Nuwe finansiële hoof by Bank Windhoek

James Chapman is as die nuwe hoof- finansiële beampte van Bank Windhoek aangestel. Chapman, ''n gebore Namibiër, is ''n geoktrooieerde rekenmeester met meer as nege jaar se ondervinding wat hy in Namibië, Suid-Afrika, Malawi, Botswana en Zambië opgedoen het. Hy is in Maart 2013 by Capricorn Investment Holdings (CIH) aangestel, waarna hy na Cavmont Bank in Zambië gesekondeer is. Hier was hy ’n lid van dié bank se senior leierskapspan.