Nuwe gesig by stadsraad

Mnr. Jürgen Hecht van die Independent Patriots for Change (IPC) is gister as ’n raadslid in die Windhoekse stadsraad ingehuldig. Hy vervang mnr. Fillemon Hambuda van die IPC wat bedank het. Die adjunkburgemeester van Windhoek, me. Clemencia Hanases, het sy inhuldiging behartig. Die burgemeester, dr. Job Amupanda, het om verskoning gevra vir sy afwesigheid. Hecht het gesê: “Ek is hier om ondersteuning te bied aan alle Namibiërs, maak nie saak wat hulle ras of kleur is nie.” Foto Jeanette Diergaardt