Nuwe regulasies vir informele handel kom
Die aanpassing van maatreëls om informele markte te heropen, word eersdaags verwag.
Augetto Graig – Informele handelaars wag in spanning vir plaaslike owerhede om regulasies bekend te maak oor hoe bedrywighede tydens die nasionale noodtoestand en die inperking voortgesit gaan word.
President Hage Geingob het verlede week gesê dat inperkingsmaatreëls op informele handel verslap kan word.
Die minister van justisie, me. Yvonne Dausab, het die naweek oor die nuwe regulasies uitgebrei wat in die Staatskoerant van 17 April gepubliseer is.
Die regering wil ruimte skep vir informele handel en -markte in Namibië om weer hul bedrywighede voort te sit.
“Informele handelaars, wat noodsaaklike goedere verskaf, gaan hul bedrywighede mag voortsit. Dus kan jy weer by die ou op die hoek tamaties gaan koop,” sê sy.
Die prokureur-generaal, mnr. Festus Mbandeka, sê hulle het na ekonomiese aktiwiteite gekyk wat nie lewens in gevaar gaan stel nie, en moet daar steeds klem op sosiale afstand, higiëne en ander gesondheidsmaatreëls gelê word.
“Dieselfde protokol as in die formele mark” sal volgens Dauseb van toepassing wees.
Volgens mnr. Prince Junias, adjunk- hoofsekretaris van die Namibië Informele Handelaars en Sjebeen Werkers-unie (NITSWU), is die verbod op informele handel onregverdig.
Hy sê dit is teleurstellend om te sien sekere buitelandse winkels is oop, terwyl die plaaslike gemeenskap met dieselfde tipe winkels gesluit moet wees.
Die vakbond is dankbaar informele markte kan moontlik weer toegelaat word om handel te dryf, sê hy.
Die plaaslike owerhede moet nuwe regulasies bekend maak vir die heropening van informele markte.
Mnr. Daniel Nghidinua, uitvoerende direkteur van stedelike en landelike ontwikkeling, sê mnr. Erastus Uutoni, minister van dié ministerie, het Saterdag deur middel van videokonferensies met streekgoewerneurs, streekraadsbeamptes, plaaslike owerhede en betrokke hoofbeamptes vergader.
Volgens Nghidinua word die konsepriglyne gefinaliseer, terwyl die verskillende streke opdrag gekry het om met voorbereiding te begin.
“Ons wil hê mense moet weer begin handel dryf, maar onder spesiale omstandighede. Elke plaaslike owerheid moet sy fasiliteite uitbaken, en seker maak dit is in ‘n goeie toestand. Die handelaars moet ook weet wat van hulle verwag word. Opleiding en die voorbereiding van infrastruktuur is noodsaaklik vir ‘n verandering in benadering,” volgens Nghidinua.
“Sosiale afstand moet gevolg word. Party van die stalletjies is te naby aan mekaar geleë. Die uitleg moet heroorweeg word. Kliënte moet ook aan die regulasies voldoen,” sê hy.
Die ministerie van gesondheid moet nog die maatreëls goedkeur, voeg Nghidinua by.
“Ons werk nou met die mense in Windhoek saam, en dié boodskap is na die ander streke gestuur. Ons het ‘n openbare gesondheidsverpligting en, tot die maatreëls vasgestel is, moet mense geduldig wees en hul plaaslike owerhede kontak om op hoogte te bly,” sê hy.
BEPERKTE DRANKVERKOPE
Die regulasies vir drank word aangepas om sterk drank, wyn of bier wat meer as 3% alkohol bevat, tombo of ander tuisgemaakte drank met meer as 3% alkoholinhoud, of enige drank ingevolge Artikel 6 van die Drankwet van 1998, in te sluit.
Die koop of verkoop van dié drank bly streng verbode. As iemand vir dié oortreding gevang word kan die persoon ’n boete van N$2 000 of tot ses maande tronkstraf opgelê word. Polisiebeamptes mag ook beslag op dié drank lê.
– [email protected]
President Hage Geingob het verlede week gesê dat inperkingsmaatreëls op informele handel verslap kan word.
Die minister van justisie, me. Yvonne Dausab, het die naweek oor die nuwe regulasies uitgebrei wat in die Staatskoerant van 17 April gepubliseer is.
Die regering wil ruimte skep vir informele handel en -markte in Namibië om weer hul bedrywighede voort te sit.
“Informele handelaars, wat noodsaaklike goedere verskaf, gaan hul bedrywighede mag voortsit. Dus kan jy weer by die ou op die hoek tamaties gaan koop,” sê sy.
Die prokureur-generaal, mnr. Festus Mbandeka, sê hulle het na ekonomiese aktiwiteite gekyk wat nie lewens in gevaar gaan stel nie, en moet daar steeds klem op sosiale afstand, higiëne en ander gesondheidsmaatreëls gelê word.
“Dieselfde protokol as in die formele mark” sal volgens Dauseb van toepassing wees.
Volgens mnr. Prince Junias, adjunk- hoofsekretaris van die Namibië Informele Handelaars en Sjebeen Werkers-unie (NITSWU), is die verbod op informele handel onregverdig.
Hy sê dit is teleurstellend om te sien sekere buitelandse winkels is oop, terwyl die plaaslike gemeenskap met dieselfde tipe winkels gesluit moet wees.
Die vakbond is dankbaar informele markte kan moontlik weer toegelaat word om handel te dryf, sê hy.
Die plaaslike owerhede moet nuwe regulasies bekend maak vir die heropening van informele markte.
Mnr. Daniel Nghidinua, uitvoerende direkteur van stedelike en landelike ontwikkeling, sê mnr. Erastus Uutoni, minister van dié ministerie, het Saterdag deur middel van videokonferensies met streekgoewerneurs, streekraadsbeamptes, plaaslike owerhede en betrokke hoofbeamptes vergader.
Volgens Nghidinua word die konsepriglyne gefinaliseer, terwyl die verskillende streke opdrag gekry het om met voorbereiding te begin.
“Ons wil hê mense moet weer begin handel dryf, maar onder spesiale omstandighede. Elke plaaslike owerheid moet sy fasiliteite uitbaken, en seker maak dit is in ‘n goeie toestand. Die handelaars moet ook weet wat van hulle verwag word. Opleiding en die voorbereiding van infrastruktuur is noodsaaklik vir ‘n verandering in benadering,” volgens Nghidinua.
“Sosiale afstand moet gevolg word. Party van die stalletjies is te naby aan mekaar geleë. Die uitleg moet heroorweeg word. Kliënte moet ook aan die regulasies voldoen,” sê hy.
Die ministerie van gesondheid moet nog die maatreëls goedkeur, voeg Nghidinua by.
“Ons werk nou met die mense in Windhoek saam, en dié boodskap is na die ander streke gestuur. Ons het ‘n openbare gesondheidsverpligting en, tot die maatreëls vasgestel is, moet mense geduldig wees en hul plaaslike owerhede kontak om op hoogte te bly,” sê hy.
BEPERKTE DRANKVERKOPE
Die regulasies vir drank word aangepas om sterk drank, wyn of bier wat meer as 3% alkohol bevat, tombo of ander tuisgemaakte drank met meer as 3% alkoholinhoud, of enige drank ingevolge Artikel 6 van die Drankwet van 1998, in te sluit.
Die koop of verkoop van dié drank bly streng verbode. As iemand vir dié oortreding gevang word kan die persoon ’n boete van N$2 000 of tot ses maande tronkstraf opgelê word. Polisiebeamptes mag ook beslag op dié drank lê.
– [email protected]
Kommentaar
Republikein
Geen kommentaar is op hierdie artikel gelaat nie