Nugter denke oor grond

Die radikalisering van die grondgesprek in Namibië kan meer skade as goed aanrig.Hiermee word die groot belang en emosionaliteit van die grondkwessie allermins ontken.Polarisering ten alle koste sal gesprekke by die tweede nasionale grondberaad in Oktober net moeiliker laat vlot. Sowat vier maande voor die beraad moet kommer uitgespreek word oor die tekort aan uitvoerige konsepdokumente om reeds vooraf rigting aan die debat te gee.Sedert minister Utoni Nujoma se onderhoud met Suid-Afrikaanse TV is dit vernaam die Regstellende Herposisioneringsbeweging (AR) en die Beweging van Grondlose Mense (LPM), maar ook ander wat opnuut oor onwettige grondbesetting en selfs geweld praat. Sulke uitsprake is nie in nasionale belang nie en besoedel die belang dat rolspelers mekaar moet vind.Diegene wat Nujoma wil aanvat hoekom mense nie sonder geldelike en ander ondersteuning hervestig kan word nie, moet bloot kyk na hoe sekere hervestigingsplase lyk. 'n Absolute aandrang op die teruggee van alle voorvaderlike grond is so onhaalbaar dat dit juis kort na onafhanklikwording nie oorweeg is nie.In Zimbabwe is bewys hoe 'n groot negatiewe slag 'n totale grondrevolusie vir landbou, voedselproduksie en die nasionale ekonomie was.Kompromie en toegewings is die grondslag waarop Namibië as 'n vreedsame en stabiele, demokratiese republiek tot stand gekom het. Dit moet ook die vertrekpunt van die grondberaad wees. So sê ander12 Junie 2918 Beeld, Die Burger en Volksblad sê Ná 'n week van slegte nuus in die vorm van droewige BBP-syfers en wat lyk na 'n stewige ANC-paleisrevolusie, het die skitterende vertonings van etlike sportsterre Suid-Afrikaners die naweek weer rede gegee om te glimlag.Oudpres. Nelson Mandela, wat op 18 Julie 100 sou gewees het, sou breëbors rondgestap het as hy die naweek se resultate kon aanskou van sy oorspronklike pogings om versoening en nasiebou deur middel van sport te bewerkstellig.Die gees van kameraderie in die Comrades is beliggaam deur die honderde wit en swart deelnemers wat die stadion hand-aan-hand of met hande in die lug in “busse” binnegedraf het. Nes hulle is ons almal “kamerade op die langpad” in ons strewe na 'n beter toekoms vir ons land en ál sy mense.Gewone Suid-Afrikaners moet eweneens hande vat en ophou toelaat dat kleinlike politici met groot magstrewes aanhou om hulle te verdeel.• NETWERK24

Nugter denke oor grond

Kommentaar

Republikein 2025-04-21

Meld asseblief aan om kommentaar te lewer

Nugter denke oor grond

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie