Nust wys waarnemende visekanselier aan

Dr. Andrew Niikondo is van môre af die waarnemende visekanselier van die Namibië Universiteit vir Wetenskap en Tegnologie (Nust).
Dit volg nadat mnr. Morné du Toit se waarnemende termyn in dié pos vandag verstryk.
Die universiteit sê in 'n verklaring hy sal vir ses maande waarneem, of tot 'n permanente aanstelling gemaak word.
Niikondo, wat 'n doktorsgraad in openbare administrasie het, is sedert 2018 Nust se adjunk-visekanselier: akademies.
Du Toit vervul van môre af weer sy ou pos as adjunk-visekanselier: finansies en administrasie.

Foto:Nampa