Nuwe tuiste vir ‘interaktiewe kunservaring’
Kunsfoendi’s, staan reg
In die vyf maande vandat DEFINITION: Art einde 2020 in die Maerua-inkoopsentrum gebore is, het dié instansie hard gewerk om ’n liefde vir elke plaaslike kunsvorm binne die Namibiese publiek te kweek.
“Ons het ons deure op 15 April gesluit, maar ons liefde vir kuns het nie daar geëindig nie. Ons het gevorder tot op ’n ander plek – ons eie nuwe plek,” vertel mnr. Emmanuel Enkara, die eienaar.
Die instansie het op 27 Mei amptelik die deure van sy nuwe ruimte by The Village in die hoofstad oopgemaak. Die werk van verskeie plaaslike kunstenaars is tydens die geleentheid uitgestal, en alles was te koop.
DEFINITION: Art word beskryf as ’n “interaktiewe kunservaring”, met die hooffokus daarop om plaaslike kontemporêre kunstenaars te help om hul kunswerke te verkoop en om hul werk op ’n vars, moderne manier vir die Namibiese publiek aan te bied.
Benewens die uitstallings, bied die inisiatief verskeie ander kunsverwante aktiwiteite aan, soos verf- en wynsessies met verskillende temas, waar akteurs en aktrises gedagtes prikkelende tonele van tragedie, romanse, wetenskapfiksie en drama vir die besoekers uitvoer terwyl hulle skilder.
DEFINITION: Art kombineer ook filosofie en poësie in ’n “intellektuele gespreksessie”, waar die publiek kan gesels en redeneer oor onderwerpe wat die verstand te bowe gaan, terwyl hulle na die kreatiewe intellek van poëtiese kunstenaars luister.
Hulle bied ook ’n verskeidenheid musieklesse vir die publiek aan, wat kitaar, klavier, trom en vioollesse insluit. ’n Groep ervare musiektutors is gereed om groepe mense tegelykertyd te onderrig en die instrumente word voorsien.
Fliekaande, waar die publiek kan kies watter films hulle in die Ster-Kinekor-teater in die Maerua-inkoopsentrum wil sien (die plek is onderhewig aan verandering), is ook op die agenda.
Die hooffokus bly egter steeds om diegene in die visuele kunsbedryf te help om 'n inkomste uit hul kunswerke te genereer. DEFINITION: Art bied elke twee maande ’n kunsveiling aan, wat die perfekte geleentheid is om plaaslike kunstenars te ondersteun.
“Ons het baie ander kunsverwante aktiwiteite wat ons graag by ons skedule wil voeg,” vertel Enkara opgewonde.
Almal wat in kuns belangstel word uitgenooi om The Village in Liliencronstraat 18 te besoek, of ’n draai te maak op DEFINITION: Art se sosiale media-blaaie om op hoogte te bly van al die opwindende geleenthede wat op pad is.
“Gedurende die vakansietyd, tydens 'n wêreldwye pandemie, met Namibië se huidige swak ekonomiese klimaat, het ons nie geweet wat om te verwag nie. Maar in die proses kon ons alreeds meer as 20 kunstenaars help om 'n inkomste te verdien. Ons is baie trots almal wat ’n verskil in dié mense se lewens kon maak,” sê Enkara.
“Ons het ons deure op 15 April gesluit, maar ons liefde vir kuns het nie daar geëindig nie. Ons het gevorder tot op ’n ander plek – ons eie nuwe plek,” vertel mnr. Emmanuel Enkara, die eienaar.
Die instansie het op 27 Mei amptelik die deure van sy nuwe ruimte by The Village in die hoofstad oopgemaak. Die werk van verskeie plaaslike kunstenaars is tydens die geleentheid uitgestal, en alles was te koop.
DEFINITION: Art word beskryf as ’n “interaktiewe kunservaring”, met die hooffokus daarop om plaaslike kontemporêre kunstenaars te help om hul kunswerke te verkoop en om hul werk op ’n vars, moderne manier vir die Namibiese publiek aan te bied.
Benewens die uitstallings, bied die inisiatief verskeie ander kunsverwante aktiwiteite aan, soos verf- en wynsessies met verskillende temas, waar akteurs en aktrises gedagtes prikkelende tonele van tragedie, romanse, wetenskapfiksie en drama vir die besoekers uitvoer terwyl hulle skilder.
DEFINITION: Art kombineer ook filosofie en poësie in ’n “intellektuele gespreksessie”, waar die publiek kan gesels en redeneer oor onderwerpe wat die verstand te bowe gaan, terwyl hulle na die kreatiewe intellek van poëtiese kunstenaars luister.
Hulle bied ook ’n verskeidenheid musieklesse vir die publiek aan, wat kitaar, klavier, trom en vioollesse insluit. ’n Groep ervare musiektutors is gereed om groepe mense tegelykertyd te onderrig en die instrumente word voorsien.
Fliekaande, waar die publiek kan kies watter films hulle in die Ster-Kinekor-teater in die Maerua-inkoopsentrum wil sien (die plek is onderhewig aan verandering), is ook op die agenda.
Die hooffokus bly egter steeds om diegene in die visuele kunsbedryf te help om 'n inkomste uit hul kunswerke te genereer. DEFINITION: Art bied elke twee maande ’n kunsveiling aan, wat die perfekte geleentheid is om plaaslike kunstenars te ondersteun.
“Ons het baie ander kunsverwante aktiwiteite wat ons graag by ons skedule wil voeg,” vertel Enkara opgewonde.
Almal wat in kuns belangstel word uitgenooi om The Village in Liliencronstraat 18 te besoek, of ’n draai te maak op DEFINITION: Art se sosiale media-blaaie om op hoogte te bly van al die opwindende geleenthede wat op pad is.
“Gedurende die vakansietyd, tydens 'n wêreldwye pandemie, met Namibië se huidige swak ekonomiese klimaat, het ons nie geweet wat om te verwag nie. Maar in die proses kon ons alreeds meer as 20 kunstenaars help om 'n inkomste te verdien. Ons is baie trots almal wat ’n verskil in dié mense se lewens kon maak,” sê Enkara.
Kommentaar
Republikein
Geen kommentaar is op hierdie artikel gelaat nie