Nuwe toep red lewens in informele gebiede
Henriette Lamprecht – 'n Mobiele toepassing wat in Ghana ontwerp is en wat die reaksietyd van ambulanse verhoog deur die regte besonderhede van ligging sonder die hulp van die internet te verskaf, word tans deur ambulansbestuurders in Namibië gebruik.
Die toepassing is veral geskik vir gebiede waar weinig of geen amptelike straattekens of adresse is nie – soos in Namibië se verskeie nedersettings.
Die toep, SnooCODE RED, is deur die Ghanese ingenieur Sesinam Dagadu, eienaar van tinyDAVID ontwerp. Dit verkort die reaksietyd met tot 56% wat veral belangrik is wanneer daar op 'n oproep vir ernstige siek Covid-19-pasiënte reageer word.
Dit kan ook gebruik word om te verseker dat mense in informele nedersettings inentings ontvang.
Om in ontwikkelende lande soos Namibië se verskeie nedersettings die regte ligging van 'n pasiënt te kry, is dikwels 'n onbegonne taak. Baie strate het nie name nie, huise het nie nommers nie en inwoners gebruik bakens soos bome, kerke, banke of winkels om te probeer verduidelik waar hulle woon.
“Dit raak 'n probleem wanneer 'n ambulans na die 'blou kiosk op die hoek' verwys word, maar die kiosk is nie meer daar nie,” verduidelik Dagadu. “Die ambulansbestuurder moet gevolglik verskeie opvolgoproepe maak om die pasiënt te probeer vind, wat waardevolle tyd laat verlore gaan,” sê hy.
Die sagteware verdeel streke deur eenvoudige kodes deur die gebruik van nommers en letters om dit maklik vir enige persoon te maak om hul ligging deur te gee. Dit genereer 'n sesgetal, alfanumeriese liggingskode wat maklik onthou kan word deur 'n GPS te gebruik om die presiese ligging vas te stel met 'n akkuraatheid van 25 cm.
Die kode van ses getalle bly dieselfde vir elke spesifieke ligging, wat beteken dié met basiese geletterdheidsvlakke asook dié sonder toegang tot slimfone, kan dit maklik vir 'n noodgeval memoriseer.
Ambulansbestuurders en ander gebruikers kan die kode in die toep invoer en dit sal die beste roete uitwerk om by die spesifieke adres te kom.
Die toep word tans uitgebrei om noodreaksie-eenhede in staat te stel om 'n lys te sien van nie net die naaste gesondheidsentrums nie, maar ook die hospitale wat die beste toegerus is om elke noodgeval met die druk van 'n knoppie te kan hanteer.
Dit word gedoen danksy finansiering van die ambassade van Switserland in Ghana in vennootskap met die vereniging van noodmedisyne in Ghana.
SnooCODE Red is suksesvol in Accra, Ghana getoets en word tans deur ambulanse in Nambië sowel as die ambulansdiens BenKa Life in Kameroen gebruik.
“Ons weet presies waar om ons pasiënte te vind en kan vinnig by hulle uitkom. Dit verhoog hul kanse vir oorlewing,” sê Christian Kalieu van BenKa Life. “Dit help baie dat dit aflyn gebruik kan word.”
Die toepassing is beskikbaar in Engels, Frans en Portugees en sal ook in Arabies vertaal word.
Die stelsel kan reeds oral in Afrika, Suid-Amerika, die Midde-Ooste en 70% van Asië gebruik word.
Omdat die sagteware nie van nasionale infrastruktuur afhanklik is nie en eenvoudig genoeg is vir 'n voorskoolse kind om te gebruik, is dit veral besonder bruikbaar gedurende natuurrampe en uitbreking van siektes.
Die Wêreldgesondheidsorganisasie (WHO) se Afrika Netwerk vir die innovering van medisyne en diagnostiek het SnooCODE RED beskryf as 'n kerntegnologie om betyds noodsorg oraloor Afrika te verskaf en vir die stryd teen aansteeklike siektes.
– [email protected]
FOTO
Miilon Duut, ’n lid van Ghana se nasionale ambulansdiens, werk in Kumasi, ’n stad van 3,3 miljoen inwoners. Foto The Royal Academy of Engineering
Die toepassing is veral geskik vir gebiede waar weinig of geen amptelike straattekens of adresse is nie – soos in Namibië se verskeie nedersettings.
Die toep, SnooCODE RED, is deur die Ghanese ingenieur Sesinam Dagadu, eienaar van tinyDAVID ontwerp. Dit verkort die reaksietyd met tot 56% wat veral belangrik is wanneer daar op 'n oproep vir ernstige siek Covid-19-pasiënte reageer word.
Dit kan ook gebruik word om te verseker dat mense in informele nedersettings inentings ontvang.
Om in ontwikkelende lande soos Namibië se verskeie nedersettings die regte ligging van 'n pasiënt te kry, is dikwels 'n onbegonne taak. Baie strate het nie name nie, huise het nie nommers nie en inwoners gebruik bakens soos bome, kerke, banke of winkels om te probeer verduidelik waar hulle woon.
“Dit raak 'n probleem wanneer 'n ambulans na die 'blou kiosk op die hoek' verwys word, maar die kiosk is nie meer daar nie,” verduidelik Dagadu. “Die ambulansbestuurder moet gevolglik verskeie opvolgoproepe maak om die pasiënt te probeer vind, wat waardevolle tyd laat verlore gaan,” sê hy.
Die sagteware verdeel streke deur eenvoudige kodes deur die gebruik van nommers en letters om dit maklik vir enige persoon te maak om hul ligging deur te gee. Dit genereer 'n sesgetal, alfanumeriese liggingskode wat maklik onthou kan word deur 'n GPS te gebruik om die presiese ligging vas te stel met 'n akkuraatheid van 25 cm.
Die kode van ses getalle bly dieselfde vir elke spesifieke ligging, wat beteken dié met basiese geletterdheidsvlakke asook dié sonder toegang tot slimfone, kan dit maklik vir 'n noodgeval memoriseer.
Ambulansbestuurders en ander gebruikers kan die kode in die toep invoer en dit sal die beste roete uitwerk om by die spesifieke adres te kom.
Die toep word tans uitgebrei om noodreaksie-eenhede in staat te stel om 'n lys te sien van nie net die naaste gesondheidsentrums nie, maar ook die hospitale wat die beste toegerus is om elke noodgeval met die druk van 'n knoppie te kan hanteer.
Dit word gedoen danksy finansiering van die ambassade van Switserland in Ghana in vennootskap met die vereniging van noodmedisyne in Ghana.
SnooCODE Red is suksesvol in Accra, Ghana getoets en word tans deur ambulanse in Nambië sowel as die ambulansdiens BenKa Life in Kameroen gebruik.
“Ons weet presies waar om ons pasiënte te vind en kan vinnig by hulle uitkom. Dit verhoog hul kanse vir oorlewing,” sê Christian Kalieu van BenKa Life. “Dit help baie dat dit aflyn gebruik kan word.”
Die toepassing is beskikbaar in Engels, Frans en Portugees en sal ook in Arabies vertaal word.
Die stelsel kan reeds oral in Afrika, Suid-Amerika, die Midde-Ooste en 70% van Asië gebruik word.
Omdat die sagteware nie van nasionale infrastruktuur afhanklik is nie en eenvoudig genoeg is vir 'n voorskoolse kind om te gebruik, is dit veral besonder bruikbaar gedurende natuurrampe en uitbreking van siektes.
Die Wêreldgesondheidsorganisasie (WHO) se Afrika Netwerk vir die innovering van medisyne en diagnostiek het SnooCODE RED beskryf as 'n kerntegnologie om betyds noodsorg oraloor Afrika te verskaf en vir die stryd teen aansteeklike siektes.
– [email protected]
FOTO
Miilon Duut, ’n lid van Ghana se nasionale ambulansdiens, werk in Kumasi, ’n stad van 3,3 miljoen inwoners. Foto The Royal Academy of Engineering
Kommentaar
Republikein
Geen kommentaar is op hierdie artikel gelaat nie