Nuwe paniek: Wall Street laer, beurse in Ooste val

Amerikaanse aandele het oornag laer gesluit nadat dit tot die laagste vlak in drie jaar gedaal het omdat beleggers glo dat die ekonomiese impak van die coronavirus-pandemie groter as die reaksie van regerings en sentrale banke is.Die S&P500-aandeelmarkindeks het in ’n stadium met meer as 7% geval en weer veroorsaak dat verhandeling gestop moes word.Die Dow Jones-nywerheidsindeks het nou sy hele styging uitgewis sedert Donald Trump president geword het.Dié indeks het in ’n stadium met 10% geval.Beleggers wil meer besteding van regerings sien om die impak van die virus teen te werk.Die olieprys het tot sy laagste vlak in 18 jaar gedaal.Die dollar het die sewende dag agtereenvolgens versterk. Die pond het sy swakste vlak sedert 1985 teenoor die dollar bereik.Die S&P500 het uiteindelik 5%; die Dow Jones 6,3% en die Nasdaq 4,7% laer gesluit.Ander groot aandeelmarkindekse soos die FTSE100 van Brittanje het Woensdag 4% laer gesluit.DonderdagoggendIn die Ooste in Singapoer het Reuters Donderdagoggend toe verhandeling daar begin het, berig dat die dollar verder versterk en alles verder gedaal het nadat die noodmaatreëls wat in Europa, Amerika en Australië aangekondig is, nie ’n nuwe golf van paniekbevange verkope van beleggers gekeer het nie.“Niemand koop nie, daar is nie baie likiditeit nie en almal wil net uit die markte kom,” het Chris Weston, hoof van navorsing van die Melbrourne aandeelmakelaar Pepperstone, gesê.Aandele, staatseffekte, goud en hulpbronpryse het in markte in die Ooste geval terwyl die wêreld sukkel om die koronavirus te beheer en beleggers en ondernemings skarrel om kontant te kry.Die Australiese dollar het verder met 4% verswak tot sy swakste vlak in 17 jaar.Amper elke aandeelmark in Asië het gedaal en stroombrekers wat in werking tree wanneer markte te vinnig val, het in Seoel, Djakarta en Manila ingeskop.“Ons is in ’n fase waar beleggers net hul situasie wil likwideer,” het Prashant Newnaha, senior rente-strateeg van TD Securities in Singapoer, gesê.Intussen het die virus-uitbreking vererger. Italië het Woensdag die grootste sterftesyfer op een dag aangekondig sedert die koronavirus in China uitgebreek het.Meer as 9 000 mense het reeds wêreldwyd weens die virus gesterf en meer as 218 000 is besmet. Dit het gelei tot ’n noodtoestand wat nog nooit in menseheugenis gesien is nie.Selfs al het die Europese Sentrale Bank Woensdag aangekondig dat hy $820 miljard se effekte koop (dit is ’n aansporing vir markte normaalweg), het die dalings steeds plaasgevind.Die Federale Reserweraad in Amerika het later Woensdagmiddag ’n likiditeitsgerief vir geldmarkfondse beloof.Australië se sentrale bank het sy rentekoers verlaag tot ’n rekord-laagtepunt van 0,25%.Maar soos met ander groot stimulusprogramme wat reeds deur sentrale banke aangekondig is, het dit nie beleggersvertroue gehelp nie.“Dit is oor die impak op vraag en die ontwrigting aan die internasionale voorraadketting . . . hierdie maatstawwe spreek nie regstreeks die belangrike probleem vir markte aan nie,” sê Michael McCarthy, hoofmarkstrateeg van CMC Markets in Sydney. – Bloomberg, Reuters/Netwerk24

Nuwe paniek: Wall Street laer, beurse in Ooste val

Kommentaar

Republikein 2025-04-07

Meld asseblief aan om kommentaar te lewer

Nuwe paniek: Wall Street laer, beurse in Ooste val

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie