel daarvan om die nasionale-, streek- en bedryfspesifieke Covid-19-herstelplanne aan te vul en nie om dit te vervang nie.
“Dit is daarop gemik om wêreldlugvervoer op ’n veilige en volhoubare wyse weer aan die gang te kry,” sê hy.
“Om suksesvol te wees, moet ons ’n veelvoudige en veral risikogebaseerde benadering volg. Maatreëls sal bygevoeg of verwyder word gegrond op die talle mediese en ander faktore wat ’n rol speel.”
Die riglyne word uitgestippel met inagneming van die vyf fases van lugvervoer – van die minimum aantal internasionale passasiersgetalle tans tot by die punt tot waar “spesifieke en doeltreffende farmaseutiese ingrypings” geredelik in die meeste lande beskikbaar is.
Verder gee die riglyne aandag aan die situasie by lughawens, hoe passasiers aan boord gaan en die reis in die vliegtuig self.
Wanneer passasiers aan boord gaan, sal dit so geskied dat hulle nie dig teen mekaar beweeg of aan mekaar raak nie. Indien vliegtuie nie vol is nie, sal sitplekke tussen passasiers oopgelaat word.
Beweging tydens die vlug sal ook beperk word deurdat passasiers met so min as moontlik kajuitbagasie moet reis, voor hulle plaas neem boeke, tydskrifte en koerante uit hul bagasie te haal en ’n afskaling van belastingvrye verkope op vlugte.
Op kort vlugte sal die bediening van kos en drankies gestaak of beperk word, of dit sal in geseëlde houers bedien word.
Verder word ook voorgestel een toilet moet vir die gebruik van bemanningslede gereserveer word, terwyl passasiers die ander toilet(te) gebruik om die beweging van passasiers tydens die vlug minder te maak.
De Juniac het intussen gesê Iata steun op regerings om hierdie aanbevelings so vining as moontlik te implementeer, “want die wêreld wil weer reis en het lugrederye nodig om ’n sleutelrol in die ekonomiese herstel te vertolk”.
“Hierdie maatreëls behoort passasiers en bemanningslede die vertroue te gee om weer te vlieg. Ons is verbind daartoe om saam met ons vennote te werk om voortdurend maatreëls te verbeter soos die mediese wetenskap, tegnologie en die pandemie vorder,” sê De Juniac.
Die liggaam wat lughawens verteenwoordig, ACI World, het ook die riglyne verwelkom.
“ACI World besef daar is tans nie een enkele maatreël wat al die risiko’s verbonde aan die hervatting van lugverkeer uitskakel nie, en stem saam die harmonisering van die prosesse en prosedures bied die mees doeltreffende wyse waarop die risiko’s met die noodsaaklikheid daarvan om ekonomieë te ontsluit, in balans gebring kan word,” het dié liggaam in ’n verklaring gesê.
Een ding is duidelik: Buitelandse reise sal ingewikkelder word. En om aan te meld en aan boord te gaan, sal meer tyd in beslag neem.
Die rye by immigrasie sal langer word omdat mense aan intensiewe gesondheidskontrole voor vlugte onderwerp sal word, wat selfs kitstoetse vir Covid-19 kan insluit.
Die Midde-Oosterse lugredery Emirates het dit reeds by sy basis in Dubai ingestel. ’n Soort immuniteitsertifikaat sal dalk ’n vereiste vir sowel uitwaartse as inwaartse reis word. Dit sal aan ’n indringende nasporingstelsel in digitale formaat gekoppel moet word, het Finweek onlangs berig.
Die nuwe normaal gaan reis meer stresvol maak, maar sonder lugvervoer en toerisme sal ekonomieë nie kan herstel nie, sê die lugvaartbedryf.
Kommentaar
Republikein
Geen kommentaar is op hierdie artikel gelaat nie