Nuwe hoop vir Windhoek se parke

Kristien Kruger – Die munisipaliteit van Windhoek het bekend gemaak die opbrengs uit die verkoop van beskikbare openbare grond sal vir die ontwikkeling van parke in die hoofstad gebruik word.Die opbrengste sal in ’n spesiale fonds geplaas word wat slegs vir die ontwikkeling en instandhouding van parke bestem is.“Die munisipaliteit het in die verlede uitdagings rakende die ontwikkeling en instandhouding van parke beleef.“Die raad se nuwe benadering om ’n fonds vir die ontwikkeling van parke te skep, sal vir inwoners van Windhoek die noodsaaklike verligting bring,” lui die munisipaliteit se kennisgewing. Die fonds is glo reeds op 1 September op die been gebring.Die munisipaliteit het gister ook bekend gemaak die konstruksiewerk van nuwe fietsbane sal vandag begin en tot 31 Januarie 2022 duur.Een lang baan met een kort vertakking vanaf Khomasdal deur Doradopark tot in die omgewing van die Universiteit van Wetenskap en Tegnologie (Nust) word beplan.Die bane sal aan die kant van bestaande paaie en sypaadjies bygevoeg word en verkeer in die omgewing sal vir die tydperk herlei word.Die strate wat vir die duur van die werk ontwrig sal word, is onder meer Florence Nightingale, Dr Kuaima Riruako, Andrew Kloppers en Brahms.“Ons versoek die publiek om die verandering in verkeerstoestande tydens die konstruksie, asook daarna, in ag te neem. “Ons vra verskoning vir enige ongerief terwyl die nodige werk aan die gang is,” lui die munisipaliteit se openbare kennisgewing.Me. Verusckha Araes van die Deutsche Gesellschaft für Internationale Zusammenarbeit (GIZ) is die projekbestuurder, mnr. Nicholas Lensen van die munisipaliteit is die ingenieur en Ndakalimwe Investments CC die kontrakteur.– kristien@republikein.com.naFOTO’s Tanja BauseDie waterpype in die visdam van die Zoo Park is heel verroes.Speelparke oral in Windhoek is beskadig en hou ‘n gevaar vir kinders in. Zoo Park se visdam het eens op ’n tyd visse in gehad, maar staan al vir ’n aantal jare leeg en verwaarloos. Zoo Park in sy fleur, meer as 'n dekade gelede. Foto Facebook

Nuwe hoop vir Windhoek se parke

Kommentaar

Republikein 2025-04-18

Meld asseblief aan om kommentaar te lewer

Nuwe hoop vir Windhoek se parke

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie